(多字小圖)8日北九州+垃圾高雄半日遊

有人睇架

(Day6,別府 )
一早check out,問酒店位阿姐,牛仔= ,阿姐=
：可唔可以放行李一晚?
：只可以今日拎走
：果邊有locker喎,可唔可以放入去?
：只可以今日拎走
：
博多JR站大把locker,洗乜驚喎 (不過要比錢之嘛 )
大櫃要六百円一日 ,我有一個五百+一百,但唔入得五百円 .
好在站入面有得用卡比錢,唔識用?唔緊要,有多國文字同語言聽

玩咗六日,哩日先有個見得人嘅早餐


條橋幾靚,嚮戶畑站影嘅

就到小倉站,要手動轉櫈,本來人唔多嘅火車,一到小倉站後坐滿人
去到別府站,買個一日Bus pass,櫃台上有圖,指比阿姐聽要買pass,阿姐就問?今日用?係呀,你去邊?我教你點搭車
第一站上山

見到個天咁心知不妙,入到纜車站比埋錢見到個山頂現場直播差D想走人,但我已經比咗錢,又上得車喎

一件底衫,一件薄長袖衫+件風褸仔,會唔會凍死架?
本來得幾個台灣人,後來多幾個香港男女,車上有位女仔揸咪做介紹





上到山頂車站,站內影出去


行出去





5度,嚮香港我會著到成個糉咁

拜完燈神就上山啦




個發射站白茫茫

再上一段路後到山頂啦




驚見某連登仔


轉眼就跑落山啦
無耐登神顯靈



天氣暖返D,我都要落返去車站啦




返到車站








車站天台



坐車落山





跟住坐巴士落地獄


(Day6未完 )

好大霧

雖然好大霧,但紫外線都好高
我戴變色眼鏡都變到黑哂

鳥居呢段用 形容得好正 好生動

別府我都有去過
行下山頂辛苦到爆
平時太少做運動

(Day6續 )
上完天堂再搭巴士落地獄 ,先落海地獄



買完套票入場,個場一片祥和



隔壁有間手信舖,上去樓上影

就係哩間啦




落地行下





有間玻璃屋



有蓮花

有蕉

有檸檬
等等
出返玻璃屋見到哩D,點解紅色嘅

哩棵樹

行完出門口轉下個頭

山地獄 ,係要另外比錢嘅,所以無入去
再轉下頭






鬼石坊地獄,入面無乜嘢睇,所以好快行完
又轉過頭


灶地獄


場內有免費嘢飲

有免費蒸面

亦有免費表演
好肚餓,見有嘢食賣,當然走去,見到好多舖頭好多人,個個好似搶買咁樣,店員又忙,辛辛苦苦買到哩幾樣嘢食

溫泉蛋,兩個包,一個布甸
買完要企嚮張枱食,一望隔壁原來有一大班人坐嚮到浸腳 ,嘈到柒彩,以為係台灣團,原來係泡國團
食食下覺得有人拍我個背囊,再望下有個底能死肥仔企嚮我面前,我同佢鬥睥 ,睥到咗上下佢阿媽走過黎用好抱歉嘅眼神表示歉意,然後的佢走,個死肥仔心有不甘咁去咗
食完再行,聽到有人用咪講嘢,又見到有鴨仔團,咪唔理佢地囉,但揸咪果個又可以入去個池到嘅
原來佢地係場內講解員,有幾個人輪流介紹嘅。
首先點支煙,一吹....


