【香港國歌】商台聽眾合唱團 - 香港之歌 (1969)

其實係響應「香港節」而創作嘅歌曲之一


1969年，六七暴動平息冇耐，港英搞咗個香港節穩定民心、粉飾太平，嘗試提升返香港人對香港嘅歸屬感。商業電台六七暴動都元氣大傷，尤其播音員林彬(六七暴動期間林彬參演廣播劇《欲罷不能》、《大丈夫日記》，日日公開直屌匪。《欲罷不能》同之後另一個廣播劇節目《冷眼旁觀》就係《十八樓C座》前身)畀匪害死。香港之歌就係當年其中一首響應香港節嘅歌。1971年同1973年再搞過兩次，不過當時社會氣氛已經平靜曬，唔同69年，之後都冇再搞。








作曲鄺天培係商業電台開台初期營業部經理、中文節目部主任。除咗做幕後，亦都有參演過廣播劇同作過曲。作品有莫佩雯(秦煌老婆)〈勁草嬌花〉、尹芳玲〈薔薇之戀〉(1961年商台長篇廣播劇薔薇之戀主題曲)。連埋〈香港之歌〉，呢幾首歌都收入慶祝商業電台啟播十周年嘅《商台歌集第一輯》(1969)。