記唔記得G20嗰陣,我哋九個鐘籌咗670萬?依個數字,我相信超乎咗好多人意料之外,無人諗過咁短時間可以集到咁多錢
近排714 721 727 728,火車站嘅散紙總數都以千位數起跳,散紙神沙都可以堆到咁嘅數量出嚟
可能好多香港人無勇氣出嚟,好多香港人都好中意返工,好多香港人都唔願意犧牲自己份工去爭取民主,俾錢,係一個途徑俾佢哋可以用最低成本而又幫到最多嘅嘢
一個豬嘴講緊百幾蚊個,對前線嚟講,尤其好多係學生,係一樣好貴嘅嘢,但對於好多喺港島返工嘅上班族,濕濕碎啦。佢哋唔係唔肯捐,佢哋係唔知有咩途徑捐,又或者覺得麻煩而唔肯做
所以,除咗擺街站播黑警濫權,派傳單之外,我哋需要各個政治團體遍地開花咁出嚟募捐,我哋需要有一班有一定知名度嘅團體幫手擺街站集資,然後將啲錢拎去做法援、買防具同依賴眾籌嘅報紙。最緊要係可以俾到大部分香港人喺街路過就可以塞一百蚊落錢箱嗰種
香港有好多中產,好多都係黃絲,但個個揸住層樓攬住份工放唔低,不過佢哋樓價咁貴都買得起啲樓,民主佢哋又點會買唔起
光復香港,時代革命。