個池大煙咗
第二個池又係咁吹




又係大煙咗
睇完,走人
今次要行一段仔路,去哩到





有鱷魚睇






仲養咗幾條鱷魚,不過都幾無聊,好快走咗
行多兩埗到白池地獄




無嘢好講
睇完沿馬路行出大街,等巴士去最後兩個地獄

(Day6未完 )

多謝支持
果幾日行樓梯行到我怕
咁行法對膝關節好大傷害

(Day6 )
坐巴士去哩到,坐我隔離左右後邊都係泰國人,我隔壁果條佬講嘢乸到呢

一入門口就見到成班人坐嚮到等,以為好快有嘢睇,點知等成幾個字

有嘢睇啦,成班人衝向前



行個圈,走人.
行去隔壁



個池好大



就係咁,地獄遊就完結啦
搭巴士去酒店Check in先.
搭巴士去到別府塔落車,轉入橫街就到今晚入住嘅酒店,酒店櫃臺得個阿叔嚮到,確實我無去錯地方,我個Booking無錯後就比鎖匙我入房,入房後坐一陣,諗下去邊好
覺得別府無咩行,天又開始黑,肚又開始餓,決定去大分睇下
落到街行去別府火車站先知大件事,原來要行咁遠架,貪平之過
去到大分,點解我唔住哩到呢⋯⋯

起碼有個大商場我行下,同埋第二日一早我都要黎哩到坐由布號
我可唔可以退返錢比我再轉租哩到呢
行一陣商場,走去食嘢,見到哩個好似好正

但唔知點解叫咗哩個

好好食,好食到聽到隔幾張枱嘅香港阿叔阿嬸都話正
跟住佢地個導遊入哩黎同佢地傾嘢,過後佢地埋買走人,同時靜哂
哩餐食咗咁多錢

食完坐JR返別府,行返酒店時經過7-11,覺得布甸同乳酪都無Family Mark咁多

別府塔夜色

(Day6完 )

你點解唔橫斷九州？
都去到高千穗唔落埋大分反而返轉頭去熊本經博多再去

點樣落大分呀？

巴士去延岡轉火車

我以為你話有巴士
下一次我會再去多次高千穗⋯⋯廷岡>熊本

要啦，高千穗咁靚

多謝幫推
遊記星期六先出，打遊記原來都幾用腦架

(Day7 )
今日去九重夢大橋
間酒店雖然陳舊,但都有溫泉浸,都算係咁 ,一早Check out行去火車站

朝早嘅別府塔

我唔係住哩間
見到地下濕濕地,個天灰灰地,我個心就耷耷地

住大分方向望返別府,同好多學生一齊上車

大分出名係雞?





以為大分站係大站大把嘢食,點知一係未開舖,一係唔啱食,結果咪又係幫襯全家
買咗一個包+一支咖啡,噚日嚮博多買咗個包都仲未食
食完個包後沿馬路行出去睇下

行一陣快快趣返去,今次又係坐第一班由布火車去豐後中村(8:21開),(9:23到),好聰明咁用一千円預訂座位,點知一上車大把空位,個指定席車卡坐我後面係幾位好興奮嘅泰國男女 ,前小小係一位日本男,無啦 ,開車無耐先知原來我訂果個位係無靚景睇架,咁就嘥咗我一千円
天氣差,心情差,影相都會無差


去到由布院站後班泰人落哂車 ,但上車就唔多人,太早

個膠袋唔係我架


到站都有幾個人一齊落車,先醒起要影返張車頭相








一面天堂,一面地獄


入到站,即刻有位阿姐問係咪上橋?佢講解下D巴士班次



個阿姐講講下個站越來越多人,起碼8成都係香港人,其他係台灣人
原來有免費巴士上去,但時間上唔夾,所以我(地)就搭10:03巴士上去,位位五舊
嚮站入面坐坐下,個阿姐叫我地出去排隊,然後派膠 片一張

車未到,周圍睇下先




巴士到站,跟號碼上車,全車爆滿,感覺似返工
10:30到站

就係坐哩架巴士
一落車,天陰陰,又凍 ,我著一件底衫,一件長袖衫+件有帽風褸咋
買飛,入場


天色清郎




橋上嚴禁開遮
左上右落






感覺似升仙,好凍,但風唔大,以為燈神又顯靈,快D影多兩張




行到出口,聽到有人以為出到去唔比入返黎,佢地轉身回頭,我就繼續前行



諗住沿馬路兜一個圈行去筌之口,浸下炭酸溫泉
先去行去白鳥神社睇下先


5分鐘,好快行到啦(但原來行過咗都唔知 )
轉個彎行到一個展望台,要比錢,咁嘅樣,點比呀



行多兩埗又一展望台.



