[長氣多圖][不爛尾] 北信越初雪之旅

Imax巴fans

加速

白絲瀑布勁垃圾, 好似細路仔痾尿咁

差唔多啦
好多瀑布都係咁
我覺得個雪景都OK

有呀
某D地方都幾大雪下

DAY2 花嫁暖簾

北陸三大觀光列車
係五月既時候
已經坐左BERUMONTA
今日將會搭埋剩低兩架
花嫁暖簾同能登里山里海號

因為今晚會係和倉溫泉住一晚
所以先將行李放係金澤站兩日
金澤站LOCKER都幾多
唔驚會爆
大型行李六百YEN一日

先比頭一日既錢
然後到拎行李果日就比埋餘數
因為我係用IC卡

只要拎行李果時啪卡就可以
唔需要記任何密碼

花嫁暖簾既專用月台

四號月台

而花嫁暖簾列車已經一早泊好係月台

我諗呢架花車應該係全日本最鮮艷既觀光列車

暖簾大概係掛係店舖門口果塊布

月台上面都有掛起

日本仔唔單止將架車起名
仲會幫佢地整LOGO

所以我先咁鍾意去坐
雖然型號可能一樣
但每個車既故事都係完全唔同

其實上一次黎北陸既時間已經想坐
但可惜五月果時一班車都無
唯有選擇今次坐
雖然JR九州網上BOOK位唔可以因為用PASS而免費
但九州個訂飛系統好在可以自己揀位
每次都可以揀到最靚果個位
今次坐呢架花車其實我都係無用到PASS去坐
雖然比左錢
但依然得靠系統去排位

最後就坐左呢個菊之間

雙人座
不過係倒頭位


乘車紀念章

上車可以拎到乘車記念証


配埋張車飛就完美

理應係咁
但係呢
落車果時我竟然ON99就比左張飛出閘條友
結果張記念証就缺少左車票一角

車仔入面其他座位都花左唔少心思

一二三四人位都有



另一卡

個阿嬸係企係度死都唔肯行開

對面個大叔部相機

今朝早餐就係列車上面解決


係小賣部買左個鎖匙扣

仲貴過張指定席

中間羽咋站可以落車睇下野

羽咋有個氣多大社同宇宙博物館
曾經都係我今次旅程預定會去既地方
不過最後改左會落一落神戶
所以先取消左羽咋既行程

而外星人君
好似係羽咋既吉祥物黎


除左外星人
車站仲有D砂像展



羽咋都叫做離開左金澤差唔多一個小時既車程
應該就無咩人黎呢個地方觀光

其實今次黎到日本
天氣真係麻麻


如果係平時
我就會唔係幾開心
但十二月
落雨既話即係有機會落雪
我係一D都無唔開心過

列車既尾站係和倉溫泉
但我就選擇左係七尾落車
因為下一站會去既地方係七尾城

七尾市既吉祥物

石川D公仔好似都唔太討好咁

七尾站個牌係特別唔同

好靚

格離月台係能登鐵路

真係只係格離

七尾站都仲有少少野睇


能登里山里海號

今日下晏就會坐佢入去穴水

睇真D
原來泊左係度果架能登鐵路係花開物語彩繪黎


而家七尾市得番三度

然後就準備上七尾城

續

市區好少落雪
唯一見過落雪就係長野市
輕井澤負幾度都無雪落

留名睇地獄谷馬騮
舊年去天氣唔夠凍
馬騮唔肯浸溫泉

鎖匙扣通常都千幾二千一個

快

Day7
出年啦

通常五舊水有啦
係呢舊特別貴

留名

當然講緊依啲特別版

唉巴遊記一定要留名
邊間航空公司就快開辦去小松機場呀?有就方便去北陸白川鄉等地玩呀

留名 有睇開師兄post

花嫁暖簾好正啊

唔好啦屌
依家已經好多人啦 開埋直航仲唔淪陷咩

Cx ar