有冇人分左手係成功復合到？

你等佢果段時間都有keep住搵佢同佢聯絡？

咁佢覆你果啲係點樣架 ok友善咁好似朋友咁你搵佢佢都必覆 定係好冷淡...

我都係咁
得我單方面搵佢

係，好難受。
每日都可以有好多嘢勾起回憶，我會即刻轉移自己視線唔好再諗住佢。
唔係我已經放低，係我唔想心痛。傷口仲有好漫長嘅時間都唔會好，我而家點痛點落哂形佢唔會知，知都唔會有感覺，只有自己承受。

係 回憶每日都湧出黎
所有野都只可以自己收係心入面

絲打，我奉勸你唔好咁做。
我曾經會用盡方法stalk我前度，只係會令自己辛苦，亦會令對方更討厭自己。其實仲有無希望，過一段時間多少都會有所覺悟。適當時候唔好再俾自己執迷不悟。
對方去意已決，唔會因爲你放唔低而重拾當初嘅感覺。即使回頭都好難有完滿結局。

我同ex分手之後一段時間佢都無乜理我，有一日我都send message同佢講我一直無放低，情義仍在，今後佢有乜問題，我都會盡心盡力出手幫忙。結果都係無覆我message。後來我去佢屋企樓下等佢，咁啱佢男性朋友送佢返屋企，兩個異口同聲話大家再無關係，唔好再日日喺屋企樓下等佢，攪到前度每日返屋企都驚，仲報埋警。

一齊去過嘅地方，睇過嘅電影，聽過嘅歌，仲有好多好多瑣碎嘅嘢都可以觸動到。諗返以前固然痛，唔制止自己，再去幻想佢而家有無另一個，等等等等，仲痛...

同上

前度冷待自己有幾辛苦，呢度咁多位巴絲都受緊。仲愛一個人好難長時間無視對方。

明知有人等緊自己，漠視會令對方幾難受，無理由想像唔到。超過一個禮拜唔覆你，都應該做好最壞打算。

希望仲等緊前度回心轉意嘅各位，要不得償所望，要不盡快復元。