(自爆準備又爛尾多字)2017夏天毒遊四國+和歌山 11日南海道之旅

黃道益

91 回覆

27 Like 1 Dislike

黃道益 2018-09-30 19:26:12

跟住落黎我搭JR番左去高松拎番個Backpack，之後就走左去搭JR去松山
點知比我撞到麵包超人特急
依架野其實係幾得意嘅，但係我鍾意細菌人多D囉....
硬係覺得麵包超人成日搣個頭出黎比人食好得人驚

話說JR四國有一系列嘅麵包超人車，有D係普通特急，有D係觀光車，例如瀨戶大橋線嘅小火車同高德線嘅YUUYUU號，依兩條線並唔喺JR Pass包括範圍內，詳情就要睇番JR官網喇。

李鹵眉 2018-10-01 12:57:12

支持支持

堀北真希2 2018-10-02 21:52:34

黃道益 2018-10-04 01:50:27

時間黎到 DAY3
依日嘅行程亦係我最鍾意嘅一日

日本有大大小小加加埋埋接近十個貓島，出名嘅大概6~7個。而今日就會去其中之一，愛媛縣嘅青島。當你喺Google search 貓島就好容易出見到青島嘅相。
但係現實中係好難一次過影到咁多貓嘅....尤其係如果你同我一樣係第二班船的話。
(尤其夏天，通常下午去到佢地都搵位暱埋瞓覺/開始瞓晏覺)

青島其實亦係最出名嘅一個，因為島上面只有15個居民，但係有百幾隻貓。貓嘅數量係人嘅十倍。而島上嘅貓大多數都係放養/流浪貓，或者你可以話貓先係島嘅主人。

作為貓奴當然要去參見一下聖上啦。

要去青島，首先要搭JR去到伊予長浜，然後再轉渡輪。

以下係截自官網嘅時間表

冇錯，一日係得兩班船。船費盛為 1360 (來回) ，但係要上到船都唔係咁易。
首先，架船本身係比當地居民用，所以居民有優先使用權。

其次，架船定員34人。第一班船去程時會記錄低有幾多人去左 (X)，因為要確保所有遊客都可以喺第二班船回程時離開到青島，所以第二班去程船嘅乘客數 = 34 - X。換句話說第一班船如果有34個遊客去的話，第二班船就會變成居民專用，遊客冇得搭。

登島注意事項
1. 青島上冇任何地方住，記得準時番碼頭搭船走，如果唔係就訓街
2. 而且島上冇自販機或者店舖，請自備充足糧食及飲品
3. 渡輪可能會因天氣而運休，其中冬天比較易發生
4. 連休及假期好容易冇位
5. 帶走自己嘅垃圾，唔好放喺島上
6. 請喺指定區域內餵貓，唔好喺碼頭附近，同時注意份量，唔好搞到周圍都係
7. 因渡輪會運送物資比居民，落船後請盡快離開通道
8. 碼頭邊有個待合所，唔好比貓入去
9. 青島並非觀光地而是民居，唔好騷擾居民生活及闖入民居，唔好做蝗蟲
10. 待合所入面有個捐錢箱，籌旗去比D居民幫手照顧D貓，多多益善少少無拘
11. 入面有個箱，放左D其它人餵淨左嘅貓糧同玩具，如果冇帶可以喺度拎。但麻煩玩具玩完放番入去，如果有貓糧淨左亦都請放入去比下一位。

