[開心速遞]熊若水龔燁 供水線集中討論區 (25)

Stanley 病唔可以唔睇醫生㗎

唔睇醫生唔得, 唔理佢有機會會越來越傷, 到時咪仲手尾長

尤其是手整親唔理佢會變舊患 而且手腕位成日用到會越來越傷

莫非抽起條筋，想表白

又或者之前發生咗啲事，令阿龔受到刺激/啟發啦

有可能阿水唔開心，所以搵佢氹返佢

好想睇有啲重大事發生，令到阿龔同阿水終於肯認定對方就係自己既Miss & Mr Right呀 (我初初以為搞掂傑叔佢哋就得米添)

我覺得阿龔一早已經認定咗阿水係Miss Right，只係未講出口，唔敢講出，反而阿水有啲似係未肯定阿龔係Mr Right咁, 雖則佢已經不經不覺地鍾意咗阿龔，或者係佢响感情上比較慢熱啦。
（純粹個人觀感）

我覺呢刻似雙方都認定咗，但差一步開口俾名份

宜家等緊佢兩個有啲衝擊位先再向前
阿龔：龔爸打過俾阿水唔知講乜，之聖誕節都係要阿爸提一提先返新威龍廣場嘅阿龔相信都要阿爸再次提點一下
阿水：賣剩蔗嘅FF，唔想變賣剩蔗嘅阿水唯有用auntie eat poo啲方法去逼阿龔認頭
就睇下上面呢兩個位會唔會令龔水間有突破發展

其實之前阿蟹仲有個ig story係夜晚點幾鐘中環放工，雖然唔肯定關開心速遞事但之前絲打有講過摩天輪，我呢兩日突然諗起電車(樓上開篷嗰種)，FF下如果阿龔租咗呢隻電車同阿水二人叮叮內表白都好浪漫

我覺得龔燁而家狀態係唔知點咁，唔敢再向前行一步，畢竟自虐左一次
阿水就係一個猶豫嘅狀態，一個曾經自己拒絕過而又再次想再同自己表白撻Q嘅人，究竟自己應唔應該行前一步呢，大家嘅推動力又好似無乜咁。個男人對自己又好似無意思再表白，所以有啲裹足不前。

又不如咁講吖，佢哋兩個同1時間發生件唔知咩既大事情，令到佢哋意識到無咗大家唔得，嗰時雙方即刻同時向大家表白....

我其實覺得阿水唔似係嗰種會對阿龔表白嘅人
佢過左年輕時候，不顧一切勇敢表白。無推動力嘅話，佢而家會怕破壞左個平衡點
尤其係對住阿龔，反而似係匿龜殼度，唔敢去行前一步

對，摩天輪
雖然好似ff過多，但就算唔表白，我都想龔水可以度過返一次浪漫嘅約會，彌補返之前嘅錯過

後尾諗一諗其實又有啲非戰之罪，因為503 504之後其實嚴格黎講係冇真正嘅龔水主線，過年情人節都係群戲，應該會慢慢上返進度。係睇嘅人太心急

咁即係編排上出問題
唔係非戰之罪

阿水經歷了青傷後，對男女情感上有點猶豫。她知道阿龔對她的感情，相反她不敢表示，只可等待一件觸發了龔水事件，令他們可以一齊。

阿水唔會自己做主動但係會有意無意咁令阿龔去做啲嘢
咁我估阿龔會get到然後再加阿爸又推兩嘢然後成咗事
但中間應該有啲cls劇情發生

而家諗返假設阿龔情人節真係正經咁送咗一紮花，反而會話點解唔表白埋
情人節咁樣送花俾女仔但又唔表白即係點？唔係social一支花喎
所以而家咁樣安排千古花籃更加合理

如似尋日咁講執紙皮真係530，咁即係534劇本應該一早出左，相信編劇應該係舖左路214連埋314咁拍嘅，咁如果係咁中間都仲有公司線睇吓已經好好架啦！（不過唔諗314會拍左啲咩了，其實好多時都係我哋自己搞到咁失望）

其實阿龔返得嚟再拍點都有諗過龔水嘅方向要點走啩 傑叔呢個位都係預計咗會拍，既然拍得亦都唔爭在用嚟做龔水嘅波折位(未出傑叔前)同埋進展位(503504)