有冇人分左手係成功復合到？

巴打加油
另一半太出色 自己可能會有d無形壓力
但我想問下分開既原因係？

你地分開左幾耐？
會唔會係未冷靜完先咁講....

//我有啲好重要嘅事想同你講。

我翻來覆去咁樣諗我都係想同你分手。不過首先要感謝有你陪伴嘅日子，我知道你對我真係好好。

其實呢個決定我已經諗左好耐，我覺得我哋係兩個世界嘅人。你需要嘅係穩定同埋安全感，而我系一個好唔穩定而且亦都比唔到安全感你嘅人。呢個其實我接受唔到，雖然冇要求過你去改變，我自己亦都有試過改變，但係就結果而言，我認為係唔成功的。

為大家改變嗰度，我認為自己已經盡左最大嘅努力而我係努力到非常辛苦，我對呢段感情已經好心淡。

而我相信你都感覺得到，所以我想放棄，我唔係冇俾個機會大家我諗你都知，但係就係因為三番四次都失敗我先至會覺得我哋係唔適合對方的，所以我真係想放棄。//

係，佢生日可能會同佢講生日快樂，同埋問下佢最近點，如果佢唔係hea覆嘅，就可能約出黎食餐飯
但我決定唔再好似隻兵咁問長問短

係 唔好問長問短
佢可能覺得無必要同你交待
我依家都係噓寒問暖1,2句算

幾日
你見佢完全變咗第2個人就知無希望
話就話再見亦是朋友
但一見面個樣直情當你仇人咁

中一一齊 中二分手
中學畢業後一年聯絡返
復合到而+第八年

我都想復合
我啱啱被分手兩個月 好想佢返返黎我身邊
真係好掛住佢

巴打加油
可能佢遲d會改變諗法呢

哇睇黎你地真係好愛對方

好正面既例子
祝你地永遠幸福快樂

除非你好愛佢，佢又好愛你，唔係既話都難啲

咁都可以keep住傾啊 但如果對方唔係成日會同身邊嘅人傾心事嘅話 咁就可能難啲知道佢最近嘅諗法

但諗下係咪真係值得等
當局者迷
出面大把人好過佢

係，我都有keep住問佢野
佢有時會隔一陣先覆，有時會秒回
所以我啲朋友都話其實仲有機
但我諗分開呢段時間都係需要，所以我唔會急住要復合，我會慢慢慢慢俾我嘅轉變佢睇

以前我都係同你一樣咁on9
係咁上網問人點樣可以復合
睇文章點挽回
其實真心一句,分得手代表有一方頂唔順
你地根本無辦法解決到呢個問題
你話會改會就佢
講句唔好聽,三個月內一定打回原型
復合左一定會有一方係委屈自己
而另一方唔會珍惜,久而久之到最後都係一樣
分手收場

巴打佢肯keep住覆你我覺得好好啦
我依家係對空氣講野

係，所以我亦都唔會想咁快復合
如果佢而家話想係番埋一齊，我都唔會應承
因為我會變得好不負責任，正如你所講，一定會打回原形。
反而呢家呢個狀態係可以俾我同佢反思我地嘅愛可唔可以包容到對方嘅缺點，並唔係話盲目咁去改變自己，因為咁嘅改變一定唔會長久

好掛住佢，分開咗半個月，好想佢翻嚟
分開係因為太Chur佢 唔係因為第3者問題分開，
分開之後有同佢講想一齊翻，但佢就已讀我
有同佢啲朋友傾過，但都唔知佢依刻諗緊咩，好怕時間真係會沖淡一切，好想開口同佢講我仲好愛你，可唔可以翻嚟我身邊

呢啲野急唔黎，要忍住。我呢家有時都會問多左，要隔半日再同佢講句野佢先會覆
加油巴打，盡量填滿自己嘅時間，番工，做下運動，約下朋友。再唔係咪自己行下街（利申 做緊 ）。

呢排一唔開心，一諗起佢，就好不自覺咁行翻同佢有回憶嘅地方，一邊聽住頹歌，一邊諗起佢

我同佢一齊左3年，基本上好多地方都去過，所以我會控制住自己唔諗，如果唔係就每去一個地方都崩潰一次

聽歌係好，但唔好愈聽愈頹呀，泥足深陷冇意思架，佢唔會可憐你

多謝巴打
我都想控制住自己，希望可以
亦希望大家另一伴可以翻自己身邊。

Btw呢排Loop緊百年樹木，每次聽都好有Feel