想整一隻有關二戰 - 香港保衛戰既小遊戲

我都唔知自己頂唔頂到整完嗰日

我識你參考資料個作者。 鄺智文博士

冇人會想長玩一隻冇獎勵機制既game
一隻必輸既game，大家都只會當係行一次歷史進程，然後擺埋一邊，等到幾時心血來潮再拎返出黎

我明白巴打你想講咩，reward機制的確係遊戲設計入面一個好有用嘅概念，但reward都可以有好多種表現方式，如果只有所謂「贏」先係一種reward，咁我覺得對一個遊戲嘅設計嚟講好似顯得有D狹窄。
但都多謝你提醒返我reward依樣野，我會諗諗點樣可以令到玩家喺經歷史進程嘅同時，亦都可以得到唔同嘅獎勵體驗

過關、爆機、贏，呢啲獎勵係最直接係遊戲入面的的，你投入心力去玩，就可以決定賽果，得到正面的成就，呢種先係吸引到人玩既獎勵。「體驗歷史」呢種得著，係係遊戲出面的，只需要買左你隻game就會得到，同你點玩冇關係，咁就唔係嚴格黎講個種有效既獎勵。而且，一隻game無論你點玩，都扭轉唔到劇情，只能夠跟住歷史100%同步，除非整到assassin creed 咁既畫面同系統，否則都幾難吸引到「歷史愛好者」呢個小眾群體以外既玩家。
所以我覺得，既然樓主整得game，就唔好浪費左個set野佢。整一個historical scenario，再加條open end既if線，咁咪又吸引到一般玩家，又照顧到教育/紀念需要？

留名

唔知巴打你有冇試過我早兩日放出嚟嘅demo，或者有冇留意我主要參考嘅遊戲模式會係好似nuclear throne咁。
如果有玩過或者知道nuclear throne嘅模式，可能都會留意到遊戲方面係會傾向hardcore。唔係平淡，平鋪直敘，行兩步，同NPC講兩句野就過到關嘅RPG/文字小說RPG推劇情遊戲(唔係話依類遊戲唔好玩)，所以對玩家嚟講可以得到嘅(最少我認為)唔單單係只有知道歷史，亦都可以喺其中得到一定嘅(過關)成功感(雖然唔係人人都鍾意依類hardcore game)。
另外整多一個if scenario我認為絕對係一個好嘅設計，亦都唔會反對將佢加入去遊戲，但前提係要完成左遊戲嘅主要部份先(即係史實部份)，然後再睇情況(時間、人手、資源)可唔可以允許我繼續做落去。

魔獸爭霸3，整地圖，以日軍入侵香港，整個守城。完！

瞓前推推

巴打，我公司做開啲玩具marketing同kickstarter嗰啲，有咩可以搵我幫手

但我睇依家個勢應該有排都未可以搵巴打幫手

瞓前推推

係咪有得dl了

12月8日當係紀念活動已經出左個demo仔比大家試下大概係咩feel ，但未係完成品嚟
Patreon依個post入面有download link
https://www.patreon.com/posts/1941nian-12yue-8-23200371

dl係office玩

更新左demo入面嘅UI同字體，另外重有畫過D草地

依家開始會不斷改善demo入面嘅野同加入更多小型feature，令到小型demo可以更接近正式demo，最後試下用正式demo去做kickstart好或者其他方法籌集資金去做曬成隻game

巴打你份工咁得閒

講笑咋，坐係門口位邊玩得