新手爸爸苦水區

今朝起身真係覺得無比以往幾日咁凍

加上準備抱起佢我掂佢背脊有少汗

所以以為覺得夠暖

但當然，老婆一早已經話我BB唔可以同大人比

你老婆過份敏感

我已經沉默咗半年，俾個機會呻下吧，我都明白呻完日子都係要過

兩公婆要一齊過未來的50年的，一陣贏咗場交，輸咗頭家咪仲不值

明白嘅，我無怪佢

現時大家所做、所擔擾，即使係大家嘅爭執，一切最終都為咗BB

我成日覺得唔應該只得一方要硬食受氣，有d問題係要攤出黎講，唔係收埋就無咗件事
唔講老婆，就算第時子女都會有問題發生，都要處理，唔好諗住呻完就無嘢，積埋積埋仲死

呢個只係worst case

Prepare for the worst, hope for the best

即使唔去到自殺咁極段

人有旦夕之禍福

呢啲嘢都係交帶定都係必須

玩完了，生左仔就一世

其實應該係有少少產後憂鬱

新手爸爸 當初我都係咁 之後慢慢試下去學下湊仔 湊下湊下覺得好開心 慢慢享受下湊仔樂 見到個bb慢慢成長係開心事黎

係要溝通，但可能未啱timing

因為BB仲細，抵抗力弱

大家擔憂係正常，由其係媽媽

正如上面各巴打絲打話齋，等小朋友大過啲情會好轉

半年應該冇乜/惡化左

都係

一返到屋企個BB望住你笑果下又幾過癮嘅

OK

我個仔岩岩兩個半月 未滿月前真係好辛苦 因為摸唔熟佢性格 滿月之後慢慢了解下佢 之後摸到佢性格之後開始唔難湊 不過無哂個人時間 日日收工回家就要湊仔 老婆休息果日就要做家務 等老婆專心湊仔

拖都冇拍懷鬼咩 同埋我係男人

我重慘，湊完b 比人話我從來都無幫手湊係屋企好似隻狗咁比人點來點去，已經日日準時放工返屋企，星期六曰又留家全日睇b...佢自己可以出去同朋友gathering...返到黎三兩句就話你從來都無湊b...駁嘴發返佢脾氣又會比人屌返轉頭，有時真係唔知為咩...所以結婚係咪一定要生仔其實要好好諗清楚，生之前講到點好點好到出左世就會發現老婆變左好多，你係佢心目中咩都唔係，係生係死無人會理，始終都係自己老豆老母好，起碼會聽你呻兩句，老婆？你呻完兩句房都入唔返...自己開始覺得好攰見到老婆有時都唔知講咩好，好似好陌生，開聲只會唔知幾時又講到我無湊b 呢個話題，漸漸就無咩話題同老婆講，情願玩下電話自閉唔理佢算，其實自己都已經無左自己，唔想無埋自己空間，怕呼吸困難

唔知點解睇呢個post睇到眼濕濕

身同感受

陌生呢兩個字用得好貼切

明明我認識嘅佢唔係咁

宜家我唯一有自己私人時間就係響廁所

一去就去成個鐘先出嚟

呢個時候見到你呢個post 實在太好
我個女就滿月 喺照顧佢呢兩個星期 真係好多感受 首先我同老婆拍拖到結婚到已經十二年 一直都好少嘈交 感情好好
但喺呢兩個星期就多左好多爭拗 例如半夜BB喊我遲左少少起身沖奶佢就會話我 覺得我好唔情願 但其實就唔係 同埋因為佢仲坐緊月 咁我就會負責煮飯洗碗洗衫吸塵洗奶樽呢啲家務 當佢可以訓下晏晝覺既時間 其實我都一直做緊家務 但佢又會覺得你做得唔夠好 唔夠快
我都明白佢開刀係好傷 但有時真係好攰
如果全日都喺屋企 我真係頂唔順 所以要搵理由落一落街抖氣 可能你會話咁佢咪仲辛苦 我只能夠講爸爸承受既壓力唔係做緊爸爸既係唔會明
最煩惱既係我外母本身話會幫佢坐月 最後又唔係全日喺度 變相我地兩個根本都無得休息 而我就快要返番工 就剩低佢同BB兩個困獸鬥
實在太多野想講 要呻 有一句好重要既野講 如果你唔係真係好鐘意小朋友 真係唔會諗住生 就算我地兩個咁鐘意小朋友都會好壓抑 會燥狂