大概係咁，上左船會再派張指南比你，記得睇清楚。
唔講太多，貼幾張聖上過黎先

聖上先係個島嘅主人，奴才們記得要好好保護佢地嘅皇宮，注意番上面講嘅野喇

懶得逐張貼過黎，依度有多幾張玉照:
https://budtourhk.blogspot.com/2018/09/2017-day3-part1.html

另外之前開過個Po 都係貼旅行影嘅貓，可以過黎睇睇
https://lihkg.com/thread/782144/page/1

日日 2018-10-04 05:13:55

river ip 2018-10-04 14:41:05

我上次去成船人只有我帶貓糧，之後全島嘅貓都跟著我

黃道益 2018-10-04 16:47:01

我上次去成船人只有我帶貓糧，之後全島嘅貓都跟著我

上左JR先醒起唔記得買...
好彩待合室有啲
不過下午去到好多都飽晒

btw 記得拎還拎，睇下過左期未呀

黃道益 2018-10-06 19:19:48

其實去四國有某程度都係因為想去下灘睇景。真係好靚。

而好彩嘅係今日天氣真係好好，可以睇到好靚嘅海
依個站可以話係日本攝影界、鐵道界同旅遊界嘅神話。
曾經三度成為JR青春18嘅海報取景地，被稱為聖地亦當之無愧

下灘站位於一個小山坡上，所以即使下面有國道都好，亦唔會阻到依個站成為JR可以睇到最靚海景嘅車站。同一原因，令依個站可以好容易咁睇到好靚嘅海景，基本上求其影一張都可以係有番咁上下質素嘅作品。鍾意睇海、睇風景同影相嘅朋友嘅絕對唔可以錯過。

比較推薦夕陽時間黎，因為愛媛位於四國西邊，而且下灘向海所以可以睇到好靚嘅日落。
而喺夕陽映照下嘅海面同車站更加之靚 (不過真係好撚晒

)

下灘站而家係單面單線雙程行車，所以無論向松山定係向八幡浜嘅車都喺同一個月台停車

駅舍，現為無人站。駅舍非常細入面有本簿仔比人留下言，仲有貼左D攝影作品。

日本一周中嘅依位朋友，加油！

喺月台影出去嘅伊予灘夕陽

留意番，予讚線 (舊線，非內子線) 班次唔係太密。如果去上面講嘅貓島同埋下灘站就自己留意番時間喇
時刻表喺依度↓
http://ekikara.jp/newdata/ekijikoku/3701041/down1_38405031.htm

btw 下灘同予讚線嘅美景甚至令JR四國特登整左架伊予灘物語號觀光列車 (土日祝運行) 吸引遊客，不過一票難求。有機會都想搭下

其實影左好多張，懶得搬晒過黎。
想睇多幾張嘅可以過黎依邊睇
https://budtourhk.blogspot.com/2018/10/2017-day3-part2-jr.html

river ip 2018-10-06 20:01:18

下灘站係正嘅，雖然幾花時間

黃道益 2018-10-09 15:53:17

其實喺下灘嗰個半鐘我仲去左附近一個地方，但係由於其實我唔太建議大家貿貿然過去。
所以我喺度講算喇唔寫落Blog,大家自己考慮會唔會去

話說唔知幾時開始，以我所知係某個台灣Blogger帶頭去嘅所謂「千與千尋 (佢地叫神隱少女) 海中鐵路」。

位置大約喺下灘向西行嘅海邊，Exac7ly喺「若松造船所」

佢其實真係造船所嘅一部份，亦唔係咩鬼野鐵路，其實只係船廠比船上岸同落番海嘅路軌一部份，換句話說其實都唔清楚依個位到底係唔係私人範圍內。
附近個石灘就應該係公眾範圍黎。喺公路邊係有個位行落去石灘，但係行過少少近造船所同依幾條鐵軌真係唔清楚。因此行過見到有間船廠(雖然冇人)之後喺附近影左兩張相就咋咋林走左。

重申一次，個人唔推薦各位過去
因為可能有觸及私人領地範圍內嘅風險，如果要過去嘅朋友請自己承擔風險。

順便貼多兩張喺公路旁影嘅伊予灘

補多張下灘

日日 2018-10-10 07:36:16

黃道益 2018-10-10 17:54:16

DAY4行程喺松山市內 Part1

話說唔知各位知唔知喺松山市入面有個免費摩天輪搭呢
冇錯，係免費。無料

(不過玻璃卡要課金)

只要你出到收銀處出示Passport就可以免費搭，一卡最多4個人
我自己一個去.....所以自己搭...

