(自爆 準備又爛尾 多字)2017夏天 毒遊四國+和歌山 11日南海道之旅

去開冷門地方，鍾意自己根據自己鍾意嘅野而去 (通常都係因為文化背景、建築同景)
之前有寫過Travel blog，亦有喺兩登開過Po, 同時喺台灣某知名旅行網都開過遊記Po，可能因為真係比較冷門所以冇咩人睇，寫寫下就爛左尾
近排失業好悶，所以拎番個Blog黎寫 順便Po埋出黎依邊睇下有冇人睇

通常我去嘅地方同寫嘅野都會連埋背後嘅文化背景一齊寫，例如城會講及個城嘅建築風格、城主歷史等等，而神社就會連同當社嘅習俗、神道方面嘅知識同埋相關歷史而寫，所以Blog方面會變到好長。
如果有興趣嘅巴絲可以去Blog嗰邊睇詳細少少嘅資料，同埋更多嘅相

Blog方面因為上面都有提及會喺台灣網嗰邊都貼出黎，所以會用書面語入文
而連登方面就會作出修改，用口語入文，而且會比較簡短少少。


事先聲明，我去嘅地方未必係熱門野，有D熱門地方我可能會過門而不入。同時，食嘅亦唔係貴野。我去旅行嘅風格係盡量用低D嘅價錢去享受到自己想享受嘅野，未至於窮到瞓街，但亦唔係大富大貴到下下瞓5星級酒店。可能未必啱你口味，但希望我分享嘅野能令你地覺得有趣。



一直以黎都想有機會去下四國，除左因為金刀比羅宮、現存十二天守、道後溫泉、貓島、下灘等等嘅景同歷史文化建築之外，亦係我47都道府縣制霸嘅其中一環(現為45/47)。於是見畢業有D時間，再加UO有特價機票就出左發去左個11日嘅南海道之旅。
(FYI: 南海道係古時四畿五道分區之一，即紀伊、讚歧、阿波、伊予、土佐，現大概為和歌山、香川、德島、愛媛、高知)

行程
DAY1 香港→高松
DAY2 高松→丸龜→琴平→松山
DAY3 松山→貓島→下灘→松山
DAY4 松山市內
DAY5 松山→高知
DAY6 高知→祖谷溪&小步危→高知
DAY7 高知
DAY8 高知→德島
DAY9 德島→鳴門→大阪
DAY10 大阪→高野山→大阪
DAY11 大阪→和歌山→香港

總花費: 約7200 HKD

附上Blog link:
https://budtourhk.blogspot.com/
賞面嘅請比個like我個page, 順便可以有第一手更新情報, 同埋我會嘗試喺facebook度分享更多旅遊情報。
https://www.facebook.com/%E7%AD%86%E7%9B%B4%E5%90%90%E7%89%99-Budtourhk-233048117389841/
如果大家有咩意見請提出，我會再作修改。多多指教

香港直飛高松機場大概3個幾鐘，11:20機，去到都已經成4點鐘。
由機場搭番出去市區又需要D時間，即使好似我咁唔洗等行李得個hand carry size嘅backpack朋友出到去市中心都已經4點幾5點，景點通常都閂晒，所以今日其實都好休閑。


高松站──四國微笑車站

高松站前廣場

高松站可以話係四國最大嘅JR站，唔單只有喺四國國內行嘅土讚線、予讚線、高德線、亦有經予讚線轉向岡山嘅瀨戶大橋線。月台量亦係極多。同時喺高松站前更加有BUS CENTER，向四國內其它地方甚至向大阪、東京嘅巴士亦可以喺依度搵到。附近更加仲有碼頭，可以搭駛向瀨戶內海眾島如比較熱門嘅小豆島、男木島女木島等地嘅渡輪。另外仲有琴平線可以喺對面街嘅高松築港站度搭。



