(多字小圖)8日北九州+垃圾高雄半日遊

補返個行程先
Day 1, 起飛經高雄去熊本
Day 2,熊本坐巴士去高千穗
Day 3, 高千穗去熊本行商店街,水道町熊本熊辦公室
Day 4,博多去九年庵,大興善寺,祐德神社
Day 5,博多至築後吉井,祐德神社,長崎
Day 6,博多至別府
Day 7, 別府至九重夢大橋,由布院
Day 8,熊本水前寺,機場坐飛機去高雄
Day 9,打狗英國領事館文化園,返港

Day2, 今日要坐巴士去高千穗
成晚都唔係瞓得太好,一來心情未平服,二來張床好凍
開咗暖氣間房好暖,但個窗漏風,D寒氣吹入張床到



仲睇到日出㖭 ,落咗成日雨,今日出太陽,真好
講返間酒店,火車站過條馬路就到,地下有大浴池,落雨可以借遮,最正係佢比我放一晚行李,又平

酒店外觀
雖然上年去過熊本,但都係夜晚到,仲要一到埗就走去熊本城,所以今朝早小小嚮附近行下先



遠睇好似商業大廈


原來係住宅


遠睇好靚

其實爛溶溶
越行越熱,差不多要去巴士站,經過熊本站,都唔知要裝修幾耐


等咗幾分鐘後,巴士到啦,排隊時我拎張車飛出黎,聽到排我後面果對港男對條女講:死啦,乜要訂位架,唔知比唔比上車呢?好在司機比佢地即時買飛上⋯⋯咋
因為架巴士行多幾個站時越上越多人,但都無滿座.
車外風光




唔知係咪阿蘇火山?
(Day2未完)

上兩個禮拜去熊本又係食火之國定食

去高千穗要訂位？
我都係就咁上ja

訂位好D,又唔洗附加費嘅,仲好似買小小

(Day2續 )
巴士去到高森站會停留十零分鐘,比人去下廁所,買下特產。
12:30去到高千穗,一落車行去酒店check in先啦
今日住哩間

一入大堂,有個男人坐嚮到講電話,應該唔係員工啦,見到有部𨋢,上兩層,見到D房門開哂,即刻落返地下大堂,以為去錯地方 ,個男人大叫一聲,有個阿叔行出櫃面,大家確認返,登記同比錢後佢嚮個木架上拎條鎖匙比我,我見木架上除左我個名外仲有其他人名,咁我都定D
佢仲帶我上房睇,但一睇仲未打掃完就大聲問阿姐^%#^%&^#$,之後阿叔叫我三點後先返黎
落到樓下佢送埋我出門口,教我點去高千穗峽,講埋有幾遠,最勁係,全部講英語
不過我一早plan定去坐火車仔先



行到去,13:40分班車已滿,下一班有位 ,買完飛,出返去行下,就睇到上車啦.


目送完周圍行下

埋條引水道由山嘅一邊流向另一邊

頭先影火車條橋
附近行咗陣,就入站內睇下





入面有紀念品買,又有嘢食
上車啦

手快快撳錯掣

一入隧道就整D咁嘅嘢,初初睇D人嘩嘩聲,再過多一兩條隧道就靜英英 ,不過一入隧道就凍好多.


天岩戶,其實我想去哩到多D,可惜時間唔夾,希望下次由延岡過黎會去到啦





司機啊叔嚮山谷上停低咗,開始講解下啦,我地就可以企起身影相
講到好感觸,另一邊個司機係咁放肥皂泡

行多兩埗到閘口,另一個司機就揸返轉頭啦

返到站,影多張先

再行入去睇








坐完車,行返酒店見到有餐廳仲開緊門,即刻入去

果陣都兩點半先食晏晝
(Day2未完 )

中華航空 唔怕炒機

怕架

(Day2續 )
食完嘢啱啱好三點幾鐘,去酒店放低D嘢先,即刻行去神社






祈福黨出現




今晚先入黎睇

可惜都有人用閃光燈




行咗個圈就出返大路,直指高千穗峽啦

一行出門口見到有個男仔踩住單車由對面馬路上黎,我估係由山峽踩返上黎
沿路春秋色


落完斜路,一個又一個彎後終於到啦,一陣行返上黎點算好






紅葉呀

鴨仔開心游水,遊客開心影相
一場黎到,當然影下D例牌景點









我都唔知自己行到邊



沿住條馬路行會有條樓梯落返峽谷下面,唔落樓梯就會上返落斜彎路前,當我見到又要落斜時即刻點頭行返樓梯落峽谷




景多兩張相,買幾盒手信先 ,㨂手信時個店員用日本講句嘢,見我無反應就用國語話:收五點呀⋯⋯ ,知啦,拎多盒,比錢,走人,關舖
(Day2未完 )

