四國+關東十六日攝影遊

應該唔係？
不過我tune色個方向係有少少偏菲林（我知我扮得唔似）

Day4

朝頭早第一站我哋係直接去金刀比羅宮山腳嗰度，補返前一日去唔到嘅烏冬學校。
其實嗰陣我有諗過不如放棄佢算，因為Day4原本行程應該係朝頭早去紫雲出山影櫻花，然後下晝上高屋神社，但當前面多咗個烏冬學校嗰陣，我計過時間好似唔太夠，當時朋友都話不如放棄高屋神社先，最後一日先去補返。
我望住天氣預報，Day10好似唔太樂觀，但因為日本人講口齒，我改咗好幾次時間對方都應承咗，no show人哋同整臭香港人個朵有咩分別？所以最後都係決定「預計放棄高屋神社」先。


整烏冬嘅過程都幾得意，具體我唔劇透啦，我覺得比較適合一家人去開心玩下咁，幾個男仔fd玩會有少少老尷


咁最後你可以揀係拎走自己整嘅烏冬定係堂食嘅，我哋因為有排玩所以梗係揀堂食。
然後我可以好負責任咁講，呢兜清湯烏冬加隻生強已經好食過喺香港食到嘅任何一間烏冬店。

喺烏冬學校嗰陣朋友撩隔離嘅一對香港母女傾偈，然後佢哋話尋日去完紫雲出山，全部櫻花都未開，建議我哋去第二度。
認真真係要多謝呢兩母女，正正係因為無去到紫雲出山食白果，先圓到我去高屋神社呢個好幾年嘅願望，如果唔係呢個旅程點玩都好，我都會一肚遺憾咁返香港。

上個月尾單機去四國都去左父母濱果邊，不過自駕遊。天氣差無上果個天空の鳥居。睇樓主d相當去左

高屋而家都幾多人下 基本上每5-10分鐘就會有一批人上嚟
不過好就好在無乜人會長留 都係影兩張相就走

島波我因為大傷初癒 實際上無踩幾遠

高屋神社係我去日本見過最靚嘅一個景 以前喺山中湖影逆富士同粉紅富士都無呢種標眼水嘅震撼感
雖然呢啲嘢好個人口味 但成件事真係好夢幻

4月先有加班車？
BTW, 相好靚

小豆島最差係巴士超疏，無車揸就要好早入去

天使散步道又係要好夾時間

因為我搵唔到網有講唔太肯定
但我記得當時站牌係寫4月有尾班加班車

天使步道回程我係行返去碼頭 大概半個鐘多啲
不過好似有其他線路巴士唔使行咁遠 因為嗰陣見到有兩個都係香港嘅女仔遲過我哋走 但幾乎係同時間到碼頭

最大問題係天使步道個位影唔到日落 所以好難影得靚咁 有啲寡

如果有影低塊站牌就好了

都想睇下個交通, 四國最煩就係就班次時間
島波體驗黎既, 下次我去都未必會踩晒
去到尾道又要搭返巴士返轉頭

嚟梗會去四國，留名

另外，父母之濱架巴士係4-9月都有加班

4月先有加班車？
BTW, 相好靚

小豆島最差係巴士超疏，無車揸就要好早入去

天使散步道又係要好夾時間

因為我搵唔到網有講唔太肯定
但我記得當時站牌係寫4月有尾班加班車

天使步道回程我係行返去碼頭 大概半個鐘多啲
不過好似有其他線路巴士唔使行咁遠 因為嗰陣見到有兩個都係香港嘅女仔遲過我哋走 但幾乎係同時間到碼頭

最大問題係天使步道個位影唔到日落 所以好難影得靚咁 有啲寡

天使步道前已經有巴士站，田ノ浦映画村線或西浦線，兩條巴士線都可去到碼頭，車程只需11-13分鐘就到了

#jable##lick

想要個網址bookmark住先

嗰條循環線（唔記得咩名）6點左右就完
所以嗰個時間都無咩人喺天使步道

我直接住天使步道隔離間酒店
唔算貴，容易就時間影相

由於紫雲出山去唔成，但高屋神社我哋係諗住影大太陽－日落－夜景呢三樣一次過，咁太早上去無乜意義，所以就諗緊中下午呢段時間去邊好。
咁嗰兩母女就話佢哋尋日去咗一個叫不動之滝嘅地方，啱啱盛開緊，超多櫻花。
我查一查地方，發現就喺高屋神社前一個站，反正諗唔到做咩好就決定聽佢哋去玩下。



我哋喺「本山」落咗車，發現有啲肚餓，見車站隔離有間叫「冬椿」嘅日式咖喱餐廳好似幾得意，就行咗入去食。


嘢食我覺得係ok嘅，好好食講唔上，但唔錯。
個老闆娘好好人，可能地方隔涉，平時無乜人嚟（因為呢個車站附近除咗有段距離嘅不動之滝之外就無任何景點，四國人又少），所以都幾健談，同我哋吹咗陣水，仲捧埋隻貓出嚟任我哋影，又分享埋自己啲黑膠碟。
黑膠碟無影到相，但係收藏咗超多，又beatles又乜又盛。



食完飯就行去不動之滝，都有段路途，但好快就見到漫山都係櫻花。
雖然話就話係瀑布，但好似已經停咗無出水咁，而且好明顯呢個地方嘅賣點已經變咗隔離呢個盛放櫻花嘅公園仔。
個公園側邊停咗一堆車，全部都係專登過嚟賞櫻嘅人，我哋喺嗰度影咗差唔多兩個鐘，真係無見過任何外國人
（真係唔知嗰兩母女點搵到呢個地方出嚟）

隻貓眼神好惡

影得好靚
如果六月去 係咪無哂櫻花？

回樓上，六月邊可能有櫻花，連最遲開花既北海道都落晒啦

6月真係邊度都無

佢應該係瞓緊覺俾老闆娘格硬抱出嚟玩

四國真係好正