不過講到去日本，當然有JR Pass就會比較方便啦。JR四國推出左一系列唔同日數嘅JR四國Pass，加錢仲可以搭特急巴士，而且Pass包埋松山、高知嘅市電同埋其它四國內嘅私鐵，如果係要鐵道遊就必定要買喇。以過往經驗，換JR Pass通常都係喺D大型Tourist center度換，起碼喺一個燈火通明嘅一個舖位入面，點估到四國嘅Tourist information center會係咁的骰。


拎完Pass都已經將近黃昏，而且頭先都講過，D景點都閂鬼晒。唯有喺附近行下景下相啦
(加上本身就冇諗過入去)











(落街食飯先 一陣再繼續)

(圖為旭橋同艮櫓)

高松城又名玉藻城，即係而家嘅玉藻公園。
建築上黎計係平城，但因為以引海水作護城河，亦被歸為水城，係日本三大水城之一。
原平建有天守，但係因為後黎老化拆左之後都冇再起番，得番天守台。現存建築物根本上只有幾座櫓同埋門、石垣等等。當中比較出名嘅係艮櫓、渡櫓同水手御門

因為基本上大部份建築都已經消失左，所以都冇特登入去。


高松城其實有樣比較特別嘅就係喺正石垣底下設有琴電嘅高松築港站，喺依度可以搭車到屋島、琴平等等地方。如果去金刀比羅宮都可以考慮喺度搭琴電過去。不過，我唔太建議，因為會坐到屎忽痛。


高松城有一個好出名嘅景，就係琴電喺艮櫓下通過嘅一下。
因為好少城會同路面電車/電車拍得咁埋，所以作為一個城膠嘅我點都要黎影一下依個景

btw 嗰時落住毛毛雨，開遮又唔方便，唔開遮又滴濕部相機 其實都幾麻煩。
反正落雨，景點又CLOSE晒，又夜，係時候去行下搵下野食。


喺艮櫓附近向南行大概十分鐘，就會去到丸龜町Green，係近年高松市內嘅大型商場。大家最愛嘅loft、ae、porter等嘅大型連鎖店喺依度都有。


不過搵唔到啱食嘅野於是行行下去到瓦町FLAG求其食就算。
(上圖加埋唔洗1500円，仲有個天婦羅)
依日嘅行程可能比較悶，但係day2先係正式開始

正評LM
1月我都去四國，睇下包膠再諗下點plan

1月去lm

留名遲D去四國

個Blog template怪怪地
手機睇冇左個Slideshow同啲圖縮水

DAY2 8點未夠就起身Check out 食個早餐跟住去丸龜城


今日開始用Pass，有Pass當然搭特急啦
特急去丸龜半個鐘就到，如果你搭普通車真係坐到屎忽都痛都未落得車

BTW 丸龜係冇丸龜製麵嫁講明先，更加冇譚仔。丸龜製麵係黎自神戶嫁 (如果冇記錯)

出站之後人景都唔多幾隻 車又少，成個市都好靜，可能個個都去晒番工真係冇咩人喺度行。係都只有D C9同老友記放下狗


JR南口出左黎之後一直向前行行到咁上下就會見到護城河 (堀)，根本上都得番依條係冇被埋到，其它都變晒馬路了。喺依度睇上去個天守真係好細好高。


大手一、二門。依兩道門係城嘅正門，中間依個L型Area可作為緩衝之用，喺戰術上黎計因為大軍攻入黎喺依度一定要轉彎，所以城入面嘅人就可以喺左手邊座野(櫓)入面攻擊D喺依個位置嘅敵軍。
(FOR唔知城結構嘅朋友: 絕大部份嘅城正門都係叫大手門 (或追手門，日文發音一樣)，而門嘅款式有分好多種，當然城嘅類型都有好多種，有機會再講。


丸龜城雖然被歸類為平山城 (又被稱丘城，指廣闊平地中一個小山上面起嘅城)，但係未必太高喇掛依個山丘。
依條大斜真係痴Q線。個斜度仲斜過對面海上中環半山區嗰條，行到腳都痛，令我諗番起之前番學撐大斜嘅日子。上去已經索晒氣，落黎一定仲攞命


