(多字小圖)8日北九州+垃圾高雄半日遊

係喎⋯⋯忘記咗篇遊記

聽日出

(Day8 )
一早曬醒

點解噚日唔係咁好天
今日坐晏晝機去高雄,仲有半日時間,去邊好?
首先退房,去熊本站睇下有咩食先啦
好多手信舖開咗,但想食嘅又未開,兜個圈後唯有食乜嘢家
以為好似香港咁有雞飯,烏冬,洋食,原來只得牛飯
朝早食飯對我黎講太飽啦

著件短袖衫加件風褸,食兩啖熱到要除衫,但望見隔壁位人兄一朝食個牛肉鍋飯唔除褸咁厲害嘅
熊本市最後一個想去嘅景點:


未入門口已經有批泰國團去完嚮門口聚集
好天真係景乜都靚


入面好多和服妹,不過









風景優美,又多操不同中國方言嘅和服男女



好想上去







櫻花勝開時一定好靚







以為係假雀,原來係真


妹妹仔餵麵包,可唔可以餵埋我呀



幽閑咁坐下嘆下茶真係唔錯架
離開水前寺就坐市鐵返去熊本站,架市鐵報站系統壞壞地,好在有班外國團同車一齊落。
去酒店,拎行李,搭巴士,去機場 ,怕好似第一日咁大塞車(雖然過哂返工時間 ).
一到機場當然去國內機場行下啦 ,不過比起鹿兒島機場為細,有D失望
細還細,但五臟俱全,有嘢食


兩隻蠔兩隻蝦
有飛機比相機打




好想坐多次螺旋槳飛機,可惜上次坐果時大部分時間嚮飛機廁所到
好大風,又推住行李,企一陣就番入去
當然有嘢買
成個場行哂,見差不多時間就行去隔離國際線,唔洗講一入去又係乜都無,又更加細啦
場內本來小貓三四隻,後來一車車台灣團旅客到場,過無耐就開始寄行李,辦登機手續啦
比護照個地勤妹睇,佢話要睇埋台灣簽證.
一比張visa佢睇就成班地勤行埋黎圍觀
原來佢地係睇一次有哩個情況,有一個應該係資深D嘅地勤妹教佢班同事點睇張嘢
(嗱⋯⋯哩隻牛係香港人,未婚⋯⋯有買襯手快D Mark咗佢呀 )
搞好哂上去候機室坐
又係坐返哩架機

一班人嚮唯一嘅免稅店圍剿,又有班人嚮扭蛋機圍扭,扭到上機前最後安檢都唔放過
開心上機,前後坐滿人,但我獨霸成行

所謂熊本飛機就係咁嘅樣

個咕𠱸我拎埋返屋企
去到高雄,覺得海關人員態度好好,嘟指模唔順利都耐心對待
坐地鐵入市,報站都用四，五種語言
國語,台語,英語,仲有一種唔知乜語 ,有時仲多個日語
一到凱旋站突然成班人衝入黎
個個咁嘅裝扮

偷影咋,驚比人問候
一到站上地面,對台灣成個感覺好差,可能幾個鐘前人嚮日本,依家身在台灣,反差好大⋯⋯
例如電單車嚮行人路 左穿右插,過後大陣廢氣味
街道又破舊
上去酒店都幾大,可惜都係小小陳舊,放低嘢落街搵食,乜都無,好在街遠小小有間7-11,買兩個包,一支乳酪,一個統一牌布甸
返到酒店食完個包想食布甸,佢無比匙羹我,點食呀
好在有乳酪支飲管,第一次飲布甸都係 ,又唔好食喎
問貧友先知今日咩日字,開電視睇有現場直播


參選時講嘅嘢,信半成好啦

(Day8完 )

水前寺公園幾靚wor

真係好靚,裏面D大陸和服啊嬸大姑C9仲靚

真係城中綠州

靚過兼六園
岩岩執完覺得好普通

係，兼六園我都跟團去過 ，無假和服人，但有真日本人影結婚相

我plan緊下年由名古屋直上富山，然後去高岡，金澤玩，之前睇過篇遊記都係咁去法，係咪你寫定其他人寫？想搵返抄～～～～參考下

補圖先


金澤兼六園,當時有人影結婚相,佢地係伴娘,我地班友個個都同佢影相,佢隔離仲有個肥妹好無癮咁望住佢

我直上福井
之後先富山高岡
果次無去金澤呀

和服妹

去到日本見到靚嘅和服妹千其唔好盲中中衝去同人影相呀⋯⋯
除時係中港台人黎架(我知有人試過 )