(Day2續 )
辛辛苦苦由峽谷行返上市內,已經係五點幾鐘,天已開始黑,一路行一路諗食乜,最後都係快快趣走去一間大型超市買飯盒拎返酒店,放落雪櫃
今晚間房


間房都幾涼,但無開冷氣,有開抽風機,好嘈,想開暖氣,仲嘈 ,當我仲研究緊時突然聲到音樂聽
咩音樂我唔記得咗,音樂停後有幾下好似寺廟響鐘聲咁 ,望下個電話,六點鐘,鬧鐘聲啫⋯⋯但個鬧鐘呢???
唔理啦,早小小行去神社,驚要排隊買飛,去到都無人,落返去行下藥房囉
柒點鐘,開始買飛,開始時得十零人,買飛時用日文問我一大輪,唔知講乜,就用英文問我邊到黎?香港?OK比咗哩張紙我

全靠哩張紙我先知個表演講乜
買咗飛,即刻入去坐,好在拎條大毛巾墊住坐,以為人唔多,點知無耐有班鬼頭,跟住就越來越多人,多人到要叫我地再坐前D

開場前二十分鐘.坐後面D人點睇呢
開場啦,有個阿叔嚮臺上講一天輪嘢先,跟住開始表演



我坐第三排都會比人遮住

節數表演
第一幕


第二幕



第三幕





最後一幕

聊仔

拉開

拍頭

聊女

死佬呀

拉開

飲酒
最後酒後活動
完場行返酒店,諗起好在無食飯,要坐地下兩個鐘,腳都痺埋,又要頂住個胃
九點幾先食晚飯
(Day2完 )

唔玩船仔

(Day3 )
今日返熊本,住博多
又係瞓得唔好,夜晚寒氣由地面升上,越瞓越凍
嚮房入面執嘢時又聽到音樂聲,音樂完後又有寺廟鐘聲 ,原來柒點鐘,但個鬧鐘呢
Check out後一出街⋯⋯嘩⋯⋯大霧到呢


又行返去神社度


見寺入面D人掃地,準備開舖,升旗⋯⋯


行咗陣落番去,門口附近見到哩樣嘢

其實幾核突
返去巴士站前附近亂行一陣後入站內休息室坐,等巴士到。

巴士站locker唔多,聽聞對面觀光協會有得放行李,但我無入去,
巴士到站,小貓數隻上車,篇我坐第一行,好在唔頂腳
當日星期日關係,馬路上落斜時驚見路霸


落斜加上車速快又係單綫行車,巴士無得扒頭,落完斜後大家分道揚鑣
無耐驚見電單車黨 ,架架電單車都𡆀𡆀聽,司機有型,車型有款,但大家都有一共通點⋯⋯就係有禮貌
個個一字直排,睇到司機讓路比佢地時個個點頭回禮,咁先係駕駛態度嘛
巴士到熊本交通中心諗住搵locker放嘢,滿哂,無所謂,行上熊本城隔離嘅城彩苑
裹面個遊客中心有大量locker放嘢,仲要免費嘅,有大有細比你㨂,放一個100円入去就得,拎佢條鎖匙開鎖就比返錢你 ,我直頭用咗兩個櫃放嘢
嚮城彩苑買下手信放埋落locker到見到有免費巴士去二之丸,有免費車,當然上啦
相隔一年又返到哩到,熊本城修復咗唔小地方





附近唔知有乜活動呢?


著得好靚好Q
(得啦,自首先 )
哩到上年無得落,直家可以重下觀賞





睇人裙底最開心



行完後去商店街行下先
先見哩隻嘢

後見哩隻嘢做宣傳




行咗陣頂唔住肚餓,上樓上食個烏冬先

自助餐型式經營,果兩碟餸自己夾,碗烏冬有manu,即指即淥番熱
三個日本女仔一個墟又一例證
食完商店街外圍行,感覺好像繁華背後嘅黑暗面咁
哩D免費嘢我邊敢去呀
行到咁上下夠鐘搵部長啦
我好似入咗大廈後門嘅

到啦,二點二十分黎到,座位比人霸哂 ,咁我四處睇下啦




ofo都有埋部長


表演前半個鐘,唔坐底就要有排企啦

突然有班台灣旅行團衝入場

聽到導遊同佢地講仲有幾多分鐘開⋯⋯可能佢地覺得耐,又多人迫,咁佢地就出哂去,但過無耐有D人又入返黎
仲有十五分鐘後開場

開場前有兩位阿姐講D注意事項先⋯⋯
首先日本妹講嘢,跟住隔離個大陸妹用有劵脷嘅煲冬瓜講嘢
揸牌係日女,揸咪係大陸女

睇返相先知影成咁
出場

小朋友同家長坐第一行


大show身體語言又跳舞


表演完後同小朋友影相,同時亦有人舉起不準拍攝個牌

散場後行返去城彩苑.
又影下外圍先

主公

(Day3未完 )

