遊擊戰
喺維基嘅定義
係以多發性主動襲擊為主要手段,具有高度的流動性、靈活性、主動性、進攻性和速決性,並能廣泛動員及融入群眾裏
歷史上唔少戰爭都喺用佢嚟以弱勝強
包括越南大戰,國共內戰,美國獨立戰爭等
上述戰爭嘅戰勝國有啲雖然係共產黨,但唔妨礙我哋師夷長技以製夷,將歷史經驗融入抗爭運動
入正題
游擊戰嘅基本戰略方針好簡單
敵進我退,敵退我進,敵駐我擾
總之就係一種煩膠兼無賴嘅戰略,唔要求殲滅敵人,但求削弱同騷擾敵人,並保留己軍之有生力量。
敵人發起大規模進攻就解散躲藏,一退守,就立即擾敵,唔會硬碰硬,不斷削弱敵人嘅意志同士氣,等到削弱到差唔多時機成熟,就會一鼓作氣作出反攻。
好處:
1.所需人數較少
2.所需裝備較少
3.機動性強
4.唔需要單一集中根據地
5.可以同時展開多條戰線
6.能迅速集結,迅速撤離
7.事前隱蔽性強
壞處:
1.短期成效唔明顯
2.需要民意基礎
3.需要強而有力的宣傳及自發集結能力
4.需要熟悉地形
例子
美國“一分鐘人”(minuteman)
具有高度機動性及快速整合能力,能於信號發出後一分鐘內集結,並作出攻勢。平日民兵裝作普通市民,英軍無從下手,可一集結後便能短時間內集結成武裝民兵, 襲擊英軍。被反應過來的英軍進攻後,一哄而散,再次隱藏,準備下一次攻勢,打得散卻打不敗。
嚟到和平年代,遊擊戰嘅概念依然可以融入和平抗爭之中。
首先發夢佛祖同我講
我哋必須要拋棄不散嘅思想, 雨傘運動同近日嘅抗議中,留守喺一個不明智嘅選擇,原因如下:
1.嘥體力同精神
2.進入一個不利己方作戰嘅環境(夜晩)
3.容易陷入內訌(有啲人走,有啲人唔走)
4.物資冇辦法有效率運輸
5.冇太大關注(夜晚市民訓覺)
6.容易消耗民意(雨革中後期)
7.有機會擾民,造成民意倒退
8.過往經驗顯示,示威前期效果顯著,但隨著時間推進,效果越來越弱,留守效率不高
之前已經有巴打提出咗:
和理非>deadline>勇武升級 嘅抗爭概念
佛祖十分之認同
但問題係以呢個抗爭概念作出發點,必然會出現一種局面:短時間內(可能一個月至兩個月) 需要組織連續多場民意運動
如果要跟返傳統嘅抗爭理念行事 (大台號召>其他組織幫手宣傳>組織遊行)係冇可能嘅,因為佢嘅組織策略已經註定咗佢最多可以策劃一兩次嘅大型活動(事前需要大量準備+民眾可能出一兩次就會攰)另外襯長時間嘅策劃時間,政府可能已經諗出一啲疏導民意嘅方法,令下一次示威冇辦法有預期效果
注意:我唔係話冇用,反而好重要,只係唔符合巴打提出嘅抗爭理念需求,大家可以理解為一次戰場上面嘅全面進攻
為咗迎合呢個抗爭理念,我哋需要配合使用遊擊戰
和平嘅遊擊戰,其實就係一連串嘅不合作運動同埋堵塞,其目的旨在拖慢政府工作效率,甚至癱瘓政府機構,迫使政府面對民意之餘,亦能令佢疲於拼命外加令佢哋自己割席內訌,避免阻礙民意累積及打壓示威者。
遊擊針對嘅目標一定係政府建築先,包括警察總部,政總,稅務大樓,入境事務處大樓,立法會,禮賓府等政府行政機構,行動可以包括堵塞,靜坐,浪費行政資源,包圍甚至單純高叫口號,簡而言之就係有幾煩得幾煩。由同爭議最相關嘅建築開始,政府一日唔回應,就一直向外輻射,甚至有必要時要佔領埋街道,但係盡量唔可以擾民,避免喺輿論戰上落敗。
同一時間人數唔一定要多,2000-3000人足以對政府做成影響,但係一定要快, 最好今日發起聽日行動,同埋好重要嘅係一定要多線作戰,可能一批人去a點另外一堆人去b點,又或者今次a點,下次b點,合理分配人手,千祈唔好過於集中喺一點,要出其不備,聲東擊西,暗渡陳倉,分散政府嘅警備能力。
召集人可以係任何一個人,但係一定要建立一個足夠清晰嘅網絡,佛祖話喺呢幾次抗爭運動入面,雖然人多但係實在太亂,好多人都唔知狀況點樣,應該要點做,我哋需要一個清晰明確嘅信號源。tg group、連登post、bady kingdom、香討...... 無論咩渠道都好,都要確實咁樣令參與行動嘅人知道應該要做乜嘢同埋點樣執生,亦都要整一個後備channel嚟通知緊急消息俾大家。
遊擊戰核心在於多次嘅自發行動,唔需要迫大家一定去要去邊次邊次, 一定要去除 1 take pass 嘅概念,要記住呢個係一個長期抗爭,不斷組織唔同嘅小攻勢,化零為整。有啲人可能今日去完好攰想休息,唔緊要,因為下次之後有下次,下次之後再有下次,當你休息夠先上街都未遲,最好每兩三日就有一次唔同嘅活動,由唔同嘅人組成,咁樣可以最大程度等多數示威者有足夠嘅休息,同輪班制差唔多。
最後一個重點係要知進退
要記住呢個係遊擊戰,唔係大型示威,唔需要同警察硬碰硬,同佢哋打遊擊,警察一定攰過你。敵進我退,敵退我進,最大程度減低自身損害之餘騷擾對方,提升己方士氣,滅敵人威風,以戰養戰,為下一次大型示威保留實力。更加重要嘅係一定唔好留守,除非你有更加好嘅理由,至於留守嘅缺點已經講咗我就唔再提。
大型示威之後不斷用遊擊擾敵,緊密配合,外加宣傳戰,分割政府,直到累積民意及做好準備,嚟多一次大型示威,不斷無間斷咁樣進逼政府,兄弟爬山,各自努力,咁樣先係成功嘅關鍵
其實621今次嘅行動升級係一個好好嘅示範,以萬幾人達到擾敵嘅作用,雖然睇唔到成果住,另外因為呢種新型嘅抗爭模式喺香港尚未成熟,唔少人都對呢次活動抱有懷疑態度,但我可以好確切咁同你講,只要持之以恆,一定可以令到政府收皮。
最後一句
香港人加油