.問過個資深耶撚fd,佢話因爲聖經第一次講明唔比亂倫係喺出埃及記,創世記未頒布呢條律法,仲引段經文咩「未有律法之先,罪不能算為罪」之類,所以亞當夏娃啲仔女亂倫冇犯罪
亂倫唔係多數命短咩?by DNA
幾千年前未必
亞當夏娃成九百既歲先死,佢地啲後代好似挪亞咁閒閒地幾百歲命,係直至摩西嗰代人既壽命先變返同而家差唔多
啱啱whatsapp左我個耶撚fd,佢咁答
睇到段字都打冷震
在我地呢啲唔信既人睇咪覺得假囉,但佢地連洪海分海,五餅二魚都信,佢呢個解釋你又搵唔到佢自相矛盾既位喎
利申:識左佢呢五年黎不斷問啲最難答既問題,例如神可唔可以創造一舊佢舉唔起既石頭?邊個創造上帝?神明知人會犯罪點解仲要創造人?但次次佢都答得出,留名睇連登仔出招
摩西分紅海係翻譯錯誤
希伯來文原文係講[蘆葦海]
其實聖經好多bug位都係翻譯或者左cut右cut問題
猶太教古籍由希伯來文寫成
羅馬人將其翻譯成拉丁文
幾百年之後再將拉丁文翻譯成英文
近一百年先將英文翻譯成中文
當中既一詞多義,厘語,甚至希伯來文字多一點少一點都唔同左意思
呢樣係好少好少耶撚講得出
佢地只會死拗爛拗,供奉本中文聖誕一字一句係神聖不可侵犯
巴打o岩
無你咁多知識
返左教會兩年,但都覺得教會唔比人“覺得聖經呢到要改”呢個做法唔可取
一咁做就好易比人話異端(明白佢地concern)
但聖經除非你睇希伯來文,否則我覺得其他文字翻譯出來o岩唔o岩無人知
咁多巴打我都知你地好憎耶撚,但如果你問問題都起碼用個等答案既心態去問,而唔係未聽答案就已經諗定:我一定要反駁你既心態
如果係想恥笑不如直接笑算,唔洗兜咁大個圈
接下來平心靜氣討論下面問題
注意,呢d問題無人會肯定答案,好多基督徒有唔同睇法
呀當夏全家亂倫?
之前位巴打答左,有莉莉斯
其次,以前罪惡比呢家嚴重好多,睇聖經好多名人都做好多衰野,殺人老公再搶人老婆,但上帝都係會重用佢
點解有知善惡樹?
好多好多原因,我簡單講個
1.知善惡樹並唔係壞野,並唔係毒藥
2.上帝比人有好大自由度,園人面有好多果子,生命樹等等,佢設立一項規條試下人會唔會順服,但人都係捨棄金山要粒金
舉個例子,媽媽好唔想你打機,但都唔會掉左佢
OK
全能既上帝既話語咁重要既野,要一堆可信性低既「先知」寫低
仲要零零舍舍淨係搵D唔知咩國家咩語言寫,再搵人翻上翻上翻上翻上翻上翻
點解全知全能既上帝要用呢D垃圾方法溝通?
點解唔係直接用心靈感應話比所有唔信既人?
就算死都要寫係本爛書,點解唔係每個國家每種文字都有人寫?
因為希伯來文唔係[ D唔知咩國家咩語言寫]
而係猶太人既語言
而猶太人係神既選定民族
只有猶太人先會得救
其他國家其他人種既係外邦人係異類,不得救贖
果然係眾生平等
神愛世人
耶撚好似冇講過眾生平等
因為耶撚會用牛做祭獻
仲係非常重要既事
眾生平等係 印度原始佛教既理念
而佛教又源自印度教
舊約亦都冇講過神愛世人
舊約中既神只係關照猶太人
而神愛世人第一次出現係喺耶穌新約
有歷史宗教學家提出過
點解耶教由 神愛猶太人 變為 神愛世人
係因為耶穌12歲至30歲中間失蹤左18年
(冇任何典籍記載過,包括聖經)
佢係去左印度學佛
有巴打有興趣先再講
有興趣知道耶穌去印度學佛呢段
有德國人出左本書叫[耶穌在印度]
大概講耶穌逃避父母安排既盲婚啞嫁
跟住中東既商旅去左印度
跟馬鳴菩薩弟子學法
印度西北部既佛寺有經典記載
對佛學冇研究,耶穌出嚟傳道個陣曾經更新過一次摩西律法,想知道佢傳道個陣所帶出嚟嘅訊息同佛學有冇關係.如果有的話都幾矛盾,將自己嘅話語建基於佛學之上
梗係有關,
博愛,寬恕,愛世人,都係學完佛之後既理念,
繼而返以色列傳道,
又冇話矛盾既,正如李小龍一樣,
好多[正宗撚]屌佢,又話佢詠春唔正宗,
佢就係乜都學,將所有優點集合再自成一套,
穌哥咪學完佛學既優點再自成一套
佢都成日屌鳩啲 盲目耶撚(法利賽人)淨係識盲目跟從聖經
戴下頭盔好喎
呢啲都只係傳說推敲估計,考證都唔嚴謹
當晒係歷史咁講就未免同耶撚參唔多水平