有冇人分左手係成功復合到？

我都有類似情況，報左啲活動一齊參加

愛人有新歡了
早死早超生

第三次復合啦
三次都係佢講
三次都係廿四小時內佢話復合

More pls

呢個post仲有冇人

有咩幫到你

因為我地上星期嘈交，之後佢叫我冷靜下，頭幾日我都有去講啲說話挽留，打下文咁，但我啲朋友就話比大家冷靜下啦咁，之後我就冷靜到琴晚就再發左段我冷靜咁多日諗既野比佢，點知佢都冇覆我，我再追問可唔可以出黎食個飯咁，佢話食飯冇必要了吧，我就話當比我最後一次見面留個回憶，佢就話覺得不用了吧，最後我先話三年感情我接受唔到你係文字同我講分手，我話最後請求見個面得嗎？佢就話見個面有什麼用嗎？我先話我想聽佢親口講分手我先想死心，然後佢就打左一段野比我。

我所有要講嘅都講曬了 我唔再愛你 想同你分手 都係鐵一般嘅事實 即使你再不能接受都要接受 其實你依加可以做嘅都無咩可以做 即時再點樣挽回其實係無咩作用 因為錯不在你 而且親唔親口講都無咩分別 只係你不能面對 事實就係事實 我覺得暫時短期內大家都不要再見面吧 所以你聽日都唔好等我放工 我都唔會同你去食飯 再咁樣落去你都只會係放唔開 我知道大家都需要啲時間去接受

我想知係咪已經冇機了？因為我想去搵佢放工，當面睇下佢既感覺同表情。但咁樣會唔會有反效果

100%非帽

佢講到咁就放手啦
都唔好再搵佢啦，你見到佢冇預期嘅反應，或者甚至見到拖住新仔咪仲傷心
佢唔愛你喇

我真係接受唔到佢連分手都唔肯當面講，我唔知佢係咪驚心軟我挽留佢，佢有問過我心軟一齊番會開心咩大家咁

我個時都有試過分左手之後接佢，但淨係試過一次，因為接完佢同佢傾完就明白真係要完
巴打或者你接一次囉，可能會更加明白要死心

佢肯同你傾唔係已經唔錯嗎?
我怕見到佢仲加反感令佢

其實佢初頭都係whatsapp 講分手
然後我係咁叫佢不如出黎傾下，佢一係唔應一係就話冇野好傾。過左一個禮拜我頂唔順，去接佢但佢同佢啲朋友一齊，我就係街到等。佢初頭都有望到我，個眼神係好唔捨得。等到佢啲朋友走左，我就行埋去佢到，但我發現乜都講唔出，因為到呢個地步都冇野好講。最後我送左佢番屋企，途中都係交換下大家嘅近況，然後我自己番屋企個陣就因為接受左真係要分開，所以係van仔喊到收唔到聲。巴打如果忍唔住就去搵佢啦，但呢啲野一次就夠，得到自己要嘅答案就要自己面對。

復合左
但好辛苦
對方冇乜點改變
得自己一個係咁盡量就
有問題、唔開心果陣唔敢講
忍唔到既時候一講起又嘈交
好驚又再分多次手

復合難 但原來復合之後既維繫仲難呀

Ps 我係被分手 挽回人果個