七尾市唯一既景點
就係100名城中既七尾城
去之前已經睇過條路線好複雜
首先要係JR站坐巴士去史資料館
然後再行一個鐘上山
事實唔係唔可行
但之後仲要坐里山里海號
所以都係決定直接坐的士上去
計過大約都係三千YEN左右
還可以接受
條路線理應係咁
但一車個的士佬就話條路行唔到
要兜路
咁心諗日本的士佬應該老實掛
唯有信佢繼續上
結果條路線就變成咁
架車一路上山
一路就落雨
但係越睇越怪
點解個車頭仲係咁咁乾淨既
再細心D睇
D雨係飄下飄下既
原來係雪黎
心情即刻好番晒
我今次黎日本就係為左睇雪架嘛
點估到第二日就已經見得到
七尾城都算係山城
架車越上就越高
出面風景都變成咁樣
嘩
我真係好興奮呀
慢慢成條路都變成雪路
當去到七尾城既停車場既時間
個錶已經跳到去四千幾YEN
就係我諗住比錢既時間
司機佬問我諗住點走
之前做RESEARCH果時睇過
七尾城入面係有條路落山既
即係橙色果條
上山就話難
落山我諗都易掛
但係條DC佬UP左一大輪又話大雪呀又一個人危險呀
話會係度等我
吹到我都開始驚
比人拋左幾下
最後就決定左坐佢車走
咁阿司機又話啦
而家大雪上山頂有D難
話行廿分鐘到好番轉頭啦
我真係開始諗的士佬係咪水鳩我
一場黎到
唔撚係唔上去呀
落車個牌都係寫住本丸只得三百米
唔理啦
落車死就死啦
條路未算有積雪
但周圍D樹真係好靚
第一次體驗落雪既感覺
係濕濕地既
但完全唔討厭
成個畫面仲好夢幻
係雪呀
