[開心速遞]熊若水龔燁 供水線集中討論區（16）

我諗係報紙冇野好寫就搵野黎寫，我都想睇大家姐和龔燁的。

打翻好啲中文字先啦

回正題，明明話之前傳係丹爺主動減產
現家又話要cut熊家戲份
啲media 出文又係唔撚做好功課....

剛剛睇昨日stanley ig story
影到某雜誌形容佢係
家底不錯喎

無記錯佢係外國讀書返嚟
屋企肯定唔會窮嗰隻

我太耐冇追po啦 幾時再有龔水線呀？

下星期一，有傑叔

唔該晒
希望今次唔好再生枝節啦

本身呢集就係上次no.1嘅枝節引伸，其實有枝節無問題，劇情合理咁發展就ok

啱嘅，唔好再強行加啲唔合理嘅誤會就可以啦

其實再誤會都幾奇怪，而家嘅阿水係非常相信阿龔，又玩誤會講唔通。所以傑叔心結解開後龔水就一齊都好合情合理

不過我都有諗過如果未一齊但又唔誤會兼甜甜地嘅話，或者係阿龔開口叫阿水等佢 但唔會太長或者一年左右，因為可以講醫生估計阿爸病情再過一年就認唔到人 阿龔想用盡呢一年時間全力搵錢買返間大屋

好似係新西裝？

佢著西裝真係好好睇

唔係卦?仲要阿水等佢一年左右,硬係覺得農曆新年果張相佢兩個係已經一齊咗...

農曆新年應該未一齊
Stanley自己都透露未拍到龔水一齊
但應該唔洗等一年嘅
Stanley都話咗希望龔水一齊嗰集收視有35點
我諗劇情都寫到差唔多可以一齊
傑叔都出啦 我諗快㗎啦

咁要睇阿淳係咪呃我地，佢話龔水未一齊。當然我絕對唔介意佢講呢個大話
如果下星期二都係龔水呢集先一齊會好啲，感覺星期一太多嘢要交代，唔想龔水喺埋一齊呢啲大事又要被左cut右cut

唔介意+1
我有諗過係咪因爲之後係地下情，拍嘅都係接龍度扮普通同事嘅戲份，所以話未拍到 。但其實依家都無乜分別

唔希望咩障礙都無晒嗰陣仲拖，就算無誤會齋拖都唔好啦 既然阿龔曾經喺lift度同阿叔講過話事業有成先去追鐘意嘅人，所以先諗編劇會唔會用呢個point去唔俾龔水一齊住，希望唔好係咁啦

事業有成呢個理由宜家應該講唔通
如果阿龔仲咁在意要賺返間廠 咁點解之前打算同阿水表白
編劇自己之前打破呢個理由在先
如果宜家再搬呢個理由拖龔水冇咁快一齊
編劇/阿龔會俾人鬧死 好似玩緊阿水/觀眾咁

扮工時間都咁多人...

好期待傑叔呢條線會點拆

因為同尋寶圖班人一樣

龔爸嘅病情都會影響到阿龔，未走失前覺得一切相安無事，又經過回水後咁多集嘅經歷，同埋知道阿水落住雪咁凍等咗自己個幾鐘，因而之前想表白都算講得通。
最好就講龔爸精精靈靈咁同阿仔講明想飲新抱茶啦
始終龔爸先係龔燁的no.1，阿龔為咗阿爸乜都得
快啲到聽日有文字預告先可以再參透下

見到呢個留言突然心虛