[校園][純愛]《幸運星下的預言》(Ⅵ)

咁就要睇落去

多謝你支持

好

唔好意思我問題

屌打錯晒
獎牌先岩

自組籃球第三
主席好返所以傑仔冇出場
冇特別所以冇提

我等緊佢兩個呀

佢地出咗去食飯？

都係隔離故個姐姐好
肯上水同讀者互動

係

我識嗰啲人全部都好內斂

大仆街個個？

你話呢

出嚟啦出嚟啦

點知 你地個個都睇咁多故

我睇好少

sad end就斬柒你

咁你可以斬定得

第一百一十二章
我老豆要加班

所以嗰日得三個人食飯

老母:「呀仔幫手呀

筱瑜話晒都客人嚟，

點可以叫佢拎埋啲餸出去架

頭先一路幫手我都唔好意思喇」

筱瑜:「唔緊要喎auntie

咁我下次會試下用你嗰個方法整」

老母:「我自己鍾意咁啫

如果煮完你唔鍾意就唔好理我

用返你最舒服嗰個整」

聽佢地講應該講緊煮餸

我唔識就梗係唔搭嘴啦

跟住就三個坐喺度食飯

檯面都幾撚多餸

咕嚕蝦球，金菇肥牛卷

有碟菜不過唔撚記得係咩

跟住有條桂花魚

再有煲湯

老母好似真係好鍾意筱瑜

因為平時三個人唔會煮咁多野

筱瑜:「好好食呀auntie」

唔好話我睇死佢

九成都喺度擦鞋

老母:「聽到未呀死仔

你女朋友先係講人話

你條友仔平時問你又話唔好食呢樣嗰樣」

我:「痴線

平時邊有話過你」

筱瑜:「傑仔

煮到咁嘅水準都話唔好食

真係唔知平時你食開啲乜」

我:「唔係呀

呀媽喺度砌我生豬肉

撚有講過」

老母:「又講粗口

唔好意思呀筱瑜傑仔平時都應該口沒遮攔

多謝你喺學校幫手睇住

佢講唔緊要最驚佢唔睇場合就講」

筱瑜:「哈哈

都慣架喇

咁佢都識分場合去講嘅

auntie唔使咁驚」

老母:「有你幫手睇住就好」

筱瑜:「佢都好照顧我

auntie放心啦你個仔好叻」

總之嗰晚餐飯大家有講有笑

氣氛相當和諧

食飽執完野就走喇

唔使問我梗係送埋佢返屋企。

筱瑜:「auntie好好人呀」

我:「係咩

咁我對老母都冇乜特別意見嘅」

筱瑜:「好到咁你都話有意見就大鑊

跟得上潮流，開通，正面

煮野又好食」

我:「使唔使擦到咁樣」

筱瑜:「死啦你去講緊真話呀」

我:「下次再上嚟囉」

筱瑜:「邊好意思呀

頭先嗰餐飯都唔平

成日上嚟邊度得

不過我都好耐冇試過食飯食得咁開心」

我:「係咩

你好嚮往咁樣」

筱瑜:「梗係啦

親戚食飯我好少講野嘅

你唔信問下表弟就知

對上一次咁開心應該係daddy未走嗰陣」

佢第一次同我講起佢老豆

繼續睇下佢講咩先

我:「你daddy

佢走咗係」

筱瑜:「因病過身

我小學嗰陣都好耐嚕，

所以頭先食得真係好開心

雖然得三個不過有傾有講」

雖然佢講得唔多

不過終於肯對住我提起呢個話題

我都幾開心佢同我分享

要知道以我認識嘅佢

絕少會同其他人講起私事」

我:「唔緊要喎

總之你想上嚟就上嚟啦

我老豆喺度都唔驚佢都好易相處」

筱瑜:「多謝先啦」

我:「係喎嗰次咪見到你呀媽嘅

佢係咪知道有我呢條友存在

其實auntie都幾nice」

筱瑜:「係呀佢知道咗喇，

好啦就到喇，

你返去啦

不過記住喎

沖完涼唔好即刻就瞓覺

點都要吹乾個頭先」

我:「女人係咪都係咁長氣呢

個個都係咁講嘅」

筱瑜:「話知你點講啦

總之記住啦」

跟住我就返屋企

返到去老豆去沖涼，

咁我個人污糟就費事入房啦

所以坐喺廳度同老母傾咗陣計

老母:「呢個女仔得喎

人靚又有禮貌

重要入得廚房

頭先同佢講野就知，

叻仔呀搵到一個咁好嘅女朋友」

我:「我驚你太熱情嚇親人」

老母:「痴線佢都冇講

我唔理呀你得閒就帶佢上嚟

除非佢講到口唔鍾意」

我:「之後先算啦」

我老母真係好錫筱瑜

嗰日之後佢間唔中就會煲定啲湯

知道我嗰日約咗佢呢，

就叫我拎出去俾佢飮

用嗰啲保溫壺裝住

特別臨近考試嗰排，

佢煲得特別密

話咩開夜車呀好辛苦

飲咗好啲呀咁樣

好彩自己老母煮野食煲湯都叫見得下人

筱瑜都主動飲晒

萬一唔好飲就大撚鑊

倒咗佢驚嘥

飲又唔鍾意喎

或者真係人夾人緣

總之我老母就好鍾意筱瑜

去到呢刻都仍然係話佢一流，

今時今日都重記得佢

特別係我老母平時記性都唔係好。

咁我只係睇丁仔同你既叫咩

P牌仔若凝生日快樂先(我都好似係P牌
丁仔又係D咁GE結尾已經估到係SAD END但係希望分手不要太悲哀啦如果唔丁仔等收刀片啦

手痕入嚟又有文

係

頭先我係講緊大仆街 你冇估錯