有冇人分左手係成功復合到？

我依家唔夠擔聽情歌同去同佢去過既地方....

同ex一齊4年 散3次 復合2次 最後一次佢以為我都會好似之前咁翻翻黎 所以算啦

介唔介意分享一下隔幾耐復合一次

同問 介唔介意分享埋分開既原因係?

只要你試過因為一次分手而成熟
你就知復合係冇用

你指同對方仲有聯絡？如果有嘅話都仲有機嘅 我就一直單機喇

我同ex拍拖初期佢就係咁，後尾戒咗。不過佢剛烈嘅性格無變，好多時好難理性傾問題。好啦，後來佢迫到我無空間解決，我嘈分開唔理佢想佢唔好耍脾氣，理性返落嚟，反而佢就覺得我好唔應該。

係因為佢認為自己早期嗌分手，唔係認真要分，但每次我要喺佢屋企樓下等佢幾個鐘，block我IG、FB，唔聽電話，都唔少次... 但佢放任自己脾氣攪到大家傾唔到，我嘈分手，就話喺佢戒咗之後大家有共識唔再可以講分手。同女人溝通好難求理性同公道。

分手佢講 復合佢講 再分手又係佢講
解決咗當初分手既原因先好再一齊 唔係既話肯撚定會再散 一齊番都無意思

收到

復合左都會散 係唔岩既就係唔岩
利申：散左比人求復合 心軟左 之後再俾人飛

個人大咗 學識點理解同包容對方
無再好似細個咁好輕易將分手掛係口邊

多謝

有 但最後都係分翻手

絲打同我經歷一撚樣
佢地諗復合真係完全唔諗後果

復合條鐵咩
係啊 我係仲好鐘意佢啊
我係仲好掛住佢啊
但係性格唔啱就係唔啱
遷就過 傾過 試過去改
最後都係要分手
利申 剛分手一個幾月

當你想同對方復合嘅時候
請你諗下對方令你唔開心咗幾多次
又或者係你令人地唔開心咗幾多次
放過自己 放過人 下個會更好

第一次係因為大家未諗清楚就一齊 未準備好 隔咗一年一齊翻 我搵佢的

第二次係因為佢講大話 散咗一個月左右 我唔捨得佢搵翻佢一齊

第三次導火線係好小事佢發脾氣講分手 其實4年黎一直累積好多問題 大家都冇心解決 改完一排又打回原形 所以我放棄啦

分享咗啦 上面

有
但之前分係有第三者
最近大家相處得唔係咁好
雖然對方有付出但係好例行公事嘅感覺
不斷諗點解當初要一齊返 （復合左成年）

點解佢最後會想番黎

我岩岩分左手半個月，諗住等對方，但已經開始覺得等一個人真係好攰，絲打你仲要等左咁耐....

我個個話已經對我冇哂feel 即使係咁但我都係諗住繼續等 我話就話會至少等到佢有下一個為止 但等左個幾禮拜就已經覺得好辛苦 真係好掛住佢 好想揾佢傾計

我都等緊
絲打同ex仲有聯絡？

係，會消耗意志。我依家已經有啲覺得如果對方係夠愛你既話就唔會捨得你唔開心，一路望住你等佢都無動於衷。

我仲有同佢聯絡，不過係一日一兩句，冇乜意義果啲。佢當我係普通朋友咁淨係夜晚先覆下。

由情人變陌生人個種感覺真係