我覺得和理非同勇武有合作空間,一齊坐地鐵,但唔係之前嘅做法

411 回覆
1673 Like 45 Dislike
2019-06-20 00:15:10
【真心寫左一日,希望大家可以討論】

聽日5點死線前如果老母仲唔回應四大訴求,我哋要行動升級, 但咩為之升級?如果勇武係要加強武力去衝,咁和理非呢?

(極長文:如果想即刻睇做法可以掃落去 ********** 之後)

給和理非:

不合作運動,點解搞極都搞唔起?

1. 三罷 = 門檻高,驚秋後算帳、冇咗份工
2. 坐滿地鐵
- 唔想自己人阻自己人(阻住支援勇武行動同運物資)
- 唔想失民意(成本由打工仔/大叔/阿姨承擔)
3. 其他 = 太細型(e.g. 金融戰起碼要提走幾千億港紙先郁到個系統;得幾條友罷交稅會拿屎上身;airdrop最正嘅圖都唔能夠即時改變到啲乜)
4. 太慢(e.g. 同建制打輿論、選舉戰係慢戰,被控嘅義士就會成為今次運動嘅犧牲品;外國制裁香港,影響香港特別地位,係有啲用,但等得嚟都蚊瞓,《美港關係法》啱啱先提出議案,仲要通過眾議院,再通過國會,再由侵侵簽訂先會生效)

給勇武士:
612後可見,勇武衝衝子唔係唔work,但喺最理想嘅情況之下(612有幾萬人到場,616二百萬人聲討,仲要加上大環境既台灣大選同貿易戰),成果仍然有限,林鄭仲當我地冇到。
你再塞一次立法會,最多阻多次開會,但佢點都有復會嘅一日;佔領多次,又變雨傘,俾佢拖到收皮。
真係暴動(但見我哋摩西過紅海咁讓路就知冇可能,我哋大多數都係和理非,蟻都唔捨得踩死)

其實除左一直咁遊行同衝之外,有冇第三種可能性可以集大成

我知而家共識係「兄弟(姐妹)爬山,各自努力」,但有冇可能兩邊一齊去做唔送人頭又揸到政府春袋嘅嘢?

【拋磚引玉時候】

核彈級升級,和理勇武一齊坐斷地鐵(完整論述同行動計劃)直至核心訴求達成

【明白大家四個訴求「一個都不能少」,但為取得實際成果,要揀一個核心訴求:撤銷暴動罪/撤回條例】(如果係前者,一定要完全撤消控告暴動,一個都不能少,否則其他人企喺橋度打吓氣都可以告暴動)

講明講明講明:如果勇武要衝,我地唔會同一時間坐港鐵,要做乜都一齊做。佢地衝我地支援,我哋不合作佢哋一齊不合作。

而家唔再係玩,和理非別無選擇(詳見「給和理非:」,我地冇可能剩係唱聖詩同運送物資俾嗰幾百個會疲憊嘅勇武士,一定要有所行動表明我哋唔會放棄我哋嘅目標。

要繼續講地鐵因為:
1. 癱瘓香港中心(近乎兩三成香港人返工會搭地鐵,咁多人返唔到工,整停成個城市運作,秒秒鐘都係錢 + man power 損失),其實目的同當初佔中相若,但係佔領街道是違法的,但坐地鐵同等車是合法的。不同是前者警察大條道理拉你,後者唔可以。
2. 唔講民意住,繁忙時段,地鐵一條線每個鐘可載75,000人,如果塞爆架列車,月台都塞埋,咁一次塞既係兩條線,所以一個鐘就會塞15萬人!如果一日嘅行動反應OK,都夠港鐵淆底,同政府反映,唔好當我哋不合作冇到。如果呢個行動夠威脅性,就唔需要日日做,咁民意反彈都冇咁大。
3. 坐地鐵和在月台等車完全合法,仲要有冷氣嘆,又可以airdrop吓警察暴力片俾周圍朋友睇。

係,其實地鐵已經有人試過,但就係唔夠多人。咁點解唔夠人?

塞地鐵俾人屌嘅位係:
1. 阻住運人、運物資去金鐘 (=所以勇武去衝去圍,我哋唔搞)
2. 好似玩膠咁(如:塞腳落門隙) 阻住返工市民,失民意 (=所以一定要清晰可見點解我哋要咁做,唔係玩,參與嘅人亦要付出一啲代價)
3. 太少人就冇撚用(=所以一定要一齊做)

咁點解我仲會覺得呢嗰行動有佢嘅戰略優勢?
1. 警察冇咁易清場(室內半私人地方對佢地冇優勢,出催淚彈 = 明顯謀殺;塞滿晒人時,揮警棍都分分鐘自我襲警;逐個抬都要幾粒鐘)
2. 冇犯法(搭地鐵啫,我鐘意遊車河都唔得?)