我覺得依樣野可以List入我做過最毒嘅野其中之一

佢位於伊予鐵高島屋嘅頂樓。如果由松山JR站過去的話要搭伊予鐵 (市電、路面電車)去松山市站

就係張圖上面畫左摩天輪嗰度

黃色嗰卡係有BarySan嘅特別卡梗係要搭佢啦

我知會有人問我拎大圖睇左邊，依度↓

https://bit.ly/2OewV5O

BarySan真係好QQ，但唔知點解香港唔紅，淨係紅起左鹹濕部長
(我全部都要.jpg)

仲可以望到松山城添 (好撚遠咁)

不過自己去搭真係好毒.... 望到周圍D眼光都搞到我好唔好意思

摩牙:
https://budtourhk.blogspot.com/2018/10/2017-day4-part1.html

黃道益 2018-10-11 22:35:48

本身打算喺高島屋食好高評價嘅そば吉，但係撞正假日多人到仆街，喺附近求其食左餐就算，然後就出發去松山城

圖片來源松山城官網
http://www.matsuyamajo.jp/

松山城屬平山城，同之前講嘅丸龜城一樣，即係喺平地入面小山丘上面起嘅城。三之丸喺市入面，已經起左唔少大廈，睇唔到城嘅樣。而二之丸喺山腰，而家係一個公園，叫二之丸史跡庭園，入場費200円。

但係松山城本丸位處海拔134米嘅勝山上面，同市內海拔20幾米差左一百米有多，咁其實仲算唔算小山丘呢

登山方法有幾個，包括纜車、吊椅同登城道。
而登城道有4條，除左縣廳嗰條之外都係未經修整嘅。所以都可以行路上去。

如果要搭纜車或者吊椅就要去纜車站，佢喺大街道站落車後左手邊 (由JR站出發的話) 行5分鐘

售票處有好清晰嘅價目同埋出發時間。買綜合券就唔洗煩，包晒來回同入場。而纜車或者吊凳都係一樣價錢

話晒咁大個仔都未坐過吊凳，梗係坐下凳仔過下癮啦
大概6分鐘後就上到山頂嘅長者平站，亦則係本丸附近喇。如果搭纜車就快D，3分鐘

黎緊係好長嘅松山城本丸篇
作為一個城宅每次寫城都好開心，而且做好多資料搜集以免寫錯野亦都學到好多野。
而家松山城比丸龜城多好多野可以講，所以希望大家期待下。

摩牙:
https://budtourhk.blogspot.com/2018/10/2017-day4-part2.html

黃道益 2018-10-14 19:43:36

對比起得番天守嘅丸龜城，松山城嘅保存率真係高好多，建築都多幾棟。所以我特登寫左篇好長嘅文去講佢 (最主要係講本丸，因為三之丸已經變左市嘅範圍，咩都冇，二之丸就公園冇去)

順帶一提，松山城擁有著現存12天守之一，亦係12天守中同姫路城唯二的連立型天守(而且係現存唯一層塔連立)。被米芝蓮評為2星景點，於Tripadvisor中取得日本城郭排名第3

圖源: 松山城官網

巽櫓，復興建築

如果係吊椅/纜車站出發的話應該會喺南方進入本丸，亦即係大手(正門)方面。星期六日去的話可能會見到義工導賞員，而且識講英文。如果有興趣的話可以請求佢地陪行講解，會清晰好多。

戶無門，高麗門式建築，現存。因為冇門扉而得名。係大手方向玄關位置。

筒井門，復興重建。大手方向正式嘅門，亦係本丸曲輪大手方面最堅固嘅門

隱門、隱門續櫓，皆為現存建築。位於上面筒井門右邊，石垣牆嘅後面

進入戶無門之前嘅路上有太鼓櫓同塀作為防禦，包括可以用石落掟石落黎同喺狹間度射箭射火炮攻擊敵軍

。
過左戶無門之後就會筒井門喺正面頂住敵軍進攻，之後再喺上面嘅續櫓度反擊

而更加精要嘅就係隱門。因為隱門喺筒井門石垣嘅後面，唔係咁易見到。當敵軍掛住打筒井門同抵擋喺櫓發出嘅攻擊嘅時候，守軍就可以喺隱門出黎，黎一招兜屎忽打番佢地轉頭

真係好醒目

過左筒井門之後就進入左本丸範圍。遠望可以見到小天守(前)同大天守(後)，而佢地亦再同南隅櫓、北隅櫓以渡櫓連起，構成獨特嘅連立式天守。依種天守風格並唔常見，比較出名嘅得松山、姬路同和歌山城。而現存天守的話就只有前兩者。

