由於時間真係好緊逼,我哋到最近嘅託間站嗰陣已經係5點正左右,商量過後果斷飛的入去,都飛咗好似兩千yen有突
父母之濱被稱為日本嘅天空之鏡,當然佢始終係泥灘,同玻利維亞爭得遠,但magic hour嗰陣影出嚟效果真係好正。
朋友幫隔離一對台灣情侶影相吹水叫做係識咗新朋友咁吹水吹咗粒幾兩粒鐘 然後叫佢哋擺pose幫影嗰陣我偷影咗一張
(不過嗰陣個天未係最靚嗰陣)
都幾影到幾多pose個太陽就唔見咗,變咗齋影magic hour,現場會見到好多人成班fd一齊玩各種pose
帶咗航拍都嚟唔切放,而且都要行返出路面先放得,夜晚臨走嗰陣試下曝咗一張不過無乜收穫
網上搵到關於出返託間站嘅尾班車話係6點幾,但台灣情侶話佢哋搵到7點幾有4月頭期間限定嘅加班車,我哋去站牌confirm完就影到7點幾先走。
嗰陣見到勁多人6點左右就急急腳趕住走,於是magic hour嗰陣成個父母之濱基本任你影無人入鏡阻住曬
(嗰陣有幾個香港人行入嗰兩灘水度影相,屌你你知唔知你行完落去嗰兩灘水郁咗幾耐先平靜返啊,郁撚曬點撚樣影倒影啊,人哋點撚樣影啊屌你老母)
Day3開始我哋喺丸龜住,我哋影完諗住返去食骨付鳥一鶴本店,可惜過咗last order時間,就求其食咗啲嘢算,又無影到相
講返骨付鳥,其實就係燒雞脾,係香川縣嘅名物,而一鶴正正係骨付鳥最出名嘅食店(唔知有無其他仲好食嘅鋪頭呢,有嘅請分享一下
)
Day3完