行返出馬路,開始落雨,雨勢越來越大,風又大,唔可能再行啦,回頭是岸,行返條橋到

(Day7未完 )

九重夢咁睇又好似唔多值得去咁

(Day7續 )
風雨越來越大,個人越來越凍 ,行到出入口有好多人企嚮到避雨,我唔等立即過橋

行到咁上下四周白茫茫,好大風大雨,隻手要揸住頂帽先得
眼要望前,自我催眠要向前行,要向前行,唔好向下望,唔好周圍望,直行好快到
嚮咁大風嘅環境下都睇到有人抱住個仔過橋,唔怕飛出橋咩
感覺行咗好耐咁終於到岸啦,睇到好多人即場買咗件雨褸,薄cheap cheap
嗱嗱聲去食嘢暖返個胃,想食麵但得包食,叫咗個鹿肉漢堡( )食,大件又算抵食
食完坐一陣暖返個身,見到差不多有巴士到就行去巴士站停留所,間屋仔入面坐滿香港人 ,有幾個台灣人企出去食風 ,幾分鐘後車就到,成班唔識嘅香港人同時上車
(11:42開車)又係8成港人,2成台灣人 ,位位五舊.
(12:03到)返到火車站,距離去由布院火車仲有個幾鐘,佢地就入哂車站,我就行下街






個鐘有乜用?
睇地圖話有間神社,諗住睇下




要行樓梯上去,但覺得好荒蕪,滿地樹葉無人清理,地下又跣,睇多兩眼返落去


唔知係咪水力發電廠?
一陣坐你


行到返去火車站,見到觀光協會嘅休憩所坐嘅係香港人,車站等候處坐嘅係台灣人
入面坐滿人,我又唔想坐他他米,咁我就同台灣人坐,食埋噚日個麵包
(13:22)火車到站,全部人一齊上車去由布院方向
(13:39)準時到達 ,一行出去




點呀⋯⋯個天灰成咁
雖然仲有兩個幾鐘先坐由布院之森,但都快快埗去金鱗湖睇下先
條街真係好多人,但人車爭路,好似旺角咁




小D定力都唔掂


無帶銀包呀⋯⋯無錢買呀
唔經唔覺又行錯路 ,好彩有google map

聽講哩到係囉喎







可惜有間白色物體嚮到,唔係一定順眼好多

咁都唔錯呀
是日晚餐



行入D


再入D




好多人嚮到影相



睇完行返原路返火車站

剩係坐嚮車站休息室等,其實都幾無聊


(15:50)車到啦,即刻衝上車睇下有無飯盒買先⋯⋯

結果係賣哂
哩程我又係預早訂飛,以為訂車頭,點知睇錯訂咗車尾 ,不但止仲要一坐埋位就知PK
我訂由布同由布院之森都係A位,景觀係差D嘅,
無嘢睇咁不如瞓下算



買杯雪糕平服下心情
18:06分準時到博多


(Day7未完 )

天氣唔好,無法啦

(Day7續 )
去到博多站,即刻坐地鐵去天神站,再行地下街去天神南站
好有聖誕氣氛



嗱嗱聲去Big camera買嘢,再去天神站吉之島搵嘢,一來一回已經覺得體力不支,頂埋佢返到去博多站先食嘢
食咗個餐,有麵有飯
食完去locker拎返行李先,我放咗一晚,要補多600円,搞掂後搭JR去熊本
到熊本一出站就到今晚住嘅酒店,住埋今晚,聽日就要坐飛機去台灣囉

(Day7完 )

。日本篇話咁快就到尾聲

仲有半日
下周見