終於搭到上去南山,但其實只係去到首爾塔塔底。呢度有商場、有好多食肆,感覺就好似香港嘅山頂咁
中秋節正日,我地就喺首爾塔塔底賞月
。
山上人流非常多
。
本身我地係經klook買咗首爾塔門票嘅,但係一行埋去,見到又係要排隊上塔頂,職員仲話要個半鐘
。當時已經成8點,最後唯有果斷放棄,又排咗20分鐘纜車落山
。
事後諗返,最on9就係我地冇為意中秋正日係會有好多人上去賞月,失策
。
補充返,南山纜車每位來回票9500圜($66),亦有單程票賣
。
行程嚴重delay,飯都係要食嘅,返到明洞8點半,我地食咗成個trip最豪嘅一餐,冇錯就係醬蟹了
。
咸草醬蟹(함초간장게장)
地址:首爾中區忠武路2街11-1 陽光大廈 B1F(서울 중구 충무로2가 11-1)
電話:+82 2-3181624
營業時間:11:30~23:00
參考資料:
http://aileen1596.pixnet.net/blog/post/47287284-%5B首爾%5D-到明洞『咸草醬花螃蟹餐廳』品嚐鮮味
咸草醬蟹位於地下一層。
叫咗2個醬油蟹套餐,再加一碟醬油蝦。第一次試醬油蟹,可能我同朋友都唔係好食得慣個口感,加上唔知係唔係d蟹唔新鮮,有d腥腥地,結論係我地覺得麻麻
。
價錢都幾貴下,total 123000圜($854),平均每位成4百幾,可能呢間個名氣係堆砌出黎「湯」遊客都唔定,應該會有d抵食d嘅醬蟹舖。
食完已經9點半,本身其實係預咗早食完夜晚去汗蒸幕,但首爾塔遲搞到所有野都遲了
。最後我地決定照去汗蒸幕,最多搭的士返去
首爾德龍宮Dragon Hill龍山汗蒸幕
首爾市龍山區漢江路洞40-712(서울특별시 용산구 한강로동 40-712 용산 드래곤힐 스파)
入面係唔影得相的,我就簡單講下入面有咩做啦
。
首先擺晒d野入locker,之後就要去沖一沖身,然後就會去到大堂,可以去浸溫泉、浸凍水、蒸氣房、桑拿等等(免費),佢亦有提供一d付費套餐,有唔同部分嘅身體按摩。
按完之後再沖個涼,之後就可以落下層嘅公共休息區(男女共用)
d韓國人都係拎個枕頭(甚至唔拎)就咁瞓喺地下
。
有蒸氣房,亦有呢間雪房,好似話逗留喺入面一段時間又係對身體有好處。
d一格格係畀人入去「冥想」或者瞓覺。
由於加咗付費全身按摩服務,唔計一早用klook買咗嘅入場劵,一個人都洗咗108000圜($750),都幾貴下
。最後差唔多2點先搭的士返hostel,結束咗呢個超chur嘅中秋節。
day2完