四國+關東十六日攝影遊

有得直飛四國高松之後，搞到越黎越多人去，好多景點變曬公廁
反而上次去能登半島淨係撞到兩個香港人

無計架啦 你去得嘅時候人哋都去得
下灘真係中日韓港台都齊
高屋趁未爆場要去好快啲去

高屋呢期真係最多人去

我係用開M mode，呢個就個個習慣唔同嘅，我鍾意自己控制曬部機
16-135一樣影到，甚至仲方便好多添，其實我除咗食物之外都無用過咩1.x嘅大光圈去影
70-200我都係新買，仲摸索緊

搵景色影係咩意思？
認真，如果你覺得自己影出嚟似手機影，不妨研究下執相
我一向唔係直出派，雖然話而家手機相執得仲癲過相機相，但我一直都覺得適當嘅後期都係攝影嘅一部分
至於適當嘅份量係幾多，就視乎你點睇影相呢樣嘢
我覺得唔使理人哋點睇，自己開心同舒服就得

我睇就還好，因為始終交通唔方便
嗰日喺高屋坐得兩三個鐘，全部都係日本人
可能佢哋覺得我哋煩就真

我係十幾幾十張先有一張接受到 再揀見得人既可能幾百先有幾張正唔正常
你呢堆是咪輕鬆1take的


是咪主要係我冇帶腳架

其實係正常 當然個比率有好多影響
各種外在因素都滿足嘅情況下 可能係會每一張都用得
但陰天嘅話可能真係影足全日返到去連一兩張都揀唔落手

腳架我就覺得唔係咩主要因素 主要都係影夜景/星/銀河先要用
當然日落日出好多人都會鍾意用 但我影日落就比較懶 通常都唔會帶

完？

樓豬潛左水？

呢幾日有啲忙 晏啲放工返去會再update

正

留名爛尾

有人睇唔會爛尾嘅

好正好靚
不過執到偏藍

離開高屋神社嗰陣大約19:15分，成個天都黑曬
咁同時間隔離有兩個日本仔都喺度影緊相，我就好厚臉皮咁走上去問可唔可以麻煩佢車埋我哋走，不過被婉拒咗，話架車淨係可以坐多兩個人（而家仲有四人車架咩）


咁呢條就係我哋落山行返去觀音寺JR嘅路
由山腳行過去係3.5KM左右 GOOGLE話1個鐘行到當然係未計落山時間...



日本啲神社好興一條長長嘅樓梯直落 但由於兩邊無任何嘅扶手 而且之前都講過啲石級好似俾地震震鬆曬咁 行行下會踩到舊石浪下浪下咁 一個唔該你就可以直接落底
呢幾幅圖我係由OSMO POCKET度截出嚟 不過真係好危險 好快我就收起咗

然後就係瘋狂行呢啲搖搖欲墜嘅石級 之後會變返沙石山路 仲有十零個髮夾彎 但都係沙石路 跣到仆街
途中係一粒燈都無 我哋三個全程靠自己電話當電筒用 因為我斷後 有時候後面有聲都幾驚 不過因為喺山頂拜過入過一百YEN 所以應該有嘢照住我嘅


最後用咗1個鐘多啲終於落到山腳
上網睇啲台仔話搭巴士嚟呢度可以用50分鐘左右行上山頂
可能佢嚟嗰陣條路仲比較完整啦 如果以呢個路面狀態我相信都無乜可能
(當然都可能日頭易行好多嘅 同埋行開山都知係上山容易落山難)

然後查一查車期 下一班車係9點15左右開出 再之後就要等大半個鐘
因為我哋嗰陣好想試骨付鳥一鶴喺丸龜嗰間本店 間嘢寫10點關門 所以就想趕返去食 無得堂食拎返酒店都好
睇完時間就開始鳩奔 諗住如果路上有的士就即刻截
不過成段路都係荒蕪到痴線
鬼影都無隻

咁最後我哋都係壓哨趕到班車嘅 真心行到三個都散曬 一上車即瞓
不過好可惜一鶴個LAST ORDER係9點半 我哋嗰陣好似大概係搭九左右到 話連外賣都唔做
夜晚嗰餐都係求其喺酒店樓下食 係一對公公婆婆開嘅居酒屋 幾好食又唔貴 不過老人家可能味覺退化 啲嘢有少少咸

Day4 完

不過有一點要講嘅係
四國個天真係勁藍勁清
未執個天已經藍到好似假咁

夜媽媽行一個鐘路

係兩個鐘

高屋神社度冇任何巴士上落山？

巴士只係會到山腳 上山條車路又窄又彎 應該無可能行到巴士
山路只可以靠自己行
(兩個鐘係由山頂到車站 淨山路一個鐘多啲)

即係如果唔係自駕都唔使旨意上去了，同行既要行一個鐘上山應該會斬死我

我簡單講下上去高屋嘅事項啦
首先要睇你上去嘅目的
如果諗住事但啪幾張相就走嘅 咁其實的士佬係可以同你做來回嘅
你飛的上山嗰陣佢都會同你講行落山要好耐 話佢肯等你半個鐘之類 父母之濱嗰次個的士佬甚至話肯等我一個鐘
一程3000yen 來回6000 同朋友除開一人兩舊水鬆啲 你入東壩的士一程都百幾啦 呢個景我覺得值

如果你同我一樣 想日頭-日落-夜景一炮過嘅 咁兩三個鐘肯定走唔甩
的士佬無可能等你咁耐 最好方法就係影完回程再call的士 但一般上網卡打唔到電話 所以我建議有備而去 整張打到電話嘅上網卡 但呢個我無研究過 應該唔會貴幾多
四國啲的士佬基本都無乜生意 所以我覺得高屋佢哋都會照上 當然call的士費用有無咩附加費我無了解過啦
日文好嘅可以考慮畀訂金約個時間叫佢嚟接你之類嘅

巴士再行上山呢個方法我唔係太建議 因為最後長樓梯嗰度太危險......但座山實際上唔高嘅 要上難度亦唔係好高
最後就係 架巴士返車站嘅尾班車好快就完 所以你唔call的士嘅話只可以好似我咁行兩個鐘返去車站

鳴門好想去多次

幾正 可惜鳴門嗰頭太荒蕪 德島市都無咩玩

留名遲d八月去高松同瀨戶內海d島