(Day9,玩完啦 )
話說我住間酒店係嚮美麗島地鐵站附近,地鐵站上地面係無電梯嘅,咁我要抬喼上地面啦當然,差D想揼鬼咗佢
酒店包早餐,8點鐘落到去⋯⋯


包場 ,當時全場得我一條友,以為入錯房,到有員工問房號就知無行錯路.
巡視一圈後見到D嘢食真係連佢都唔食 ,仲有幾隻昆蟲飛來飛去 ,想走但又無理由咁失禮架,是旦夾咗幾樣嘢,食個包算啦,食食下終於有對男女入黎,都無咁尷尬.
嗱嗱聲食完,退房,放行李嚮酒店後行去地鐵站,行到站口見到有指示話後面站口有𨋢,但原來要過條馬路後再行一段石仔路 ,落到站果一刻我就諗一陣應唔應該抬個喼落站算,因為我驚震難個喼D嘢食
搭地鐵去到西子灣站,諗住點行去打狗英國領事館 ,一出門口有人對張租單車傳單,不了,我行路得啦



唔知點解我覺得好似澳門舊區

電單車排隊等上船時企耐D塊面會變黑





旗後山,高雄燈塔

哩座嘢真係高雄地標,飛機上都青清楚望到,可惜無好好利用佢,搞到我覺得似⋯⋯時鐘酒店
到領事館門口






現場有錄音不停模擬播放當時談判個情境,當我細心研究佢D展品時先發覺有員工坐嚮到看守,段錄音佢應該調轉頭都識背





有時間可以比錢遊船河
哩到有英國茶葉買同有tea食


以為係棺材,原來唔係防空洞



又要行樓梯





終於到頂





屋入面有個展覽館展出D書,船模型,同埋皇室瓷器


我覺得個場有D嘥,有關佢百幾年嘅歷史好輕輕帶過
沿馬路行去西子灣海邊,見到山下果塊石牌差D想坐船入去,諗兩諗,都係算啦

有好多人釣魚架

原路行返去西子灣地鐵站,唔覺意又行錯路 ,但比我去到哩個地方

參觀完先知係後門







當地輕軌


走後門入去





哩到先係前門


(Day9未完 )

(Day 9玩完啦,走人啦 )
去完舊打狗驛故事館就去哈馬星輕軌站坐輕軌



車站嘟卡 ,車箱入面嘟卡 ,嘟一次,落車唔洗嘟 ,100新台幣全程,抵到爛啦 ,係慢D囉⋯⋯個報站又係用4種語言廣播,又慢又長氣
去到凱旋站,落車轉地鐵去美麗島站,返酒店拎行李再推遠D搭𨋢落地鐵站去機場.





上蓋真係好靚 ,如果個站可以再配合返咁就好
去到機場站我檢查下本護照,有帶,身分證,有帶,簽證張紙⋯⋯
摷背囊,開喼都唔見... 死啦,唔通去返酒店check 房
喼入面有個膠folder放行程表等嘢架,一睇....

入返好所以嘢,安心出閘去機場
去到機場大把時間,第一時間走去國內條機場睇下有無嘢行先 ,以為好似日本咁好多嘢睇,點知成個場一間舖頭都無,只係得航空櫃位
無聊行一圈後去返國際機場
國際機場中得一間舖頭食嘢,但款式就真係唔吸引啦 ,櫃位未開,唯有入去坐低,叫咗個麵,攝下時間啦
櫃檯開咗,搞登機手續,果個女地勤亳無表情,講嘢串串地, ,OK一個鐘後果份問卷調查我識做啦 .
辦出境手續,海關姐姐勾引我去自動過關機搞出境,要一齊嘟兩隻食指,海關姐姐好有耐心咁搞好耐都認唔到,就叫我直行去櫃臺搞,行到半路個關員哥哥示我過黎搞,又搞好耐終於笑笑口話OK,公務員都有禮貌過你果班地勤呀
去到離境大堂大把嘢買,嘢食都多款色D呀⋯⋯
先諗起,係喎,我上星期先入過黎,點解我唔嚮到食嘢呀
Hea下吽下上機返港啦
又見到你,不過應該無乜機會再上你機囉


(全文完 )

睇完啦

多謝觀看