有冇人分左手係成功復合到？

我明呀 我都唔需要再聽到太長遠既承諾
咩一生一世 被背叛過一次我都唔會再信
但呢一刻明明佢想追番我
但又感受唔到佢對我有幾堅定
係有感受到愛 但比起以前既佢 變到好輕浮咁
最後變左好似係我需要佢多過佢需要我咁
就算仲好鐘意佢 我都覺得唔係ready可以一齊番
兩個互相都愛 但又唔可以好好一齊番 好諷刺
我只係想如果我地將來有問題
你唔會選擇逃避 唔會再掉低我

個陣時咩原因分手？
我覺得如果拍拖唔係以結婚為前提，拍黎到蹝氣
不過可能佢唔識表達佢對你嘅愛姐，呢啲野要慢慢黎，如果你包容到或者佢肯做，咁段關係就維持到。
（我就係因為懶同埋唔識做所以女朋友頂唔順就分手）

紅字巴/絲打？
我而家嘅難題係點拿捏了解到佢嘅生活又唔會chur佢
介唔介意分享下你用緊咩方法？

佢而家係咪做左好多同你一齊既時候相反既野？

唔知
佢唔post野的
但感覺佢同之前生活無大分別

咁俾時間大家冷靜下，佢又無第二個

多謝巴打咁認真覆我

後期我地相處有磨擦（當時有工作伙伴關係） 我又因為做野好大壓力 抽離唔到工作壓力好情緒化 可能加埋一齊耐左無曬熱情同新鮮感？ 佢覺得同我一齊好攰 就開始疏遠我繼而分手 後來先知個段時間佢鐘意左個女仔 算係佢個刻逃避問題既水泡 最後無一齊 佢再沈澱左一段時間先再搵番我

佢真係個種唔識表達內心感受既人，所以通常都係將我既感受話比佢知，等佢回應唔會逼佢。但至少比佢知道我諗法，同我都會成日開解佢想幫佢多啲

不過最hurt係佢話：如果以朋友身分留係我身邊保護我會唔會更好，佢唔想再傷害我。明明又係你話愛我想追番我，但需要有責任時你就逃避？ 我真係睇唔透⋯

最後我喊住叫佢諗清楚自己想法先再搵我。其實仲好鐘意佢，要推開佢真係好心痛好唔捨得，但一直咁樣曖味落去我又好辛苦 唉，唔知呢個決定做得岩唔岩 我真係比左好多機會佢，到底佢要幾多時間先會發現自己係咪真係好愛我好需要我？

你會唔會有機會同佢見面？
例如工作，活動個啲

雖然我個case都未係成功復合到 因為我唔想為一齊而一齊 想之後都可以有信心走落去先一齊番 又愛佢但又唔接受呢一刻既佢 可能有啲矛盾 sorry

但佢番黎之後 傾計有講過：
如果分左手我仲係咁死纏爛打 佢應該唔會之後自己主動番黎。因為只會覺得我更煩。反而因為我block曬佢，佢唔知我過得點，會擔心我會諗起我，再經歷左啲野最後佢發現佢第一個諗起既人都係我，所以佢再番黎搵我。

我初初個陣都係咁挽留好痴情咁，話會等佢，但其實真係會諗番你著緊你，我諗你盡左力表達你係好珍惜佢，之後你就算唔做啲咩佢都會醒覺自己對你既愛。但一唔一齊得番就係之後既決定。

希望我既經歷都可以幫到咁多位巴絲

唔約既話 應該無機會

想請問唔chur既話其實女仔會點諗?
會覺得你既然都唔chur即係唔在意，咁我可以放心move on
定係好似你個case咁會諗起佢 想知佢過成點

我仲諗緊會唔會打得長左啲
絲打，我同你男朋友應該係同一類人
老套啲講句，真係愛可以克服一齊
唔係話選擇分開就係唔夠愛
但如果分開係唯一令兩個人都夾到嘅話，未嘗唔係辦法
當然分開左就一定有機會係永遠疏離，但係如果係咁嘅話，其實就證明左兩個唔夠愛或者唔夾。

我嘅情況就係咁，我有好多事都習慣左收埋自己，因為都習慣左自己一個人，就算同佢一齊耐左，我都改唔到。
最後佢忍痛分手，男人係犯賤，往往要到失去左先會珍惜，分開呢段時間可以令大家沉殿，男人亦會諗你係咪就係過人世果個。

幾多時間真係話唔埋，最後可能開花結果，可能你有你生活，我有我有忙碌。但如果你覺得唔開心嘅，選擇分開係你嘅權利，唔係錯，長痛不如短痛。

聽到絲打你話要分開都會唔捨得，我有少少感觸，因為佢同我講分手係好冷靜，而家同我whatsapp傾計又好冷淡，不過我知道佢內心其實好唔捨得我，佢冷淡都係忍住痛要大家都成長

其實小弟都係啱啱分手，但呢啲就係呢幾日沉殿得番黎嘅反思，絲打有咩都可以講，我都想聽下多啲人嘅經驗

巴打都係move on啦
我諗住俾自己最多頹到星期一，之後就會接受現實了，始終日子都係要過。如果負面情緒浮上黎，我會聽歌同埋一個人行下街，出街望下人個人冇咁頹的

好想復合到

如果move on係指搵第二個
我就唔會住 我想等佢
但我都唔會俾自己頹 我想重新吸引佢

呢到好多巴絲都係，一齊加油
You are not alone

唔係指搵第二個，係習慣冇左佢嘅生活
要習慣冇左個人陪，加油巴打

搵佢又唔理我
但唔搵佢又驚以後都唔會再見

習慣緊
大家加酒

重新吸引多一次佢既機會大唔大？

慢慢黎啦，唉
最緊要唔好逼佢，佢想覆自然會覆
呢啲野係需要時間，第時嘅野無人知，活在當下啦

飲酒好呀，飲完就訓得著

我都想知
但睇上面巴絲嘅分享，係需要一個契機
但呢啲就冇得強求，老套講句係天安排

打錯 想講加油