食了剛畢業的護士妹妹，然後愛上了她 [少甜] --- 下篇 + 完場 Q&A

之前出果篇扣曬HP
而家重新執筆
鬥緊個結局篇，比多兩日我
將會一次出三（或四）篇，一氣呵成去到大結局

有拖冇欠，絕不爛尾

我冇咁講過

唉
如果對老婆冇晒feel就要離婚
我諗呢個世界起碼8成夫妻都會離婚

唔係咁易架，葉師傅。

係
我係仆街
我係

屌我啦

如果只係愛肉體
我諗我會揀凱倫

不過其實Noopy咁正梗係會加分啦
男人
邊個第一下唔係睇樣睇身材丫
唔通一埋牙就傾人生哲理咩

都唔係話要屌GE, 你個反應係人之常情
其實女人都係, 成日以為自己做GE野係對人好, 都冇諗過人地
咁就搞出好多誤會

我見到阿Joe爬在Noopy身上，然後un吓un吓好似隻狗一樣。

你條淫蟲，我殺左你！

我見到比佢壓喺床上嘅Noopy，面容由委屈慢慢變得無感，冷漠，然後眼角流出一滴眼淚。

唔好喊。Noopy，唔好喊。係我唔好，對唔住...

加油，期待結局篇

唉屌 原本兩情相悅 依家變撚咗NTR
原本睇到個人甜甜地 依家心都酸埋

等左成個星期都未有

等緊你呀巴打

幫樓主推推先

（四十。結局篇。上）

Noopy結婚之後嘅第一年，我完全封閉自己，性情大變。由一個本來健談風趣嘅人，變得古肅孤獨。我仍然有番工，但係同啲同事完全冇公事以外嘅交流，日日閪口閪面番工，好似全世界都同我有仇咁，神憎鬼厭。

係呢一年裡面，我仲做左一件事，就係同我老婆離婚。一方面係因為，經過Noopy比我體驗過嘅愛情，我真係已經呃唔到自己，話我仲愛呢個老婆。

另一方面，亦都最重要嘅原因係，我應承過Noopy我會咁做。

即使佢唔會知道，亦都離開左我，應承過Noopy嘅野，我一定要做得到。

不經不覺，就過左三年。

頭果兩年，我唔係冇試過鐘意其他女仔。甚至半推半就咁，同凱倫拍過兩個月，似有還無，但係好快就無疾而終。同老泛民一撚樣，一路走來，始終唔得。之後，我就直頭放棄，諗住成世做條毒撚算。

我好似已經唔識得點去再愛另一個人咁。

我唔知道個世界係點樣運作，愛情係點樣運作，點解兩情相悅嘅人唔可以一齊。但係諗深一層，唉講咩兩情相悅吖。都過左三年啦，其實Noopy好可能已經唔記得左我，同阿Joe兩公婆好幸福咁都唔定啦... 自從Noopy結婚之後，我地就冇再聯絡過，但我從同事口中聽到佢辭左職冇做。果然，真係留左喺屋企相夫教子。

傷口慢慢結疤，但係一掂到，仍然痛入心扉。痛到，耐唔耐我就會發同一個夢。

喺夢中，我會返到去首爾嘅酒店房，返到去情迷意亂嘅果一個最後嘅夜晚。

經歷左狂暴嘅性愛之後，筋疲力盡嘅我同Noopy赤裸咁瞓喺床上面，打側身面向對方。我將我嘅頭埋喺佢嘅雙乳中間，溫嫩柔軟嘅觸感傳向我嘅面頰，熟識嘅少女香氣撲鼻而來，喚醒我人生最甜蜜嘅回憶。喺夢入面，我終於有番左屋企嘅感覺。我忍唔住係咁喊：「Noopy，我真係好掛住你... 我真係好蠢，我當年唔應該比你走... 對唔住... 對唔住... 我幾年真係好辛苦好辛苦... 好辛苦呀... 嗚呀...」

雖然我比Noopy高成個頭，身體又比Noopy橫，但呢一刻Noopy將喊到停唔到嘅我，攬住喺佢嘅胸前，佢好似安慰緊一個小朋友咁。Noopy慢慢咁摸我個頭，掃我嘅頭髮，好溫柔咁話：「冇事喇，乖，唔好喊。好快就冇事㗎喇...」

每當我想問佢點解會冇事，就會紮醒，然後只見到身邊空洞嘅床鋪，同一個淚濕嘅枕頭。

呢個夢，我每個禮拜起碼都發一次。所以後來去到一個點，我再喺條街見番佢嘅時候，我幾乎都以為自己係發緊夢...

我再遇Noopy嘅，係一個秋涼嘅傍晚。我啱啱一條友去完蒲台島露營，孭住個大背囊，番緊屋企嘅途中。（自從Noopy離開我，我就有左一個人耐唔耐就去離島露營避世嘅習慣）成身臭汗，污糟邋韃。

世事就係咁，個天比你重遇舊愛，往往就揀一個你最最不堪嘅moment。但係當我見到眼前嘅彷如天使下凡嘅Noopy向我迎面行埋黎，我仍然忍唔住上前嗌佢。

結局篇一共分上中下三集
執執個尾
應該可以24小時之內出埋另外兩篇佢

敬請期待

支持

叫爸爸啦

眼白白睇住一個你深愛嘅人走真係好痛
樓主寫得好好 勾起晒我啲情緒

睇太多TVB膠劇喇

睇到好心痛 依種感覺我都有過
真係好唔甘心 冇好好珍惜
加油呀樓主

求good ending

你入得黎都係想睇樓主嘅故事，又何必左右樓主決定結局走向呢？
我只想睇最原本關於甄景偉嘅故事

放心
呢個唔是互動故
一切只根據已經發生嘅事寫番出嚟
冇得改
亦唔會改