除左連立式天守，加上幾座其它櫓同門，再用石垣圍起，就形成左所謂天守本壇。即係喺本丸入面再用石垣圍起，天守附近嘅範圍。咁樣做當然地可以再加強防禦力啦。而咁嘅建築方法又係好少見嘅
順便一提，依個天守係喺幕末時期，黑船來航之後先再重建。係最後生嘅現存天守。

基本上黎到本壇入口已經兩三座野包圍住，都幾難攻得入

假若真係攻入左本壇，穿過埋一、二、三之門同上圖右嘅筋鐵門，攻到天守下面都好啦。都仲要面臨最恐怖最強嘅火力包抄。因為依座連立式天守只有一個入口，就係位於大天守底嘅鐵門。天守入口門全金屬製，勁厚勁重，亦都極硬極難破。

如果依度門閂左的話，敵軍即使攻到依個位置都會被卡住喺由大、小天守、南、北隅櫓同埋渡櫓圍起左嘅中庭位置。跟住落黎，就會係來自咁多座野炮火同弓箭嘅攻擊。基本上黎到依度都只會比守軍圍死。

好在而家唔係真係攻城，如果唔係都入唔到去。
天守入面例牌擺城主資料，同埋仲有城市發展史。入去嘅時候記得除鞋，而且得一條樓梯進入天守，所以耐心等候、互相禮讓下啦

大天守望向本丸，高14米嘅本丸石垣比起丸龜城雖然算唔上d咩但係都好有霸氣

至於搦手(後門)方面，就由北隅櫓、十間廊下、南隅櫓(上圖左至右，本壇後方)同乾門東續櫓、乾門、乾櫓(下圖左上至右，乾櫓為現存建築) 守住。
而乾櫓嘅牆比較特別，佢用一種叫太鼓壁造嘅手法，加入左碎石、瓦片去整，令佢更加堅固

最後好感謝導賞員先生陪我去完參觀講解完仲肯同我傾歷史，仲畫埋圖。真係好多謝佢

更詳細同更多圖依邊
https://budtourhk.blogspot.com/2018/10/2017-day4-part3.html

李鹵眉 2018-10-15 11:21:05

支持

黃道益 2018-10-15 17:50:52

冇人睇城?

黃道益 2018-10-19 17:43:57

日本三大古泉之一，當中最舊嘅就係道後溫泉。講得誇張D，道後溫泉可以話係日本溫泉文化嘅發源地。

如果要去道後溫泉，我會選擇搭松山市電，既方便又快捷。.jpg

沿住條個溫泉商店街一路行大概五分鐘就會見到道後溫泉本館

道後溫泉本館，可以話係道後溫泉嘅地標。
現存建築建於1894，全木造，三層。係日本第一座列入重要文化財嘅公共浴場，即係澡堂，同時亦係米芝連三星景點。
傳聞中佢係千與千尋嘅油屋取景地之一。

本館背面

作為一座溫泉公共浴場，即係比錢就可以入去浸溫泉嘅地方。入面有分唔同收費
最BASIC嘅收費係410円，乜都唔包。淨係有個更衣室LOCKER同有個公家風筒，只浸。
記得自備毛巾，有番鹼就拎埋。因為浸入個池之前要洗乾淨個身。
如果冇嘅收銀處同Check飛嘅地方都有得賣。

除左喺3樓設立左皇室專用嘅又新殿，亦有其它客房，可以比浸完嘅客人休息用。而上圖依間就係當年夏目潄石成日都黎浸完用嘅房，可以免費參觀

喺商店街口嘅機械鐘，每整點 (土日祝嘅話係三十分鐘) 報一次時，會有夏目小說嘅人物彈出黎

懶得寫咁多，完整文章依邊
https://budtourhk.blogspot.com/2018/10/2017-day4-part4.html

黃道益 2018-10-23 23:50:02

跟住嗰日離開左松山市，去左今治同埋asahi廠，之後就搭左巴士落高知
搭巴士落高知的話可以用jr pass再加1000円換飛。因為如果搭宇土線慢慢過去會坐到屎忽都痛，特急都最快都四個鐘。

但係巴士2個鐘頭九個字就到。

三大水城之一嘅今治城，係戰國時期名建築師藤堂高虎嘅傑作之一，同時亦有一段時間係佢嘅居城
佢利用左引海水入堀作為護城河，為今治城帶黎天然嘅防護。同時間，當年今治城亦係擁有全國最大型城內港口嘅城，甚至可以比大型船泊入。

