沈陣營第二百二十一期 － 師父淡倉聯盟： 屎波架撐多ENDGAME

師父早晨 \l/

暫時跌3百零點又唔算好恐慌喎，冇嗰日1000點咁恐慌性掟貨，唔知係冇貨掟還是驚嚇效果邊際效用遞減?

跌少好多，美期反彈，人仔又升返少少

700今日出新手遊

好似今日出首季業績
師父唔知會唔會點評

吸血鬼今朝5千幾萬沽空

15號先出業績，今日有隻食雞game上市，作為騰訊大敵嘅師父實會踩場點評

吸血鬼 次次諗住放都驚買唔返
一動不如一靜算

以前買落預長期嘅唔使理，我成倉喺18年都冇理過，有股息返嚟，賣咗冇cash flow

1475先利害，逆市上升，不經不覺呢隻嘢由上市3.X已升到4.X,有3,40%升幅，我諗咗好多次究竟會唔會係另一隻維他奶?

利申: 等跌冇跌過冇入過貨

等穿1.6就搵位入10000股，此貨特利本人，記億中三次都贏，最多坐艇最後都贏

而且愈多沽空反而愈穩陣
早一輪沽空排行榜平保日日上三甲
結果日日升
大戶點會咁易俾人賺，唔夾高班淡友已經好偷笑

跌市出前一丁賣得，人人買幾箱擺屋企一日三餐，股價彈上去

以前兜踎最慘日子曾食足一個月，對佢特別有感情

踏入熊市無啖好食，唯有用丁麵渡日，仲好搵過大家樂

其實我哋一直有討論呢隻，三個幾時覺得佢貴咗少少，業績又唔太好，但今次業績改善咗，班日本佬搵到增長點，就係諗會唔會走寶?

喺富途set咗 1428@1.59 10000股，睇吓入唔入到?

新西蘭央行減息0.25厘 下調利率及通脹預測
05月08日(三) 10:01

新西蘭央行下調基準利率25點子，至1.5厘，與預期相同，前值為1.75厘。同時下調基準利率預測，預計今年9月的基準利率由此前預期的1.75厘削至1.59厘；2020年6月基準利率由預期的1.81厘下調至1.38厘；2020年9月基準利率由預期1.88厘削至1.36厘；2022年6月基準利率預測為1.93厘。

央行將截至2020年6月的1年期消費物價指數(CPI)預期由2%，下調至1.7%；料2021年CPI將達到2%。

央行表示，下調基準利率有助於形成更加均衡的利率前景。全球經濟增長放緩導致對新西蘭商品服務需求下降。

央行委員又同意，鑑於國內消費、預期經濟增長以及就業壓力，有必要進一步擴大刺激，認為仍有機會降息一次。
－－－－－－