丸龜城又被稱為日本第一高牆。係因為丸龜城嘅主建築全部都喺好Q高嘅石垣之上。而依堆石垣又大幅又彎，所以睇落真係好似一面牆。講真其實頭先喺樓下睇都幾有氣勢，嚇得下人。


屌你右邊粒黑點係黑蜂，嚇撚死我



丸龜城天守
天守係一座城最具代表性嘅建築，同時喺戰爭時作為主樓、司令部、瞭望塔等等作用。除此之外其實天守越大亦越代表到個城主嘅霸氣同權力，所以秀吉嘅大阪城同曾經嘅江戶城都擁有好撚大嘅天守，係權力嘅象徵。不過丸龜城嘅天守好細..... 而且佢係現存十二天守最細嗰個


入面擺嘅都係嗰D野，城市歷史嗰D 有性趣可以入去睇下，但係因為個天守好細而且本身京極氏唔係咩特別出名嘅大名，所以都唔太多野睇。不過座野都成360年，就算唔係城膠都值得入去睇下見識下，或者見識下條好Q斜嘅樓梯

基本上現存天守都幾百年，所以喺入面行點都會"et et"聲。不過近排丸龜城好似有損毀閂左，去之前Check清楚好D

btw, 本身打算去食骨付鳥 (丸龜名物)，但係11點幾都可以成條街D食肆都唔開，WTF

繼續DAY2
見冇咩回應開始hea寫，大家應該都係唔想睇字嘅人
睇detail嘅自己禁入Blog睇啦

JR由丸龜搭特急過黎琴平 15分鐘，如果搭普通的話耐少少，都係半個鐘內。


JR琴平站
基本上一出就見到大大個鳥居，然後跟住鳥居直行 跟住大路行就會見到金刀比羅宮參道


唔知有冇巴絲同我一樣鍾意影沙井蓋呢 個個城市/町都唔同，但係依個真係睇唔明畫緊乜9


(重文) 高燈籠
古代時用作比丸龜對外海域用作燈塔用，建於1865，日本最高嘅燈籠。只可以喺外面睇，唔入得。


琴電琴平站
如果喺高松過黎可以喺高松築港站(高松城出面嗰個)搭琴電過黎，45分鐘，唔建議。
除左琴電同JR之外，之前曾經同時有共四條鐵路去琴平，應該冇咩人知。有人想知先再講。


本身想喺丸龜食骨付鳥，但係冇得食。所以喺參道求其入左間烏冬店食。反正喺讚州食烏冬都肯定唔會中伏。上圖唔記得幾錢，但肯定 <1200円，飽死


食飽繼續上路，行上去金刀比羅宮本殿都要行700幾級樓梯，小D腳骨力都唔掂。如果要去到奧社甚至要1300幾級。腳都斷。
行到表門已經開始攰，抖一陣飲啖水又行過。


擰轉一睇，屌你原來已經行到咁高。


過左表門之後，仲有大把樓梯。但係依個時候會發覺右手邊會有好多嘅奉納碑，而左手邊就有好多獻燈。D碑每個都寫住金壹封，即係1000萬円，而且依D碑(唔同價錢)仲一直幢幢幢幢幢幢到去奧社入面，可見金刀比羅宮幾咁受萬民敬仰同幾咁有錢.....


