四國+關東十六日攝影遊

夏天去四國好熱架喎

高屋神社 留名

無辦法要就瀨戶內海個藝術祭

我去男木島全部關曬門

我航拍放得好衰
有機會要再去過

我揸車上去 因為讓對頭車 唔小心跌落坑
好彩後波上得返

條車路真係勁窄

爛尾？

Day5

呢一日會離開香川向愛媛進發，但我之嘢喺tabelog搵到間香川縣長期排名第一嘅烏冬店，一個禮拜休兩日，啱啱好呢日就開，所以我哋決定一大早去食完先走。



間嘢交通尚算方便，由JR站行過去10分鐘左右就到。


間鋪都幾大，但明明閒日都一堆車泊曬喺門口。
入到去仲要排隊，可想而知人氣有幾高。


然後入到去望住餐牌先知間嘢係食淨烏冬，坐低之後隔離啲公公婆婆可能見我係外國人，仲係咁同我講話呢間嘢好好食無得輸之類


本身我仲諗，賣淨烏冬賣到咁係咩玩法，係咪真係咁好食啊，清湯烏冬點個汁......
一擺落口，我哋幾個都嘩咗出聲
即係雖然可能誇張咗，但佢又再顛覆咗我對烏冬嘅理解。
當時我哋因為見到得淨烏冬所以只係叫咗個細，好快就覺得勁後悔，好驚以後食唔到咁好食嘅烏冬（食神mode）。
食完我哋即刻買咗幾包返去做手信。



至於我哋點解唔再叫呢，係因為想留肚食之前食唔到嘅骨付鳥一鶴。
味道有啲偏咸，但係幾好食嘅，不過當然無烏冬嗰種震撼感
間烏冬可以話係我呢十幾日食過最好食嘅一餐。

Push

下次去試下間烏冬先
神社都幾惡搞, 行要兩粒鐘 , 上得去都想睇晒日頭日落同入夜

真係幾辛苦下 不過如果好彩天氣好嘅話
成件事係值嘅

爛尾？

留名
有機會都試下間烏冬先

唔會爛 不過呢排真係忙
要今晚先有時間開部腦

岩岩去完四國返黎
d船期巴士期真係一miss就好煩

由高松搭去愛媛好似大概係兩個鐘左右，車程唔算太長。
鐵路沿途見到唔少櫻花，感覺好似比喺香川見到嘅要粉啲，但前幾日真係影櫻花影到悶，所以無乜點影到。
不過最正係經過某個車站嗰陣，見到隔離山坡上有條好長嘅滑梯，係穿過好多棵櫻花樹sir落嚟，超正（我晏啲上網搵下有無圖）。

咁呢一日嘅行程就淨係得下灘嘅啫，喺松山站落車擺低嘢就出發。


下灘站因為地方比較偏僻，所以雖然近年人氣高企，但班次數量都係疏，我哋要4點零入到去，出返嚟一係就5點一係就7點，咁其實都係無得揀，焗住要4點入影夠3粒鐘。



由於時間太多，所以我哋都周圍行下，附近都有唔少櫻花，係真係相對比較pink啲。
下灘除咗超近海邊嘅車站加日落呢個絕景之外，其實仲有條延伸出海嘅路軌都好多人去，話係千與千尋海上電車咁。
但最近就有人喺twitter出po屌鬼，話自己係嗰條軌嘅主人，佢嗰度係一間造船廠，私人地方，但就成日有班人問都唔問衝入嚟起勢咁影，反正就屌咗一篇好長嘅文。
咁人哋開到聲，公德心同自律起見我哋就無去到啦，只係喺附近鳩行下。

然後，
有一堆韓國大叔，揹曬腳架大炮喺我哋身邊經過，並向下灘方向浩浩蕩蕩咁進發，仲要有個後生女仔一路跟住。
咁我哋一見到都心知不妙，即刻就趕返去霸定靚位先。


無錯佢哋就係嗰啲所謂嘅攝影團，團費會包埋個後生女model任你影。班韓國大叔一到就霸曬位嘰哩咕嚕，在場好多人都頂唔順，但佢哋又無做啲咩你唔屌得佢
不過我啱啱好有帶長炮，有免費model無理由唔影下嘅

Push

多謝幫推 晏啲會更新

韓國團收手之後 就係我哋發揮嘅時候了。


有個日本仔同女朋友喺度影影下，有個日本阿叔搭嗲話想影個女仔，然後佢兩個又好尷尬咁應承咗。



於是我喺隔離望咗陣，見到個阿伯遠距離係咁舞個女仔叫佢擺pose，我又忍唔住厚面皮咁問我可唔可以都影，條仔笑笑口話可以。

認真條女真係幾靚，條仔應該滿心都係勝利者心情



到尾段成個場啲人都影到審美疲勞收曬手。坦白講下灘係幾靚幾值得去，但又未到靚到話會嘩一聲嗰種，所以唔好抱太大期望嚟會好啲，而且真係好撚多人。

不過用半日喺呢度我覺得都值，確實係一個幾有特色嘅地方，交通亦方便，反正pass包唔使煩

正面呢

樓主用咩執相? 有冇教學/常用設定分享下?
利申新手想學野