唔想死

(Day3續 )
睇落同上年差不多,但封閉範圍細咗,算係唔錯啦




城彩苑隔壁


返去遊客服務中心,拎返兩櫃手信(同埋兩百円)後坐市鐵去熊本JR站,行返Day1住嘅酒店拎返行李,即坐去博多.
去到博多嘅酒店Check in後坐地鐵去天神,行Big Camera,之後返博多食飯.
唔知點解叫咗哩樣嘢,好似manu無相得日文字,總之係亂點


(Day3完 )

(Day4 九年庵,大善興寺,祐德神社 )
今日要標埋時間比大家睇啦
由於九年庵每年只開放兩次比人睇櫻花同紅葉,而佢只有9日時間開放睇紅葉,今年(好似係每年)開放日係11月15-23日,而我係19號星期一去嘅,咁啱避開星期六日嘅人潮
但其實都好多人
(07:35)博多至新鳥栖(07:47到), (07:55)轉車去神埼(08:13到)坐(08:20)巴士去九年庵
神埼站對面有臨時巴士站比大家搭車,排隊時好小人。



車上有地圖點你去買飛地點

一落車就有人指揮交通

行去空地黃色帳篷買飛,同時亦有大把嘢食,但我無去睇



買完飛佢會比一袋嘢你

入面係講附近有乜好去處
沿路上去都有好多嘢買



入園後人唔多,以為可以慢慢行,點知十幾分鐘後周圍都係人








間屋唔比人入去,覺得幾嘥,D人坐哂嚮個門廊













隔離係仁比山神社




未去到已經聽到叫賣聲不斷






本來無乜人拜神


有得抽獎,每個二百円





突然多人到要排隊







向猴子淋水#






去完九年庵,原路行返去巴士站,睇到又有免費嘢睇,當然唔執輸








返到巴士站,啱啱好10:05分臨時巴士到,坐返去神埼站,等火車去基山站去大興善寺
(Day4未完 )

(Day4續 )
去完九年庵搭巴士返去神埼JR站,仲有大把時間先有火車去基山,但附近又無嘢行,唯有落月台坐
坐坐下電話驚唔夠電,拎個尿袋出黎,但條線呢?
留咗酒店房,好在我有帶ipad啫,唯有一陣用黎影相
搭火車到基山,仲有大把時間先有巴士黎,附近又係無嘢行,又係坐囉
大興善寺全年開放比旅客遊覽,但每年四月尾至五月初會有臨時巴上車人賞櫻,同埋11月17至25日車上去睇紅葉,另外睇紅葉日字個星期六日,同埋下一個星期五六日夜晚會有夜燈睇,所以要特別留意參觀日字同埋巴士時間表
車到啦11:40分準時開車


好小人上車,話咁快就到啦
無人指揮交通,同九年庵完全唔同情況,哩到清靜得多,沿途都有舖頭買嘢食。
行一陣就到啦,樓梯?放心,陣間仲多


穿過門口就到啦,哩到免費嘅









地下放嘅籐籃呀,竹筒呀,係夜晚放燈用嘅,夜晚黎應該仲靚,可惜我時間唔夾




參觀得咁開心,輪到寺方開心下啦,一係回頭走人,一係比錢入內

放底錢後入去





好多樓級上上落落,又要拎部ipad影相,都幾煩








上黎途中有個地方會有馬騮表演睇,但我唔中意所以無睇
上到哩到啦



行返落山



返到山下原路行返巴士站等巴士,等車時local旅行團殺到
我就攰死咗
嚮基山火車站見到哩樣嘢.


基山坐JR去鹿島

鹿島火車站過條馬路就到巴士站啦,等巴士去祐德神社
巴士站古色古香


三點幾鐘到埗,好多舖頭閂哂門,唔通我太晏?




行下四周圍先



再入去



一陣先上去,慢慢行下地下先







有菊花展,有D幾靚
諗住搭𨋢上去,點知上面收四點, ,都仲有幾分鐘先到四點,做乜閂燈鎖門呀
我聽日再黎過
搭JR去長崎,沿馬路行一陣



返去車站食飯


食到咁上下望下時間,就快有車返博多,嗱嗱聲食完埋單,點知有個新仔招待我
趕時間架⋯⋯搞掂即刻衝去劃指定席,上咗車,點知班車delay
九點幾十點先返到博多

(Day4完 )

篇嘢無人睇，咁我每星期先打一日遊記啦⋯⋯