四國+關東十六日攝影遊

長田in香の香真係好食到黐線，從來冇諗過食淨烏冬竟然可以好食過我呢世人之前食過既所有烏冬，我本身都唔好烏冬但都真係食到我永遠忘記唔到佢嗰種超彈牙口感
我上次同樓主一樣都係食長田in香の香留肚唔食太飽即刻搭車去丸龜一鶴本店食骨付鳥，跟住去埋丸龜城

無影到 始終人哋女朋友
要個意境就算

淨係LIGHTROOM咋
唔係話我自私唔肯分享 不過我覺得摸索自己嘅執相風格係一種樂趣嚟
但我目前仲係未搵到一種我自己覺得完美嘅色調 可能真係同我色盲有關
我平時都係拉下最基本嗰幾個數據 然後最味精嗰PART就係「分割色調」 你可以研究下

買咗兩包返嚟諗住畀兩老試下 點知有一包唔見咗
直情想上網訂一箱返嚟 嗰種彈牙口感真係好撚痴線
丸龜城我無時間去 不過今次再去香川一定會去

Magic hour 好正

兩位巴打，我下禮拜都出發去香川，都一早PLAN左會去長田in香の香，你地講到咁好食我真係好期待想問下係佢果到買返黎既烏冬容唔容易煮？我見佢有半生同全生，你地係買半生？同埋係唔係真係好正？

我買半生 因為全生兩三日內要食
買返嚟嘅烏冬我都係畀阿媽食 佢話同食開嘅好唔同 好好食囉
我無食我唔知

Day 6

其實原來day5我仲有啲嘢想講，但發覺自己原來無影到相
嗰晚問個酒店老闆附近有咩好食，佢推介咗一間叫壽司花嘅壽司鋪畀我哋，可惜keep住爆場，所以唯有搵過第二間，雖然我哋就住喺松山站隔離，不過真係搵極都無一間合眼緣
最後我阿哥同另外一個fd睇中咗間中華料理，唔好問我點解去到日本都要食中華料理咁笨拙，因為唔係我揀，民主社會
（不過我一直都想試下日本人食嘅中華料理係點）
但我可以講餐飯係好撚好食，特別係個麻婆豆腐簡直係世界級，好食過喺香港食到嗰啲好多倍，日本人對中華料理嘅第一印象就係麻婆豆腐，所以相信佢哋對呢味餸係有種執著
間嘢叫ハルピン，就喺松山車站隔離行兩步路，如果對日式中華料理有興趣可以試下嘅，嗰餐隔離檯係一個中國留學生帶佢屋企人嚟食，我諗都叫證明到間嘢係有質素嘅
btw幾日落嚟我覺得松山市入面無咩好食

好，講完廢話入返正題
Day6係島坡海道踩單車日，呢條單車路係非常之出名，被唔知咩雜誌稱為全世界最靚嘅自行車道，一路上可以見到咩國家嘅人都有。


我哋今次起點係愛媛嘅今治市，踩到對岸廣島嘅尾道有成80幾公里，我哋都唔係咩單車健將，所以諗住踩兩三個島左右就回程算。

去之前當然要醫飽個肚先，起點今治市有間叫白樂天嘅餐廳好出名係食燒豚玉子飯：https://tabelog.com/ehime/A3802/A380201/38000122/
即係黯然銷魂飯

我覺得幾好食，不過佢哋覺得個照燒汁太甜，反正一場嚟到，值得一試嘅，肯定唔會係伏先



租單車嗰part都幾煩同複雜，上網好多文可以查，我就費事喺度大花篇章再講，而且啲資料我都驚錯。
最重要一點就係你如果唔可以去返原地點還車會無咗本身嗰1000yen押金，但啲還車點大部分都四五點就收，所以我哋都決定踩出去踩到攰就還車，然後再搭巴士回程算。
（當然係踩咗一輪知道自己唔會有力回程先咁諗）


大概用咗大半個鐘我哋去到第一條橋上面，你問我辛唔辛苦嘅話呢，我只可以答你目前為止都仲ok

踩單車正喎多圖吖唔該

正因為係踩單車所以無影到太多相

https://lih.kg/626135
賣個廣告，小弟之前喺度寫嘅故，多多支持

過第一條橋前體力仲算充沛，而且瀨戶內海景色真係美不勝收，藍到癲
第二幅圖係一個島仔，上面有個俾櫻花圍住嘅涼亭，但好似要搭船先過到去


勁鍾意呢架巴士，有模型嘅話想買返架


踩過第二條橋之後真係無曬力，就喺伯方島度還車搭巴士返去了，嗰陣都五六點差唔多天黑
全程踩咗三十幾公里，用咗三個零四個鐘鐘左右
因為頭兩個島最多上落斜而且個高低差係最大，所以呢個成績已經收貨，中間落咗好多次車推上坡，啲坡仲鬼死咁長
不過可以畀貴少少租有摩打幫手嗰啲，見好多一家大細有講有笑咁爬我哋頭，我哋仲喺度辛苦推車
Anyway, 我覺得島坡單車道非常值得一去，有好多人甚至係喺伯方島住一晚然後第二朝繼續踩，係玩兩日都值得嘅地點。

我同你差唔多
四國真係一個好地方

正啊，不過我自覺要玩嘅基本都玩曬
至少香川同愛媛我已經好滿足 想去嘅景點去曬 雖然好正但短期內都唔會再去

想再去一次
主要攝影

四國影相係真係幾正
度度都係風景咁

Day7

呢一日嘅行程稍為密啲，有三個景點
不過因為無咩要等時間影日落/夜景之類，所以其實都算輕鬆。

伊予大洲喺松山過去一條線過，交通都算方便。


佢座城唔算宏偉嗰類 不過因為係喺起喺一座山丘仔上面，下面又有條河，加上櫻花季，反而影相嚟講幾有風味。


座城就真係無咩特別，不過基於尊重心態，一場去到就點都會上埋頂嘅
(反正都係幾百yen)

然後伊予大洲城附近有個週末限定市集叫Pokopen橫丁（好似係咁串）
大概就係仿昭和風味嘅市集，個人覺得幾得意
佢仲有個博物館，包羅咗好多昭和時期嘅收藏



其實呢個橫丁之前，附近有個都幾出名嘅景點叫臥龍山莊
可能季節唔係好啱，我就覺得有啲伏，連相都無影就，兜咗個圈就走咗

好耐無更新……上上水完埋個遊記佢先
雖然四國之旅最正嘅喺曬頭幾日


伊予大洲其實受惠於地理位置，影落係幾靚

離開伊予大洲之後我哋就搭JR返松山上松山城
中午喺山腳條商店街度搵咗間食鰻魚飯 直頭可以用難食嚟形容
價錢仲要都幾貴

由於松山城喺市中心一座山上面，話高唔高話矮唔矮啦，但都要照顧行動不便嘅人，所以有纜車可以搭，一種係海洋公園搭開密封嗰隻，一隻就係好似去滑雪嗰種
（有人係搭嗰陣顯得好驚，但我第一次搭覺得幾新奇係真）

睇足球人生睇到呢度

篇遊記都爛咗尾
但其實後面去到茨城同河口湖影咗好多靚相

大洗鳥居

勁正
可惜夜晚去影嗰陣陰天曝唔到銀河