大家好
小弟十幾年冇去過東京,再一次愛上呢一個地方。
今次分享少少點滴,希望各位巴打絲打賜教
小弟性格比較隨心,沒有太多預定嘅行程,亦不會有太多嘅行程安排,主要係食同睇銀杏,小弟去旅行最重要係舒服,隨心。當然去每一個地方我會先做交通資料蒐集,會令整個行程順暢一點(希望行少d冤枉路)
《交通》
為左節省時間,我選擇坐凌晨機,朝早四點半左右到羽田機場,羽田機場出市區例如東京駅上野新宿池袋等都比成田方便,過完海關拎行李大概五點左右,五點半左右頭班京急鐵路去品川站,再轉JR去新宿嘅酒店
東京鐵路有很多,大家出發之前最好清楚自己要去嘅區域,地方,坐JR或地鐵邊種會比較方便,又或且自己酒店近邊,會令自己旅程便捷一D。
去日本會建議大家出張西瓜卡(Suica)
大部份日本都可以通用,亦可以將西瓜卡放係apple pay/google pay, 不過大家小心,如果放左入apple pay實體卡就用唔到,原因我估同security 有關。
另外如果去嘅地方近地鐵,基本東京地鐵覆蓋很多主要景點好似晴空塔,六本木,新宿,原宿等,坐地鐵最重要留意自己去邊個地方,認住個code,可以download定個地鐵apps會更方便。
如果長期坐地鐵,會建議大家買地鐵pass,東京地鐵pass有24/48/72小時pass,以第一次入閘計,好多酒店機場地鐵站都可以買,最新價格如下圖
大家亦可以先係Klook等預購網先買再係機場取。