《我還是救護員的日子》[假人真事+你問我答]

救護升職快過消防

既然個規則係咁定，通常都會用盡呢十五分鐘先開車走…吊頸都要抖吓氣，咁搏有獎？

趁住呢十幾分鐘時間，搞掂哂正經嘢之後我地會喺車上面休息吓。

「而家十二點半，仲未食到飯，但已經五轉喇，做死人咩…」剛剛返回到救護車上既樂文師兄嘆氣：「不過好彩啲call好做，全部學生call，無乜嘢搞。」

「希望等陣順利返到局啦。」我望望手錶，距離無敵狀態時間結束仲有幾分鐘。

呢十幾分鐘，我通常會去小個便，去水機斟吓水，然後睇吓電話咁。若然車廂真係太過污穢，我先會落手清潔一下，譬如病人嘔到成地都係，或者搞到架車有血…

無敵時間結束。

開車駛離醫院無幾耐，救護車又再中途擊落。不過今次唔再係學生call，而係人事不省，地點係附近某幢私人屋苑。

我立即著起藍燈響號，示意馬路上既所有車輛讓路。

法例上賦予權力可以衝紅燈既車輛唔多，救護車係其中一架。

由於事發地點好近，我地好快就到達現場。

樂文師兄入屋後立即為訓喺沙發上毫無反應既男病人進行檢查…

樂文師兄搖搖頭，擰住身同我地講：「CPR。」

然後，我同另一位同事立即分工合作，佢負責幫病人進行CPR，而我則拎出一切有關裝備，主管負責操作AED機。

當遇到危急情況，我地會打醒十二分精神，發揮出應有效率同專注，唔會好似做普通學生call咁遊手好閒。

完成呢轉call之後，三個人都成身大汗，消耗咗唔少體力。

望望手錶，已經點幾鐘，八點鐘開工到而家，剩係食咗個包，個肚呢刻已經餓到打哂鼓。

好彩既話，當無敵時間一過，我立即開車走人，然後順利返局食飯。唔好彩既話，一係再一次中途擊落，一係食食吓飯途中要放低筷子飯碗匆忙去車，最後搞到一餐飯要分兩三次食。

呢種就係救護員既生活，每次出車所面對既情況都可以好唔同，而食飯呢樣嘢，一直都係未能妥善解決既問題。

=======================================================================

救護日常：

DBA (Dead Before Arrival)

無呼吸無脈搏，救護員會稱呢類case為DBA。

關於DBA call，有少少感受想分享吓。

DBA call之中，對象好多時都係老人家。除非係明顯死亡，否則救護員無權話唔救。

將病人送到去醫院，好多時啲醫生都會問一句：「邊度黎？屋企人呢？」

有時係老人院，有時係屋企。

醫生有權去cert一個人，而某啲醫生決定cert唔cert一個人既因素會取決於對方係來自邊度。假如係來自老人院，而年紀又有返咁上下，某啲醫生係會直接cert，唔選擇再作任何搶救。(縱使救護員一路上進行搶救，直至黎到醫院)

佢地可能認為，對方年紀都咁大，又住喺老人院，甚至有啲係連屋企人都無，就算將佢救返醒，最後咪又係送返去老人院孤獨過世，與其係咁，不如一切就喺呢一刻結束。

關於醫生既做法適當與否，我不作評論。

但諗深一層，其實都幾唏噓，一個人被救與否，係生定係死，有時係取決於其身世。

以前就係，而家先入職嗰啲唔係。

其實好搞笑…依句說話由我出班到而家都聽到人咁講，就係話升職潮過左，你no有排等。到真係升左都重聽緊😂
但消防果d真係耐，每年通告都睇到消防升到咩no,救護升到咩no

Sorry sir
你依句任何情況都係啱既

退休潮真係7788，政府都有講成個政府架構既退休潮大概去到2022度，咁而家入職既真係有排

可能以前既有排係講緊十年八年，而家既有排係十幾廿年。

巴打我無惡意唔係話串咀撩交果d，
你依番說話exactly係我一出班就有位師兄同我咁講😂，到我真係升左，又見到有人咁講所以答兩句嗲😂

咁我都無惡意，唔好誤會。

咁編制上救護既柴位係多啲，不過而家啱啱升職既兩柴都偏向後生，退休可能都係廿年後既事。

唔加車，唔開新位，要排凳仔慢慢等。

緊係出左黎先啦 除非你鬼鼠位啦

其實有數你計 而家班3柴先40歲

想問下救護隊目升總隊目有咩要求
而內部部晉升主任係咪可以跳級，姐係散仔上主任，同埋內部升主任，係咪都要有學歷先得？

純問下溫書 thx

做到四五十歲仲要行唐樓搬肥佬，又無時間食飯又捱夜。。。真係好惡梗;有d人考兩三次消防考唔到就去考救護，咁就捱足一世

出學堂係咪會跳一個point

有時見白車淨閃燈唔響會停係到等紅燈，係真係唔記得熄定咩？
搞到有次架白車係後面淨閃燈，我都諗咗陣讓唔讓好

廢事逼迫你 始終凸個頭出黎都危險 唔係個個識讓
同埋多數唔係急料 鳩痕腳痛個啲

兩柴升三柴，無咩要求，識得擦阿sir 鞋，阿sir 認為夠資格升就升到。

主任要出面考，有學歷不如直接報救護主任。

內部升主任，咪諗咁多啦。

係...所以頭一年會跳兩個pt。

響號或多或少會對其他人造成壓力，有時見到救護車剩係閃燈，就係費事俾到壓力你

一開聲，前面啲司機緊係心急，費事搞到有啲唔識讓但又要讓。（而家大部分車都會讓路既。）

有時救護車明明可以衝燈，但都唔衝，因為知道轉call 唔急。點慢都好，12分鐘內一定去到，所以慢慢黎。

唔會唔記得熄藍燈...可能有既，但唔會係我

如果轉call真係好急，通常會響埋號，或者響大聲啲，甚至轉另一隻特別啲既聲...

當然好睇個主管風格，有啲主管鍾意玩重搖滾炸人，有啲鍾意玩柔和曲風，唔扭到咁大聲。

有冇啲掛住以前做救護既日子？
升到三柴係咪姐係好似差佬時沙既rank？八掛問下做左5年既 三柴有冇7萬一個月？
乛

你見過最仆街黑暗既事係點？
有冇同過醫生護士因爲救人既方法同救或唔救嗌交？

樓主認為做救護員要具備咩特質？
局內同事關係和吾和諧？

唔該哂，唔使我打宇

主任頂薪好似先六萬幾

我掛住我太太多啲