終於見到有座似樣少少嘅野，但唔好意思 依個只係叫旭社嘅社堂。前身係金刀比羅宮神佛合一年代嘅寺院部份嘅金堂，即係擺佛像嘅位置，本宮唔該右手邊 繼續行啦


本宮本殿
行撚左780幾級 終於都黎到
所謂毒撚行路快，我都算行得快嗰D毒撚，但係都要十幾廿分鐘先黎到，仲要扯蝦。真係唔係人咁品
但係唔好意思，如果去奧社唔該右邊繼續，行多六百級啦

喺依個時候想講下金刀比羅宮獨特嘅參拜習俗


1.金毘羅狗

金刀比羅狗雕像

因為古代交通唔方便，喺外地黎到四國金刀比羅宮實在要用太多時間，古代人就派佢地嘅狗去代主人拜神，喺佢地身上掛住旅費同埋奉納料、資料等等，而沿途嘅居民就會為D狗狗引路同餵佢地食野，依堆狗就被稱為金毘羅(金刀比羅)狗。依個情況係金刀比羅宮特別風景之一，喺其它地方好難見到。為左記念佢地所以就整左個像。

2. 海上守護神 船隻零件奉納

奉納螺旋槳模型


繪馬殿 後面放左奉納品，見到中間位置有架船仔

因為金刀比羅宮自古被認為係海上守護神，有好多從事海上事業嘅人例如漁師或者海軍都會黎為佢地嘅船祈福，所以金刀比羅宮入面係有好多船嘅零件或者模型拎黎做奉納，甚至有時會成架船拎過黎拜。

3. 流し樽

因為我影張相唔清，所以Google image借人地張相黎貼，版權歸原作者
(Source: http://www.taruya.com, copy right reserved by the original owner)
依個情況有D似上面兩個。如同其它神社一樣，金刀比羅宮都收到唔少奉納神酒。(如果去過東京明治神宮應該見到宮外會有一大堆酒樽) 但因為金刀比羅宮個位置比較麻煩，又喺山上面，所以喺附近海域經過嘅船隻為左得到金毘羅大權現 (金刀比羅宮嘅神，神佛合一時主祭)嘅祝福，佢地會喺經過嘅時候將奉納酒加枝旗仔寫住"金刀比羅宮 奉納人"之後掟落海，等經過嘅漁師或者琴平附近居民幫佢地拎樽酒去拜神。依個習慣到而家亦都仲繼續做緊。

有興趣可以睇埋NHK依段片
https://www2.nhk.or.jp/archives/michi/cgi/detail.cgi?dasID=D0004990214_00000

建築
有冇多啲相

極喜歡四國呢兩年去左兩次

建築<img src="/assets/faces/dog/wet.gif" class="hkgmoji" />
有冇多啲相

丸龜城唔係影左好多張
可以同去blog睇下，我冇搬晒過黎

我睇緊
請寫落下

LM

我上一鶴官網見佢營業時間係由朝早11點開始，除咗年末年始外年中無休，你11點幾去佢都竟然未開門？

我本身冇打算去搵指定某間店，而且我去旅行亦好少會特定去某啲舖頭食
去程時見沿路有食肆，亦有骨付鳥，知係當地名物所以打算回程行原路去食
點知11點幾都冇間開
下次有機會再食你講依間

其實骨付鳥我剩係識一鶴，而且呢間亦係最出名，高松都有幾間分店，丸龜嗰間更加係本店，我見個個都食呢間，我仲以為丸龜得一鶴係專賣骨付鳥架咋

嗰時路過好多間門口都掛住/貼住張野寫住骨付鳥
其實好多地方都有當地名物，正如喺仙台間間門口都寫住牛舌一樣
不過我真係唔多會特登走去搵，通常都係見到有當地名物食而又路過肚餓就鍾入去食就算
因人而異啦

btw講開牛舌，仙台味太助話自己係元祖，但係最多分店同最多人食反而唔係佢而係利久，得閒再開PO講，半夜講野食越講越餓

頭先sidetracked去講習俗 番番黎先
上回提要終於去到本宮本殿
真係拜神都要經過考驗，睇下你夠唔夠神心先有得比你拜


三穗津姫社拜殿
攝末社之一，喺本宮本殿隔黎

雖然仲有將近600級，但係一場黎到，又冇理由唔去埋傳說中嘅奧社度睇下。


頭先都有講到嘅奉納碑。由本殿開始又一路跟住D樓梯一直幢幢幢幢幢幢幢幢到去奧社
不過依邊D銀碼細左好多，最常見嘅係200萬円。可能亦因為咁，奉納主D人名都開始少，通常都係三兩個，甚至有D一個。

