正選陣其實夠人夠級數,買人返嚟做後備嘅你預買到咩頂級球星?
攻中位要練K8/沙短,唔好再將K8打翼打閘,唔好再逼沙短打翼,咁就乜都夠。
後防不得不講老虎理應退居後備,理性討論,兩個中堅啲聯防好緊要,越位陷阱,補位等等全部都好講溝通,一下溝通失誤就好大問題。睇咗好多場VVD+虎,有種感覺真係VVD唔敢指揮老虎,變相兩個各有各打,後防級數即刻低咗一級。
唔係質疑老虎能力,面對面爆過/扭過老虎真係唔易,但一做One Two 猜散,老虎就多數後追唔上,如果換咗糟糕美斯做中堅,正宗VVD契弟聽教聽話,兩個緊密合作互相補位,其實可以避免晒比曼城利萊辛尼同施華啲One Two 突破。
打咁撚大篇,其實想講,老虎係勁,但後防最重要一定係溝通協防,如果搵條契弟跟老虎,老虎真係未必做到指揮後防工作。我深信利子一定覺得VVD先係利記後防靈魂,既然老虎同VVD唔夾,仲有咩理由係老虎唔洗做後備? 個人能力老虎勁過馬貼,但心水清利子知道一定要有個聽教聽話嘅人拍住VVD 先發揮到最大威力,馬貼 美斯 都係聽話,點排都應該排喺老虎前面。