本身都想出個發夢post
點知俾巴打搶先一步
當大部分人都仲停留緊喺和理非
勇武、速戰速決真係唔啱香港人
講白啲 就算話流血就可以換到真正自由
佢哋都唔會去甚至阻人去
因為要「不受傷不流血」「一個都不能少」
而和理非得嚟
最有效嘅都應該係發夢時圍吓啲正苦部門
一嚟即刻見到成效
(唔係指訴求被回應,而係正苦即時被癱瘓,有香港人最鍾意嘅「階段性勝利」感覺)
二嚟可以令大家冇咁攰
(個夢唔使發足全日,瞓吓晏教日頭發夢就得)
三嚟夠晒和理非
(雖然個人認為游擊係要快狠準,和理非咁發夢極其量都只係有效嘅遍地開花)
從來民主自由都係要用血同汗換返嚟
但呢幾日睇清咗要香港人流血係幾咁冇可能
唯有退而求其次 搵出最適合香港人嘅發夢模式
游擊/遍地開花最最最重要嘅係堅持
而香港人最大特點就係善忘
不過我諗要香港人改變善忘
點都易過要佢哋忽然勇武地夢遊嘅
喺呢一刻嘅香港
發夢游擊/遍地開花圍堵正苦嘅行動
應該係最可行又最有效嘅夢了
但希望香港人唔好又「好人」到一邊圍堵
一邊心軟俾人自由出入啦
人善被人欺啊
祝 發個好夢
幫推