唔知係咪因為入左個山入面，個感覺冇咁熱其實好行過頭先上本宮嘅路。但係又與此同時多左好多蚊。


沿途仲有好多大大少少嘅攝末社，例如拜道真公嘅菅原神社。
如果對日本神道/相關歷史有D認識或者去過太宰府都應該知道叫得菅原神社自然係拜菅原道真，其實喺好多大型神社入面都會有菅原神社作為攝末社，金刀比羅宮亦唔例外。


又再行多十幾廿分鐘，攰到隻狗咁。終於都行晒1368級樓梯黎到奧社喇屌。
奧社相對比本宮嗰邊冇咁有氣勢，相反多左一份寧靜同嚴肅。簡簡單單幾座小型建築已經表達到嗰種莊嚴。
而奧社真命叫嚴魂神社，主祭嘅係金光院第4代別當金剛坊宥盛
唔知佢乜水唔緊要，我都係去到先知。佢就係將金刀比羅信仰發揚光大嘅嗰位人兄。而依位人兄死後藏左喺本堂附近，並傳聞於死前發誓會化身天狗保護金刀比羅宮是為 厳魂彦命 (神名)。


為左記念佢，除左奧社主祭之外，亦喺奧社左邊嘅崖上整左兩個天狗面具。
而依兩個面具亦都印左喺奧社限定嘅御守上面，亦即係所謂金刀比羅宮天狗御守。
咁難得行到攰咁撐到上黎，冇理由唔買番個做紀念掛??
(而且我覺得本宮嗰邊嗰d唔好睇 http://www.konpira.or.jp/charm/charms_2018.html)




















仆街，落番山都要行1368級....

其實行下睇下又唔覺好攰

留名

除左金刀比羅宮之外，琴平町仲有個好值得去嘅地方。
就係舊金毘羅大芝居 金丸座

所謂芝居，即係劇場。原本指嘅係草坪，其後引伸為劇場，亦再引伸為演技。
金丸座係現存最舊嘅歌舞伎劇場，已經有180幾年歷史，可以話歷久不衰。

由金刀比羅宮行過去又D麻煩
因為要喺D小巷同民居中間穿插，所以睇完Google map都覺得自己行錯路咁嘅感覺


如果你同我一樣喺金刀比羅宮落山過去，咁你就要一直落嘅時候留意右邊見唔見到依個鳥居，穿過佢行右邊


有條咁嘅巷仔直行


有個小地圖，過渠繼續向右
沿住山丘邊行到咁上下就見到


金丸座外觀

入場費500，入去之後應該會有導賞員帶你行。佢好似識少少英文，但係如果你識聽日文當然叫佢講日文好過啦。



踩喺舞台上面影過去
下面D座位全部一格格，叫做枡席，係傳統劇場嘅設計。左邊有條橋仔叫花道，係歌舞伎表演時會經過嘅路，可以由觀眾身邊經過，比大家可以近距離見到佢。

有時金丸座會有定期表演，如果去睇好似14000円up，有興趣又有銀両可以去睇下。如果唔係就睇下嗰日會唔會因表演而唔開放喇


後台亦會開放，入面有幾間好相似嘅房。包括梳、化、服嘅房，而家都仲用緊


前面條梯有個位可以喺台中間走出黎，導賞員大叔話依D就係古時嘅「舞台特技」 (用人力)


二樓都可以自由參觀。同樓下一樣都係TATAMI地，但係冇畫格仔。如果比我坐我寧願遠少少坐二樓


曾經經歷過廢棄、戰火、搬遷，終於喺近年得以重生，希望金丸座可以繼續守護日本傳統文化啦