《我還是救護員的日子》[假人真事+你問我答]

照我觀察，通常差唔多退休前嗰幾年先上到，因為總隊目既位唔多，要等人退落黎先有得上位。不過好睇每個地方既人手同年齡層。

十幾廿年...都好基本。

留名

轉部門
你今日出班，聽日辭職都得架，有啲人操操吓消防轉救護都有，操操吓救護轉其他都有。

紀律部隊做夠三年，即過咗試用期先轉，一年內可以選擇轉翻原本個部門。未做夠三年走去轉，就無呢支歌仔唱。

轉部門，試用期好似重新計過，即三年又三年。

仲有 救護去車 燈燈燈燈係由高音去低音
消防靠係低音去高音

先係

留名
見親d救護員哥哥都好高大威猛

消防係低音去高音「燉凳鄧登」，救護係高音去低音「登鄧凳燉」。

有時會無音，得著燈同廣播，因為個鐘壞撚咗。

我見套劇救護都係低音去高音，佢錯

本身細個夢想

lm

==================================================================

病人係一位年約80歲既婆婆，由於佢係獨居老人，所以係佢自己打電話報案，亦都係佢親自開門俾我地入屋。

去到現場，我地立即為婆婆進行一啲基本檢查。

「Pulse 87…SPO2 98… BP 176/92… Temp 36.3 」輝仔一邊進行檢查，一邊將結果讀出。而益哥就將以上既指數抄喺紙上面。

(假如唔記得拎工作紙，我地就會好不羈咁抄喺隻手套上面。但我試過幫手抄完之後，轉過頭唔記得上面原來係寫咗嘢，見對手套有啲污糟，然後除低掉埋…不過唔緊要，咪再檢查多次囉。)

「阿sir，我啲指數正唔正常啊？」婆婆問。

益哥回答：「除咗血壓高啲之外，其餘都正常啦。」

「我有無發燒啊？」

「無喎，體溫正常喎。」益哥問：「除咗頭暈之外，仲有無見邊度唔舒服？」

「無其他唔舒服喇，剩係覺得頭好暈…」婆婆一直用手輕搥前額。

「幾時開始架？」

「今朝一訓醒就好暈。」

「有無食早餐？」

「剛才食咗啲粥，但唔係好食得落。」

然後益哥示意我地驗埋血糖，於是我就幫婆婆拮手指，因為無食嘢而頭暈都好常見，但血糖機上所顯示既讀數係6.7。

「血糖都正常喎…仲靚仔過我。」益哥：「好啦，同你入醫院檢查吓啦。」

然後，我扶婆婆坐上我地所帶備既救護車輪椅，準備送婆婆入醫院。

點解唔用床，因為張床連升降機都入唔到。邊啲大廈入到床，邊啲入唔到，真係要有經驗先知。

其實頭暈既原因可以有好多，血壓高或者血糖低都會引致。嚴重啲既，頭暈亦都可以係中風前既跡象，所以無得估，最好就係入醫院作個詳細檢查。

況且，叫得救護車一般都係想入醫院俾醫生檢查吓，雖然呢個世界上總係有例外。

上到救護車，我地會俾婆婆訓喺床上面休息，然後開車將佢送去醫院。

去到醫院，幫婆婆辦好登記手續之後，院內既護士姑娘會接手處理，而我地既工作亦都完成，救護車會駛返去救護站/消防局，等待下一次既出動。

可能你會問，乜救護員既工作睇落好似好簡單？

其實唔係，因為每次遇到既案件都唔同，只係今次既個案係普通頭暈，而病人既身體無出現任何特殊既情況，我地既設備同埋技術都幫唔到佢啲乜，除咗俾吓氧氣，同埋架車唔好開得咁快咁搖。當然，救護車開得慢唔止得呢個原因。

若然要作進一步既治療或者檢查，必須入院交由醫生去處理。

好想識救護員

救護員究竟喺社會上飾演緊一個咩角色？

試想一吓，假如有人喺街上面受傷，當係骨折或者流血不止，醫生護士係唔會有可能去到現場為傷者處理，除非佢地咁啱路過，但就算係咁，佢地都唔會有工具可以幫到對方。

所以係要由救護員將傷者運送去醫院，而過程中亦會為傷者提供初步既護理。

至於發生嚴重交通意外，天災人禍之類，救護員就會擔當拯救生命既角色。

基本上，救護工作可以話係屬於急救，喺任何有人受傷或需要救護服務既情況下，去現場為傷者病人提供治理。

==========================================================

救護日常：

Vital Sign，維生指數，包括脈搏，血壓，血含氧量等等…

學術上既嘢唔想講太多，但一般成年人既心跳會處於 60-100次不等(一分鐘內)，心跳過快過慢都唔係一件好事。做開運動既，通常心跳會無咁快。

血壓分上壓/下壓， 最理想當然係120/80。

血含氧量，最高最理想係100，一般人都有95或以上。

SPO2唔理想，譬如低過90咁，就俾氧氣，期望數字能夠回升。(氧氣當然唔係人人都俾，嗰啲A4紙割傷手指，睇落仲精神過啱啱翻完夜既我，點俾得落手？)

