首先多謝晒各位爸打絲打用心既回覆先,小弟因為呢排工作有啲忙一直未有上連登好好咁多謝返大家一聲。
其實我都見連登上面好似無乜租樓既post,如果大家唔介意不妨都將自己既問題集中係呢度問下,有經驗既爸打絲打如果得閒都可以回覆下同埋可以分享下經歷。
小弟其實無乜經驗,不過係度睇完其實真係知咗好多之前唔會諗到既野,希望都有其他人可以受益。
另外我都有多兩條問題想問,
1. 我希望會5月中左右租到樓住,咁早一個月開始搵Agent會唔會太早?
2. 依家好多2x hse, 5x1租樓網呢類租樓app,我暫時都係用呢啲app睇價位,然後正式租打算落去地鋪搵Agent
有無人真係用呢啲app租過樓? 同落去地鋪搵Agent相比有乜分別? 價錢係咪始終係落鋪搵Agent平啲?
1. 早一個月其實冇問題,當預早落區睇環境上樓視察下,如果有盤啱咪提早少少租囉,唔好預一日就搞掂
2. 第一次租樓就正正經經搵代理租啦,app嘅業主盤班業主通常好識玩,你實俾佢當狗咁撚
app嘅業主盤唔洗俾佣金,但租約好可能係業主搵律師draft,內容實會對業主有利費用就雙方share,地代盤同地舖一樣都係要俾佣金,租金亦都冇分別業主唔會因而平租,兩者分別只在於業主同租客都唔想俾代理賺佣金而經app做,對住呢d連六七千蚊必定要俾嘅錢都慳嘅業主,租客們自求多福