[長氣多圖][不爛尾] 北信越初雪之旅

留名支持深度兼豪遊

2018年咁就過左去
呢一年都算過得幾漫長
明明一年前係鹿兒島過新年
但好似已經好耐之前既事咁
呢一年做左好多野
睇過第一次日出
亦都睇過第一次落雪
去左都靈睇波完夢
亦都參與左人生第一次既世界盃
好多又好多
希望今年可以繼續有好既發展



DAY5 兼六園 金澤21世紀博物館 東山茶屋街

金澤城公園同兼六園
只有一橋之隔

真係一車車廢老咁車入去


兼六園

三大庭園之一
日本黎講應該以兼六園最出名
不過我都係聽佢同後樂園同級先至慕名而黎

人流明顯比頭先金澤城多好多
係呢D庭園先有人特登著和服入去
不過落雨濕濕都幾ON9
感覺上黎左咁多日真係日日落雨咁濟



呢D好似係叫雪吊

避免樹支比雪壓斷
都算係兼六園既奇景之一
不過呢兩支那妹特登沖埋去影相真係好痴線


呢D好似中左毒既樹又幾得意




話說大家都叫做三大庭園
偕樂園我就未去過
所以只有拎後樂園黎比





就咁睇兼六園真係好普通
因為後樂園隨便影都好靚
而兼六園真係純粹只係一個公園
當時我都係落雨去後樂園
所以唔可以用天氣差做藉口

當然
如果有雪既兼六園應該係唔同既景界
可惜呢幾日只有去到遠離市區既地方先有雪落
金澤市入面仲有七八度
都幾難落到雪

企係兼六園最高處望落去

都好似無乜焦點咁
其實真係有D失望

行行下又多左班難民

好嘈
走先

真弓阪出口對面就係金澤21世紀美術館

所以話金澤市內既景點全部都係一個接一個
一日就岩岩好

隔離仲有個木石浦神社


話說呢
金澤21世紀博物館
係我十三年前已經想黎既地方
當時有追開一個叫做藝行四方既節目
節目內容係介紹世界各地唔同既博物館
其中最深刻就係有一集介紹西維爾既古根漢博物館同金澤既21世紀博物館
呢兩個博物館以後都係我心目中留左一定既位置
今日
我終於黎到其中一個
金澤21世紀博物館了

博物館以圓形設計
四方八面都係入口




邱志杰唔鬼識佢

淨係買360YEN果隻飛
不過如果有北鐵張巴士PASS
就可以以廢老廢青價入場


當時個節目最深刻既
一定係呢個水池

連接到博物館既地下室
參觀呢個泳池係免費既

不過因為露天關係
一落雨就會閉場


等左好耐都仲有雨
唯有入去參觀下其他展館
博物館一律唔比影相
就只有泳池可以

咁我就有七個展館可以進入
其實全部都無咩印像
淨係記得乜都唔比掂唔比影
唯一記得既就係其中一個講電子音樂既展館
裡面用既器材全部都係日常用品
可以係汽水樽
攪拌機
電風扇等等
用呢D唔同既日常用品發出既聲音黎作曲
好撚正
可惜唔可以拍片

而其中一個展館就連接到泳池既底部
呢度都買飛先入到黎



其實只係中間有層玻璃阻隔
就好似身處係泳池入面一樣
搵左個日本妹幫我影相
好正

上番去已經天黑
仲落緊雨
就繼續等到停雨

其實入到去
都只係為左影張咁既相

最緊都係要有model係水底擺pose姐

之後就成村人走入去影


係youtube搵埋藝行四方段片

呢個就係當時既女主持嘉琳
而家已經消失得無影無蹤

當時阿館長就話

要同一般既博物館好唔同
要改變
唔需要去接觸
唔會感覺到身處係美術館
係一個開放既環境裡面
多年後既今日我終於黎到
然後體會到
館長所講既野已經全部都做唔到了

其實只係五點鐘
但個天已經黑晒

金澤最後一站係東山茶屋街
雖然應該已經收晒工
但睇下夜景都唔錯

無腳架已經盡晒力


一入到茶屋街
呢埋廢老唔知係咪做乜


兩邊係咪不斷對射
塞撚住條街

五點幾點茶屋街

其中呢個日本妹成個白石麻衣咁款

金澤D妹妹真係幾高質

都仲有D餐廳仲開緊既



輕鬆玩完
但明明係觀光巴士
個巴士站都要行一段路先到

等巴士見到對面髮型屋

無乜人

就係呢架城下町周遊巴士

番到金澤站

入到商場食埋飯先走
商場有兩間MORIMORI
一間係迴轉壽司

好多人排隊
呢張相係食完飯先影既
所以就去左另一間

講到明自己唔係食迴轉壽司

其實仲好
尋日先食完
今日想食魚生當

其實最貴果款都只係三千幾YEN

估唔到咁都有蟹食


雖然細細隻

我自己本身就預約左20:17果班新幹線

不過食完飯都係大約七點
可以趕得必坐19:18果班
但係竟然係全車指定席
換飛位又排到出門口

最後都係趕唔切
唯有呆等一個鐘
八點果班仲要係站站停

北陸新幹線係幾靚仔既


之後兩晚住既係長野大都會酒店

算係幾靚仔
仲有部電話跟


結衣BB套新劇好似評價麻麻

明明仲有田中圭同黑木華
cast都幾勁

DAY5 完

唔係豪遊啦

果時都有諗過去
不過要搞好多野
又好似有D遠
最後去左御苑算

樓主點睇morimori 超好食定mama

咁又無超好
幾好咁啦

五點幾點茶屋街

條街影得幾有feel

呢個攞多少少個天就更加正

留名

我上次坐雷鳥都係咁，唔敢擺上去
之後擺咗係個位隔離走廊到，合埋眼聽聽下歌有人拍我，原來我個喼碌走咗

黎緊月中又搭多次，今次換咗個更大既喼，點搞好
係咪坐車廂第一行好d，好似多d位

樓主都好多第一次喎

白石麻衣圖呢 下

擺走廊打橫交應該唔會碌走
我而家多數都放頂
如果搞唔掂一係放門口位
第一行其實都唔會多好多位

咁又影唔到個館

西野七瀬呢

一單還一單

我有圖wor
係濛d
你呢

咁濛點睇

冇圖點睇

Push

樓主冇俾圖