[長氣多圖][不爛尾] 北信越初雪之旅

正 咁好天

又狙擊我，點玩呀

早去無人

多中国人既地方真係不了

輕井澤算少㗎啦

但係Outlet果邊多人到

有購物地方就有中國人
租單車去中輕井澤冇乜人

目測只有香港台灣同大陸人

DAY8 ROKUMON

輕井澤既信濃鐵道入口並唔係頭頂
而係係地面

驛呢個字真係幾古色

信州範圍好多都會用呢字

信濃鐵道呢個站好似仲有個lounge
唔知係有細路仔定比錢先入到

咩小童車站

唔知乜鳩野

一入到去已經見到ROKUMON泊左係度

不過未上得住

ROKUMON
日文即係真田家既六文錢

由2014年開始運行

全車指定席

由長野開往輕井澤
不過朝早第一班係由輕井澤開往長野

總共有三卡車
第一卡係普通指定席PLAN

可以隨時上落
亦都係FAMILY CAR


入面有得比細路仔玩


第二同三卡都係餐車PLAN


要由頭站坐到尾站
其實仲有一隻夜景PLAN
會駛到姨捨站睇夜景
不過一個月得一兩晚有車

第二卡有面向窗既毒撚位

而第三卡就有個室位

會有簡單既開門儀式

好似打仗咁吹奏完就會開始帶位

可能唔係飲食PLAN
所以張車飛都廢D

指定席券只係一張A4紙
無乜紀念價值

專用印亦都唔係一張硬卡

而係一本書仔
呢方面係比較失望


我坐果卡雖然唔係毒撚位
但因為唔算多人坐
所以對面位亦都無人

舒舒服服
格離四人位都只係坐左一對情侶

仲有細路仔會過黎玩



呢隻鎖匙扣算係幾靚仔


中間有風景介紹下

不過信州只得山景

天氣唔太好
出面乜都見唔到

因為時間有限
只係坐左由輕井澤到小諸既一小段路程
大約只有半個鐘左右

小諸站

係全JR最高既路線小海線既起步點
亦都成個旅程唯一既遺憾所在

續

六文錢列車！好想坐！

小海線係堅正

六文錢列車難唔難book

小海

唔難呀
去佢官網就book到
坐唔爆

呢條線我應該會記好耐
有得有失

尋晚睇左套明天我要和昨天的妳約會
男女主角都好正
睇完喊到仆街
即刻想去京都朝聖一下
不過未來幾個旅程都無關西呢個地區
叡山鐵道
我諗總有一日可以去見識得到既


DAY8 小諸城

小海線係我呢一次旅程既遺憾所在
黎到小諸站
當然係去左小諸城先
而小諸城作為一百名城
對比起信州其他幾個大城係相對地遜色一D既

小諸城又名懷古園
係車站過條天橋就係
好方便

上天橋仲望住部六文錢離開小諸


諗起好似係古川影車站咁

係長野
見得最多既景色就係山

山同山

又見到呢D國王的指示牌

次次見到都一陣寒意

懷古園門

徵古館

無入到去
100名城個印仔就係門口

呢套動畫無睇過

原來小諸都可以作為一個朝聖之地參觀

小諸城格離就係動物園
如果有時間都可以留係度半日左右
左面係動物園入口

右面就係小諸城既入口
單買小諸城既入場費300YEN

二之丸


小諸城公園既分類都幾好



全部都有介紹自己係乜冬冬

呢棵櫸樹大都痴左線


但其實都只係500年樹齡

本丸

同上田城一樣
已經做左神社



好細個既天守台

不過就要上幾級石級



算係小諸城既最高點

又係望山

如果櫻花或者紅葉期應該會有唔錯既景色

其實都幾高下


成個公園唔算大

由門口行到深處大約都只係十零分鐘左右
見到有條醉月橋個名好似幾勁

點知鳩流流既

水之手展望台

一個伸延出去既涼亭
唔算係好特別既景色


不過就幾大風幾舒服
大概係地勢唔夠高
見唔到有雪落

其實時間就只有預左45分鐘左右參觀
因為要番去坐小海線出發到龍岡城
本身時間就岩岩好
點知比我見到原來仲有個大手門

傳說係真既大手門黎
穿過條隧道過去

原來都唔算近

就只係為左睇呢棟門
咁就出左事

班車就1158開車
時間到而家都仲好記得
咁我大約1155到車站
搞下搞下買完飛就大約剩番一分鐘左右
點知個職員竟然唔比我入
佢話個JR站好遠你趕唔到架啦
其實日本人最令人反感既地方真係廢話太多
時間都浪費晒係佢地既原則之上
你起碼都話夠鐘啦快D啦之類都好
即係唔係話要怪邊個
時間預得太少係我錯
但係死都要解釋到你明為止呢一下真係麻撚煩
結果下一班車就要兩個鐘之後

失去左龍岡城
同埋你的名字朝聖長野既最後一站
新海三社神社
無得睇三葉表演口嚼酒
成為呢一個旅程既遺憾

雖然唔開心
但日子要繼續
而且亦都曾經有過類似既經驗
所以好快就可以轉換到心情
只係仲有兩個鐘時間
動物園就麻麻地
係小諸就諗唔到有咩好做
唯有就去搵野食

結果又係食麵呀


不過係小諸入面少有可以過3.5分既舖頭
成間舖頭就有一個年輕老闆
帶住個女煮麵
係好家庭式既店舖

因為無野做
所以係度留左幾耐下
然後老闆走過黎搭訕
話一個人去旅行好厲害之類
其實我想講我今日好失敗
連火車都走失埋

最後佢送左個酒杯比我
話係禮物

價錢就一定唔會係貴重既
但好似真係第一次收到日本人比既禮物
算係好安慰既一件事

真係無野做
又去番車站
小諸市好似無巴士
得呢D細巴一日兩班既路線

小諸站係一個好細既站
但係同一個車站入面有信濃鐵道同JR小海線

又有菜賣


本身就買左去龍岡城320YEN既飛

又要再買過張去野邊山1140YEN既飛

所以話張北陸拱型PASS真係廢既

信濃鐵路普通車

仲有小海線既普通車

原本
三葉就係坐呢種車型既單丁位由糸守市去東京既

但已經比人霸晒
唯有坐長凳位

收拾心情
出發最高點

續

有禮物收
樓主一定好靚仔 又rich