[Netflix]The Final Table (煮到最後) 好好睇

尋晚開Netflix果陣推薦呢套嘢，一睇睇到停唔到
烹飪比賽嘅節目唔可以唔提Master Chef嚟做比較，Master Chef主要一堆Home cooks喺比賽入面過五關斬六將，當中一大亮點係Gordon Ramsay性格火爆，成個節目娛樂性好豐富
我原先以為睇唔咁多季嘅MASTER CHEF，已經冇咩烹飪節目吸引到我，但我睇完覺得THE FINAL TABLE係更加好睇
同MC唔同嘅係，嚟得TFT參賽嘅，都係啲實力相當嘅專業廚師，當中好多廚師都有自己嘅餐廳，米芝蓮一星、兩星、澳洲三帽 blah blah blah...
好鍾意TFT一句：我地呢到贏咗冇獎金、甚至冇獎盃，淨係為咗喺最終決賽佔一席位
一切都係為榮譽而戰（當然贏左就都係為名利雙收）

比賽制式係每次去唔同嘅國家，用當地嘅主食、食材嚟決一勝負
第一回合係限定咗菜式，由當地嘅名人、食評家嚟做裁判，稍為遜色果三隊就會進入下一回合，淘汰賽
第二回合係限定咗食材，裁判亦都嚴格得多，係當地嘅國際級名廚

我覺得好睇嘅地方係，係啲參賽者嘅水準十分高，真係見到強強激戰，好多時啲勝敗差距只係好微小，輸咗嘅人都可以話係雖敗猶榮
其二係做評審嘅名廚都甚有名氣、才華，西班牙果間世界排名第九嘅主廚令我印象好深刻，佢間餐廳每年話會有四個月唔開，喺到研究新食譜……WTF……而且佢去試食嘅時候十分精細，烹飪過程中已經迫不及待要試食，言之有物，個感覺好似一個學者探究美食

冇人睇？

有Gordon Ramsay 做？

冇 風格唔同

我都係一開就坐定定睇咗兩集
個個廚師都好勁，高手過招

Btw
有個喺香港有餐廳，好想去試下

香港呢個名喺成個season 1出現咗好多次 個數量應該仲多過新加坡果啲，令我好驚喜，無疑喺對香港做咗次宣傳
好多大廚都有喺香港開餐廳
仲有啲喺香港住咗好多年

不過我又諗，雖然香港係美食天堂，你話搵啲咩名人、名廚夠資格上到TFT呢個節目到，我又諗唔出
唔通真係請謝檸檬上去咩

唔好話香港，我諗中國唔係好夠班，唔係話中國煮嘢唔好食，而係唔國際化
TFT其中一站係去日本，整懷石料理（諗起呢個我有啲惋惜…如果你有睇到去日本果集，你會明我講咩），獲譽為唯一可以稱為藝術嘅料理方法
而且話日本原來喺2013年取代咗法國，比佢有更多米芝蓮星級餐廳
中國有邊啲料理可以上到國際舞台？孤陋寡聞，真係想像唔到
期待第二季會用中國做其中一站，叫班鬼佬整麻婆豆腐之類嘅嘢，睇下佢地咩反應

日本個料理鐵人賽 <- 係咩節目黎 ?

第二字 得殘體字幕 即刻唔想睇

第二集

睇緊第二集 正
想問邊個係香港有餐廳

第一集個老墨大廚

我之前都report咗 大家都一齊report等Netflix快啲處理

仲有澳洲大廚Shane都有喺香港開餐廳 喺個節目入面話岩岩先拎左米芝蓮一星

喺咁話自己同總統、教宗煮過嘢食喎
個尷尬程度直逼關家姐

仲以為係我問題, 較極都係殘體字

想問下apps有冇得report?

睇左陣。 美國叫人煮南瓜果位。 真心覺得佩服

應該冇

有無巴打有睇過the great british menu

為咗展示閣下優秀嘅語言能力，不妨嘗試下可以用咩詞彙代替
比起叫人食屎，我諗你可以更有文化一點
你呢種人最愚昧嘅地方，就係大陸人用過就一概不用，甚至禁止其他人用
呢種思想其實比所謂「蝗語亂港」更危險，同紅衛兵差唔多