[長氣多圖][不爛尾] 北信越初雪之旅

呢個POST會多人
想問下新手想學滑雪同玩下,
東京出發去邊度好

Gala湯澤/
越後湯澤 苗場有新手雪場

最方便都好似係去越後湯澤
有PASS 來回, 想STAY又得
主要係想去學, 睇下有無班上下咁

有得租雪褸嫁 我都怕凍 不過二月去橫手雪祭

屌你又飛

你咪又岩岩先飛完

點同呢

今晚平安晚
細佬繼續係屋企毒住打遊記
除左打機
打遊記已經成為左僅有既娛樂
雖然去既並唔係會幾有驚喜既地方
但都叫做係人生經驗
開心過既地方
都希望大家睇得開開心心


DAY2 能登里山里海號 和倉溫泉

七尾站係里山里海號既主場
有呢架觀光車既簡介

能登里山里海號總共有五班
我就坐尾班車去穴水
其實除左星期六日
平日都有呢架列車
只不過會變左自由席
同埋好似會無左張乘車證書
所以特登揀呢個星期日一日搭晒兩架石川既觀光到車

要BOOK呢架車
一開始我以為好簡單只要網上預約就得
但發覺原來係要日本銀行過數
雖然話唔需要打電話咁麻煩
但係香港既我其實一樣做唔到呢種轉帳
最後係FB搵左間幫人轉帳既
連埋手續費計左我十二算
差唔多係票價既兩倍

北陸三大觀光列車

其實我覺得應該要加埋阿爾卑斯特快

能里里山里海號

然後見到第二車卡

??????????????
普通車
WHAT
能登里山里海號
一卡叫做里山號
一卡叫做里海號
合埋先係一架完整既里山里海
而家即係算點

再上車
終於明晒

原來全車得我一個on9
係包車呀
一個客都無
所以尷生將成架里山里海號變成獨臂里海號
大概如果我無BOOK既話
呢班可以會轉成普通車都唔定

全車得我一個位有放呢個膠袋

裡面係能登水聖水一枝

得到一張乘車記念證同埋回程免費車飛

因為全車得我一個人
但竟然有三個人SERVE我
以下內客嚇到手震

個阿姐等登叫條女過黎比我影

但我影成咁

全車得我一個人
但作為觀光車
阿姐又要一直叫咪講解出面有咩風景
但我D日文真係好麻麻
有時佢見到我完全無反應又要走埋黎講下野
指住對面月台

原來係咁岩有架花嫁暖簾駛過

同埋和倉溫泉站

為左舒緩呢種尷尬
我都係周圍影下相算鳩數



仲好ON9問佢有無鎖匙扣買
之但係小賣部係里山號上面
里山號唔見左
所以佢無辦法賣比我
話要去到能登中島站先有得買啦

咁又番位睇下風景

能登中島係旅程一個重點車站

係呢度會停低十分鐘
因為站上面有架鐵道郵車可以參觀



如果係車上面呢個郵筒寄信

會有特別既印章日子
好似係

成程車都係落雨濕濕


然後上番車
奇怪既事出現啦
成架車竟然坐滿晒成班廢老

明明官網寫住除左七尾站和倉溫泉站同穴水站星期六日既路線係上落不能既

而家即係算係點
成架車都奇撚奇怪咁

算撚數
多D人我都無咁尷尬

咁其實呢條穴水線又真係有靚景既


話係唔知咩劇集都有出現既場景

不過我最想係呢個站落車

因為西岸係花開物語既主舞台
雖然我只係睇過一兩集
但作為一個毒撚都應該去一去既
可惜無得落

能登雙子橋


同埋呢個捕魚東東



1635到達穴水
再次見到呢兩卡唔對稱既車廂


下一班車係1722回程

即係我有大約五十分鐘可以係穴水走走

但其實穴水係無乜觀光點既
都係諗住行過去潮騷之道行下
不過真係完全唔夠時間
而且黑到天晒
所以都係點到即止




回程都一樣唔係花開物語痛車
不過入面都有D畫像

同埋小貓幾隻

連埋我

穴水線就此結束
到達和倉溫泉

不塊石川最出名既溫泉大站
一出站就可以見到唔同旅館既接駁巴士小巴
一個個司機都拎晒自己旅館枝旗出黎
係呢個只得兩三度既低溫之下企係度等客真係唔容易


我今晚住既係美灣莊
因為佢係唯一可以接受單身旅客而又有加能蟹食既旅程
重點係有海景
所以住唔起最貴果間加賀屋
美灣莊係唯一選擇

但呢間旅程真係充滿驚喜
一落車就已經有人幫拎行李
有專人CHECKIN同埋帶上樓

今晚住既係頂層八樓既白鷺亭


入面真係鬼大


十二疊既正廳

小露台
仲有個六疊左右既睡房

窗外係海景
不過黑晒天乜都睇唔到

大廁所

木制浴缸

真係好豪華
完全對得住個價

其實住之前都猶豫左好耐
到底黎呢個溫泉係想得到點樣既體驗
原本就只係BOOK左好普通既晚餐加海景房
但諗左好耐都係覺得差少少野
全日本既蟹就以北陸福井既越前蟹同石川加能蟹最出名
既然都一場黎到
人一世物一世
最後就轉左食呢餐極上加能蟹

總共十道菜


真係成臺都係蟹
蒸蟹
燒蟹
生蟹
蟹湯
蟹飯
乜都有
仲有盤刺身

甜品

最後真係食唔晒
實在太多啦

一泊兩食總共五萬幾YEN
呢餐絕對係我人生中食過最貴既一餐
滿足真係好滿足
但對於唔算鍾意食蟹既我黎講
你問我呢餐值唔值我一定會答你唔值
不過真係叫做體驗過
以後可以再試下其他野

成個場由CHECKIN到食飯全部都係得阿嬸SERVER
食完飯竟然有個妹妹黎舖床
真係想叫佢唔好走


上網碌下碌下仲見到白川鄉已經變成咁

原本我行程都有呢一PART既
但最後改左落去食神戶牛
時間唔夠真係唯有20年點燈再去
去埋果一半未完成既福井

露天溫泉算係比較失望既


因為真係好細
旅館太大又太多人
好鬼嘈
浸唔得幾耐

不過完事啪番樽牛奶

真係好撚正

夜晚無野做周圍參觀下




如果再有錢D
可以試下私人既露天風呂

應該好過頭先果個

DAY2 完

咁辛苦

點唔同 次數一樣

等睇遊記

雪景真係堅靚

食雪糕既野

你去得耐啲

正

我唔係要呢d 西七呢 去左邊

自己去搵

5萬幾YEN
我自己最豪果次都係松葉蟹+溫泉

下次冬天順路既會去睇下