透過參考呢啲維生指數，去決定提供對方一個適合既治療，例如當血壓超出某個範圍，就唔可以俾一啲同心臟病有關既藥物。例如當發現對方原來有某種疾病，就要用另一種唔同啲既面罩去供應氧氣。

關於綠牌紅牌，盡量長話短說：

柴有分三柴，兩柴，一柴。

三柴係總隊目，即老總，正常情況下一隊人裡面只會有一個，兩柴會有幾個。做得三柴兩柴，都係綠牌。三柴對上就係兩粒花，即救護主任，一粒花未過試用期，過咗會變兩粒花，再升先係三粒花。膞頭越多花，個人就越仆街，不過都係有例外既。

綠牌即係EMA II (EMA = Emergency Medical Assistant)，每架車至少要有一名擁有有EMAII資格既人。兩柴一定係綠牌，但綠牌又唔一定係兩柴，因為個綠牌未輪到佢升職，升到職先會係兩柴...真係色即是空，空不是色。(關於升職同上course之路，又係大把嘢可以講。)

做夠一定年資，就會有機會去上course，上完個course就會變綠牌。綠牌有資格用到好多唔同種類既藥物，可以打針落藥。

綠牌有機會要做救護車主管。

但好多時都會見到綠牌係司機，因為同車入面已經有個升正既兩柴。

一個無兩柴既綠牌，就係處於一個唔上唔落既情況，主管又未真係輪到佢，但有時又會被安排去做主管。當另外兩個分別係一個三柴同一個兩柴，佢又會做翻最細嗰個，即車籠，當然呢種情況唔多，畢竟人手短缺。所以佢地又被俗稱為「萬能插」，因為插佢去咩位都得。

至於紅牌，只係EMA I，藥物方面既嘢基本上好多都無資格用。

假如問我綠牌同紅牌有咩唔同，我會答，係年資同級數既分別。仲有，當要叫下午茶嗰陣，如果要有人請，一定唔會係個紅牌出錢囉。

一柴就犀利喇，呢個人無升到兩柴，紅牌一名，但因為佢做夠十八年，部門會俾佢一條柴。由於呢個人年資深厚，呢條柴亦叫做「防撞欄」，防撞欄背後有咩意義，就要自己參透吓。

高汁

多啊，都有好多都成功例子。

做過前線既officer，份人會無咁離地，因為知道前線有幾辛苦。

未做過前線既officer，大部分都離哂地(係大部分，有啲係貼地既)。身為主任級數，但落到場啲嘢係唔識做，因為根本未掂過，有啲連新出班既都不如

多謝樓主解答 比著我轉左部門如果唔掂都唔會返原來個部門，返到去實比人玩死

都有啲係文質彬彬，書生型。

不過練大隻啲好，當見到啲幾百磅既肥佬肥婆，就會後悔點解平時唔舉多幾吓鐵。

未必既，見過聽過有人係咁既情況，之後都做得好地地，好睇你身處既地方有啲咩品種既人。

簡單啲黎講
冇做過前線嘅主任級落場根本乜撚都唔識又點樣指揮
做過就有經驗知點樣處理單case

exac7ly，一個無煮過餸/一年先煮得幾次餸既大廚，叫佢落場煮既時候，到底佢功架會係點，完全可以幻想得到。

指揮有邊個唔識，阿邊個邊個，同我打針俾藥；阿邊個邊個，同我搭部AED機；阿邊個邊個，去嗰邊處理嗰幾個傷者...

呢啲野，是但一個有經驗既三柴/兩柴都做到哂，使鬼阿主任你去指揮咩。

剩係「阿邊個邊個，同我處理咗嗰幾個傷者」呢個說話，我都可以寫成篇文出黎。但佢只係一句說話，講完。

叫阿主任即刻做翻出黎，佢都未俾識做啦。就算識做呀，佢既臨場經驗唔多，甚至係無臨場經驗，做得到都當佢贏，莫講話做得好。

新一批既主任要求佢地3年內就要學哂樓主講既EMA 2,之後就係office hour時間有限度跟車，跟車唔落手做都無人話你，因為你膊頭有花 ，跟左一段短時間時間車（一般1年度）就會揸架RRV聽台去揀call 做，個重點係⋯係有得揀call 黎做，夜晚凌晨過後就可以唔去車

做細既就要做餐死，返到局又要做呀sir 卑既局務先有卑你讀書拎綠牌，而呀sir佢地三年內就可以讀書，為既係咩？就係去找錯處，拎住d前線d書面報告去捉人錯處，捉得錯處愈多就即係有做野，咁既架構⋯做前線既有邊個會真心服佢地🤫

會落手做，但做錯咗又唔屌得，要細細聲提佢：「咦阿sir，好似要點樣點樣做架喎。！不如咁咁咁啦！」

我亦都見識過有個主任，喺一宗幾嚴重既交通意外當中，一邊落手做CPR，一邊指揮兩架車總共六個救護員做野，而且係非常有效率...

呢個真係專業，但佢做過前線。

樓主點解要走
之前守香港？

正確呀，雖然好似唱衰啲救護主任，但呢個係事實，部門既制度問題。

重申，係有出類拔萃既救護主任，但好少。