不過，自從藤堂高虎被轉封之後，好快今治城就變左松平氏嘅城。後來仲喺維新後好快被廢被毀，而家見到嘅建築大部份都係近代重建。所以其實冇咩睇頭，但作為城膠，點都要過黎朝下聖

講開又講，其實係天守係模疑天守。
即係本身個城同而家起出黎個天守根本完全冇關係。
模疑天守可以喺幾個情況上出現，包括:
有天守台，但冇起過天守
冇史料話有冇天守
喺另一個地方重建嘅天守
冇天守台但係有少量資料話有出現過但又冇詳細SUPPORT嘅天守 (即係今治城咁)

所以我都廢事特登入去，朝個聖就算。

下午仲要去asahi
今治城篇:
https://budtourhk.blogspot.com/2018/10/2017-day5-part1.html

下午走左去Asahi四國工場呃酒飲

參觀Asahi廠免費，仲包三杯野飲，可以飲啤酒或者其它asahi出嘅野飲。
如果要去參觀的話，可以上網登記或者打電話。如果你識日文的話建議上網登記唔洗煩
如果係需要英文導賞的話就請打電話去登記，唔想打長途就過到去日本叫酒店、hostel或者觀光案內所嘅人幫手打電話去Book啦冇得walkin (理論上)

過程中導賞員會帶你由原料一直去睇到最後包裝成條生產線嘅環境，仲會講述每1part會做d咩，每一部機係做D乜，都好詳細

不過大家最Concern其實都係最後試飲嫁啦

大概係330嘅Pin x3，不過試飲只有20分鐘，要喺20分鐘內飲晒三杯都係啤都有D乸利，可能我廢Jer啦

不過都成Liter

飲完係時候落去買番d記念品番屋企喇

入面有埋點樣Book 唔只四國嫁仲有其它工場一樣適用

https://budtourhk.blogspot.com/2018/10/2017-day5-part2-asahi.html

黃道益 2018-10-28 19:16:07

冇人睇都繼續更新

DAY6嘅行程係野外露出，去有日本秘景之稱嘅祖谷
祖谷溪位於德島縣三好市，但係喺德島、高知、高松過去都係差不多時間

今日行程由阿波池田站開始，先去睇痾尿細路像，然後去浸溫泉，再去藤蔓橋同遊船河

個痾尿細路像係因為相傳依度之前有一堆細路好鍾意喺度野外露出，企喺舊石上面痾尿比試膽量
久而久之，政府就整左個像喺度記念依班小朋友

如果有阿波池田JR過黎大概要搭50分鐘巴士
https://budtourhk.blogspot.com/2018/10/2017-day6-part1.html

喺細路度行大概五分鐘就會去到傳說中嘅秘景溫泉──祖谷溫泉
依度有種好得意嘅野，就係要搭纜車先有得浸溫泉

浸嗰時大約係望個咁嘅景，都幾寫意

順手Quote張喺官網黎嘅圖比大家睇下個溫泉浴場大概咩樣

個泉係硫磺泉，pH 9.X 浸嗰時唔係好熱，不過好多泡泡圍住個感覺好過癮
望埋個靚景，真係不得了

https://budtourhk.blogspot.com/2018/10/2017-day6-part2.html

喺溫泉酒店門口搭巴士大概20分鐘就到日本三大奇橋之一嘅藤蔓橋
行過去嗰時吊吊FING都咪話唔過癮

條「喇」都幾大條，小心隻腳叉落去
有兩個港女一路行一路大叫鬼殺咁嘈真係破壞晒依度嘅寧靜環境
老實講都唔係咁得人驚啫

https://budtourhk.blogspot.com/2018/10/2017-day6-part3.html

喺藤蔓橋搭30分鐘巴士就可以去到大步危遊船河
船程30分鐘，沿途有好多奇岩怪石，都幾得意
不過嗰日天氣幾好，浪又唔急，冇辦法體驗到傳說中嘅三大暴川到底有幾勁
https://budtourhk.blogspot.com/2018/10/2017-day6-part4.html

祖谷同大步危嗰邊D JR同巴士班次都好疏，如果要去的話記得Check清楚d車嘅班次時間喇