[本地足球] 2018/19 港超聯及香港隊討論區 (44）

陳七換定20萬日圓掃貨
在港已表示要買名牌Visvim鞋的「陳七」，雖然兌換了20萬日圓之多，可惜時間有限，所以只買了一件tee。他說：「自由活動時間唔長，銀彈留番最後一日先用啦。14號踢完最後一場比賽，15號有一日假期全日自由活動。」由於家人和女友均不會到日本觀賽，故「陳七」未能與家人及女友共度大年初一兼情人節，但他已計劃帶手信回港作「補償」。
其他港將昨日亦有收穫，「數口精」的張春暉及白鶴到了有「日本佐丹奴」之稱的uniqlo購物，當被小記問到為何不回港買時，兩人表示因在日本買的價錢較平

大中華膠：食窮小日本！

果陣yen係十算

元朗好奇怪，7號落左中堅，9號去左新仔但唔是打前鋒

仲要同白雀一齊
兩件民族主義on9

【港超專版】貼地CEO　梁智駒：𡃁仔要氹
10月22日(一)

許多人都說新一代年輕人難溝通，但其實只要願意花時間去融入他們的世界，或許你會發現，新世代的人有他們的可愛之處。夢想FC這支球隊，無論球員和其他部門，都有不少年輕人參與其中，上任行政總監（CEO）超過1年的梁智駒，笑言這份「湊仔公」工作充滿樂趣，更表示：「有時我都唔知佢哋諗咩！」但這個特別任務，亦令他從中學到不少。圖/文︰王藝霖

「同佢哋溝通，唔同以前㗎啦！以前可能鬧啊，打都有啦，自然就聽話。依家呢一代就要氹吓佢哋，同佢哋傾偈。有啲球員把口點撬都唔開，但只要溝通多啲，佢視你為朋友，就會好好多。」去年出任夢想FC的CEO，梁智駒曾笑說自己是「湊仔公」，經過1年時間，「駒總」認為自己尚算稱職，但要完全了解年輕人的想法，着實不容易：「有時我都唔知佢哋諗乜嘢，佢哋講完畀你聽，我就會諗，乜原來咁都得？」為了更努力去融入他們，會定期舉辦聚餐和BBQ等活動，希望以朋友角色去理解新一代。

自言溝通已經有7、8成功力，原來「駒總」不少溝通技巧是從球隊的巿場部學回來：「上年我哋請咗4個大學生去做marketing，佢哋諗嘅嘢我都覺得好特別，思維係好前衞同創新。睇完佢哋嘅出品，我都覺得自己跟上潮流，果然係要互相學習。」世界每天都在一點一滴改變，作為CEO，梁智駒自然要跟上年輕人的腳步，在夢想FC這支年輕球隊工作，給予他緊貼潮流的機會，與年輕人一起進步！

對於一班年輕球員，「駒總」亦寄予厚望，特別上季初段成績不俗，但他認為，年輕球員心態有待改善：「我覺得年輕球隊都係咁，始終都係經驗唔夠，心態係差啲，失一球就無乜信心。」但當初球隊就是希望成為培育年輕人的平台，作為CEO，除了希望今季有好表現外，他亦有一個最大願望：「想我哋嘅年輕球員入到香港隊，呢個係我哋嘅目標。」

增設宿舍讓球員健康relax
「雖然我唔會理佢哋私人時間會做啲咩，但都希望佢哋自律，球隊啱啱整咗個宿舍，就係想一班年輕球員練完波唔好周圍去。」梁智駒稱。夢想FC第二年征戰港超，對於隊內年輕球員，球隊十分重視，今年更為他們準備宿舍，在練習後的閒餘時間，為球員提供放鬆休息的地方。

為配合年輕人的興趣，球隊在宿舍的設備十分齊全：「我哋宿舍都有晒佢哋想要嘅設施，遊戲機、健身器材、按摩椅等，遲啲可能會有麻將打。其實最主要唔想佢哋練完波周圍去，想佢哋休息，上面有得休息、可以喺宿舍打吓機，健吓身，佢哋想要嘅我哋都畀晒。」

「駒總」亦希望，球員可以盡量減少陋習，為自己的未來好好打算；「足球員要放鬆，可能會選擇去飲兩杯，但我哋唔鼓勵，球隊都有規定，球員唔可以去夜蒲。」好習慣由年輕開始培養，相信夢想FC能在未來培養出更多好球員，為香港足球出一分力。

夢想個宿舍係邊？
屯門？

隊隊都有咁既人 我都知元朗邊d人成日去蒲飲兩杯

我淨係知法比奧食巴西bbq

蒲飲真係冇問題 前提有好表現

點會冇問題，做壞晒個形象

球迷角度 場上有表現就ok了
場下私人時間唔會特別理佢

當然可免則免啦

真定假 估唔到尖既設施同backup 都唔錯
但係班球員好似真係唔多爭氣
場場都比人大炒

利申：今季無睇過尖隊

好波就得啦
都係打份工姐
無表現又成日玩個d就要大大力屌

今季有左海景，尖隊感覺上即刻無咁廢

最緊要做好本份
踢得好既話走去玩/練沖咖啡都冇問題

不相伯仲啦
凱景被大炒
尖隊都係被大炒
Super 打和

最緊要做好本份
踢得好既話走去玩/練沖咖啡都冇問題

點解大埔可以贏唔到尖

尖失波好似仲多過海景

歐沖

流浪之前好似有個外援叫杜建斯 比垃立雞左啦