新手爸爸苦水區

通常人生就係咁

你越想要個天就越唔俾你

你唔想要個天就夾硬塞俾你

新手老豆
個女先5個月大
頭2個月真係辛苦到想自殺
又覺得個女冇樣好 寧願冇生過
但係捱過左 生活會好好多


Ps 中出一年先成功
中間中出6個月冇中以為自己有問題

等緊人開GP

雖然未結婚 但都想講聲加油
你已經做得好好咖喇 繼續努力！

搽牛油唔係去瘀係去腫，我見幾個bb 用都有效。

樓主太太易受影響就唔好入好啲，我個陣為加固俾同谷人哦，終於我女宜家食野好過晒佢哋啲bb，要好強大心臟知道咩嘢對bb 好。

其實唔係講風涼話...我原意只係唔想佢咁辛苦姐，況且當其時我瞓到迷迷糊糊，個腦都未轉得咁快

佢唔會見社工㗎啦，因為佢一直話自己無問題，而且佢覺得咁好似標籤自己有病咁，仲反感，所以我都唔逼佢喇

我會加油，但希望啲油唔會有用完嘅一日喇 (苦笑)

轉一轉講法大家都舒服，人同人相處係要磨合。

見社工可以齋傾計，如果個社工好都起到舒緩作用，唔去都無問題嘅，多啲安排出街行吓。

bb 好快大，到時世界又唔一樣。

冇辦法呀師兄，BB仔一有病係好麻煩，到時全屋人都唔洗旨意有得瞓添呀⋯⋯
做得男人，預左係咁架啦，唔好同個老婆計較咁多，大家都係緊張小朋友姐，係好事。

小弟都係一日過一日咁湊到入N班了，想當日個仔5個月漏夜發燒，冇醫生睇，焗住去急症，點知俾人安排上加護病房，果個環境真係明明冇乜嘢都搞到你有事呀屌佢老母，所以我發誓以後就算入醫院，我都係入私家，當然最基本係唔好咁易俾佢麼病⋯⋯

有無病唔係自己承認，係醫生判定，社工只係傾吓計舒緩吓情緒，睇吓有咩幫到手。

我社工有幫手做埋婚姻輔導，佢叫我老公唔好逼死我，佢都會指出我唔啱嘅地方，我覺得好大幫助㗎。

生完荷爾蒙要一年先回復正常，你去到半路㗎喇，捱多陣過關

我哋都差唔多搞咗7-8個月

去到後期真係做到連mood 都無，草草了事

不過自從懷孕到宜家都再無搞過了

傾過，不過外母同佢嘅性格都”掘”，兩個都係硬頸派，無乜幫助

似乎大家都好多苦水要吐


其實生完唔止係女人辛苦

男人壓力都唔細

多謝

不過如果將來你結婚生小朋友，真係要諗得好清楚

我都係因為衝動先至去到今時今日嘅地步

醫院啲冷氣好撚凍

真係無事都俾佢搞到有事

但首先佢都要肯去行第一步

佢未行第一步已經否定一切

我都無辦法，無理由夾硬拖佢去

me2. 不過我係冇帶套/危險期 一次就中左

巴打 D人成日覺得女人生完好辛苦
但男人又要諗奶粉錢
bb一個月開支都唔少架
我而家要打兩份工先夠開支

我個個四個月。通常放工太攰我同個仔玩陣就訓，我隻老虎就鬧我唔餵奶唔同佢玩，但佢唔知我返工攰

我宜家都月月清咁制

一啲多餘嘅＄都無

以前都話可以話每個儲到幾千蚊

自從有咗個BB就將我之前儲嘅＄一嘢清曬

我即使返來同個B玩都被鬧

一係話我同玩嘅timing 唔啱

一係就話同個B玩係唔夠，係要學識照顧個B先有用

真係吹鬼漲

不過岩岩生完盡量唔好嘈交，怕佢產後抑鬱仲麻麻，我有個女仔朋友生完產後抑鬱，佢同我講返有次嘈交，刀都拎埋差d 自己插自己。

所以我都盡量忍，忍唔到先話佢。我成日話你覺得我返完工仲可以同個仔玩幾個鐘既話，不如你返工我湊，最多我俾人笑

其實男人都有產後抑鬱症㗎
你已經算好好起碼肯幫手，做新手父母就係會面對呢啲問題。可能你老婆只係睡眠不足，搞到情緒暴躁
我以前同佢冚家一齊住，仲更加大壓力。
我只係等個裙腳仔返嚟，叫佢幫我沖支奶。我第日瞓醒，就俾人阿媽鬧我[做乜要佢放工返嚟，咁辛苦都冇得抖要幫你湊仔]

你最尾一句我之前有講過呀

佢就口輕輕話＂得，我情願返工呀，你留響屋企照顧小朋友，我無問題㗎＂

真係嘈到無曬氣

我情願繼續選擇唔出聲算了

我其實都有啲，我B出世後頭兩個月個腦有兩次閃過個畫面，想將BB響街dum 落去，然後自己跳落去，一了百了算了

因為半夜成日要咁樣起身，之後返到公司又唔夠精神，成日做錯嘢被上司diu，爭啲連份工都無埋，好撚驚，擔心如果真係萬一被人炒個BB點算，壓力好大

同兩老住都係壓力，不過香港地真係無辦法

邊個唔想二人世界，或者一家人一間屋

但香港環境就係咁慘，唔係個個都咁好彩買到樓

係咪個個男人都會有相同情況
個仔出世一個月果陣 我有諗過一走了之
唔想再理呢個家庭
因為大壓力又無人明白我苦況
成日有幻聽 聽到小朋友喊聲