《Blue Bottle》
自從幾年前係美國試過Blue Bottle,已經愛上左呢支藍色樽仔,不論brew定Latte,都係小弟嘅最愛。
每一次去美國,都一定會去會一會佢。
今次有機會去清澄白河,一定要去探一探東京第一間嘅藍樽仔,裝修一如簡約,俾人一種舒服嘅感覺。
日本人嘅執行力及親和力會令到店嘅感覺比美國分店多一分親民,多一分親切感。
清澄白河店面比新宿或青山都大,客人都可以係寬敞舒服嘅環境下享用果一杯屬於你嘅Blue Bottle。
住係新宿,趁機會亦拜訪左新宿嘅分店。
畢竟係黃金地段,遊客多,未能做到清澄白河分店嘅感覺
如果想慢慢坐低扮陳豪,新宿店會比較難。
不過咖啡品質尚算保持水平。
當然,東京尚有很多高質嘅咖啡店,希望有機會一一拜訪。
待續。