塞地鐵結局:
- 警方清場,阻地鐵運作三五粒鐘 - 任務成功
- 地鐵封站/唔停站,要返工嘅人塞返上路面 - 任務成功
- 普通人唔搭地鐵,上晒街等巴士的士,癱瘓街道 - 任務成功

***************
點做(兩個方案,等大家諗下邊個好啲)

集中港島線。因為中心商業區主要係財團,就算對打工仔影響一樣,起碼受影響嘅商家承受力較強,一次過經濟損失亦較大,坐鐵嘅成本收益比例會好啲。

坐滿列車
1. 早啲出門口,早上八點開始一齊上車,直至九點為止,坐爆每一班車
2. 唔落車,保證沿途冇人上到車
3. 非曲線,堅持唔犯法、唔玩膠。我哋唔擋門,唔倒油,唔撳緊急掣,唔叉腳落門隙,唔扔嘢落路軌,齋坐,只靠人數取勝。就算真係最後畀人拉,估計對方最多最多告我哋遊蕩(入罪機率應該不高)。

益處:可以對整條地鐵線有效
弊處:需要的人很多,可能要上幾萬人,但不是不可能。
P.S. 唔使去圍去衝嘅日子,可以慳返人手(衝衝子、聲援的和理非)直接坐地鐵,如果有612嗰幾萬人,絕對夠坐滿一整條荃灣線!

站滿月台
1. 大家係金鐘月台等車,等到部合眼緣既先上,令地鐵唔可以全速上落客>>一班延誤,後面班班都延誤

益處:塞金鐘月台的話只需要一萬人就可以減慢平日行車速度。
弊處:只對一或兩個站有效,不能癱瘓整條地鐵線

裝束
a. 戴白絲帶,知道有自己友,畀公眾知道呢個係一個社會訴求活動,希望不以諒解。
b. 用白絲帶綁住雙手,唔好玩手機(象徵被捕人士&悼念義士;要抗爭者都付出多少少代價,睇落認真先唔會俾人覺得你玩膠,參見反高鐵苦行)

文宣
一定一定要表達對一般市民的歉意(參見《抗爭者致香港市民道歉聲明》)
要提我哋嘅第一次傷害性冇咁大的塞地鐵行動,如果政府都唔回應,我哋再升級,民意先會企我哋呢邊。

升級嘅空間:
第一次行動,可以考慮星期六上午,影響會限於返6日嘅打工仔,要再威嚇升級時,就target平日。如果星期六嘅效果好,政府嘅壓力會較大。

最後最後,如果第一日技術上成功,但民意反彈,之後好可能會進退失據。如果真係唔work,就當為未來嘅不合作運動教育上左一課。

21號勇武繼續衝,圍財委,我哋就唔做不合作運動住,因為我哋要聲援佢哋。如果星期六做,勇武和理一齊做,呢個可唔可行呢?

暫時建議計畫:
星期六 6.22
0800-1000
金鐘 < > 尖沙嘴,不斷遊 (多人的話,就可以遊多幾個站)

靠大家一齊集思廣益!!
2019-06-20 00:17:17
2019-06-20 01:06:18
有point 我推
2019-06-20 01:10:50
pish! 真係寫左成日架請大家幫手廣傳
2019-06-20 01:16:02
2019-06-20 01:24:11
2019-06-20 01:24:22
呢個策略人數係關鍵
一定要推到去熱門最頂
2019-06-20 01:25:58
同意星期六試下水溫先
2019-06-20 01:27:40
人多事成 零風險
2019-06-20 01:29:32
好 想join
2019-06-20 01:29:37
同意,到時見
2019-06-20 01:29:55
2019-06-20 01:30:39
仲係樹undermine 勇武/前線,咁你慢慢繼續理論救港吧仲撚出去真係戇尻尻
2019-06-20 01:33:31
我join
2019-06-20 01:35:39
有得諗
推推佢先
2019-06-20 01:36:39
推推佢先
2019-06-20 01:42:37
真係唔係,所以先話前線出動果日唔攪,大家支持,係前線唔攪先攪
2019-06-20 01:43:12
呢個算係到目前為止睇到最具體嘅行動post,輕輕一推
2019-06-20 01:43:18
大家諗諗佢推推佢
2019-06-20 01:43:58
2019-06-20 01:44:42
有得諗 推
2019-06-20 01:48:13
非分化

唔拉緊急,唔阻關門,幾萬人唔夠做

例子:616,二百萬人,佢開多幾班車都運到人
2019-06-20 01:49:24
因為啲人會走會流動?
2019-06-20 01:49:34
pish
2019-06-20 01:50:17
如果全部企哂起度唔落車呢?
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