)有冇巴絲同我一樣好鍾意去旅行又好鍾意去影喵?
愛貓國家黎計日本同土耳其都好出名
鍾意去旅行嘅我，同時亦好鍾意貓貓狗狗，所以每次去開日本如果順路又有時間的話都會去貓島去探下D貓貓
佢地有好多係放養貓，亦有好多係浪浪
由於屋企問題唔養得貓，所以唯有去旅行時同佢地玩下啦
因為唔係旅遊台，以下唔會講得太詳細
2017 6月 青島
青島出名係日本第一貓島，島上面住左過百隻貓貓，但係居民就只有十幾人。
島上面冇任何嘅自販機、住宿等等。同時一日只有兩往復嘅船。所以要去的話記得查清楚資料先好去呀。
2017 7月 妻籠宿
2017 12月 京都市
2018 2月 藍島
藍島亦係出名嘅貓島，同上面提及青島差不多，居民好少，一日兩往復。島上相對居民多少少，但係買野都係相當唔方便，如果要去都係查清楚資料同埋買定飲品先好去，唔好渴死。
2018 7月 江之島
江之島其實都係出名嘅貓島，同時係好多香港人去嘅"東京近郊"
根據同島上一位住附近嘅愛貓姨姨講，佢話近年江之島嘅貓貓數量唔知點解開始減少。而依度嘅貓貓其實有好多都係來自日本各地嘅棄貓，變成咗浪浪。好彩有島民接濟，所以D浪浪先可以繼續生存落去，有D甚至會變成島民嘅放養貓。希望佢地未來會有安穩嘅生活啦。如果大家去開的話見到有D鐵箱喺路上寫住係比島上貓貓的話，不妨擺低少少錢，幫助下佢地啦。
2018 7月 箱根
2018 7月 金沢
下次唔知幾時先有機會去旅行。
希望有機會可以去下土耳其啦，聽聞 Istanbul 都好多貓貓
有冇巴絲去過其它地方影咗D貓貓大家一齊分享下
