[阿白與游智詩]英雄系列六：孤獨兄弟

俾阿池做迪拉斯嘅話事人

一喺做最強嘅賞金獵人

留名
其實同之前啲故有冇關係 有嘅話啊池咪好慘

支持

俾阿池做迪拉斯嘅話事人

一喺做最強嘅賞金獵人

可以遲下出既

留名
其實同之前啲故有冇關係 有嘅話啊池咪好慘

冇，依家寫唔出續集，果個故happy ending就算啦

留名

男人老狗叫自己做bb豬 慘

BTW,佢地同之前個故係原全無關係？只係用返個名？

故冇關係，但人物性格一樣

有村架純世界第一

啲錢閑閑地都幾十億

搵命搏架嘛

2.2

「叢雲早晨！」打扮高貴既阿白坐到叢雲旁邊

「呃...阿白早晨..」叢雲飲住保溫杯內既熱茶，點頭

「奇怪...咁多位，點解阿白係要揀我隔黎既呢...」




「叢雲呀，點解你會黎日本讀書既？」阿白問

「因為..我本身鐘意日本呢d有文化既地方」叢雲打開筆記

「嘻，叢雲你呢d人真係好少見呀..」



一路上堂，叢雲發現周圍既同學都好似談論緊自己同阿白咁

同時亦夾雜住仇視既目光

「阿白咁靚女...多人談論都係正常..」叢雲心想




「叢雲呀，我呢一段唔係好明呀，你可唔可以解釋比我聽下呀？」阿白友善地問

「嗯好呀..呢段其實係講緊...」



「如果可以同你講多d野就好啦」阿白凝視住耐心講解既叢雲，想著

「叢雲，我好想知道..你既所有野」

落堂後

一個同樣俊俏既男同學過黎

「咦你咪係阿白..？」


「丫...係你呀直樹」阿白面有難色:「原來你都係入左黎東大」

「嗯！咁耐無見，介唔介意同我食個飯呀？」


「呃..唔好意思呀...我約左同叢雲食啦」阿白尷尬笑道

直樹自知食檸檬:「...哦...咁好啦，下次再有時間先一齊食啦..」



出到演講廳後

「叢雲..唔好意思呀」阿白對叢雲道歉:「呢個直樹係我高中同學黎，佢好似一直都對我有意思..」

「但係你就對佢一d意思都冇，係咪？」叢雲飲住熱茶


「嗯，總之對佢無feel啦..」阿白再問:「咁...叢雲呀，不如我地..一齊食飯丫」

「...好呀」

第二日既傍晚

「叢雲，呢件好唔好睇呀？」阿白換上粉紅色既洋服

「嗯...」叢雲點住頭


「喂呀，唔好咁hea啦！」阿白扁住嘴:「叢雲你份人真係好悶呀..」

「啊係咩...」叢雲道:「阿白...我送你返去丫」


「唔返呀！」阿白拎住衣物去埋單:「點解叢雲你成日話要送我返去喎...你，好憎我咩？」

「當然唔係啦...只係..我覺得你daddy會好擔心你姐..」

「哼，我唔駛佢操心呀！」阿白取起多袋新買既衣服:「叢雲，我知道你會保護我既..」


「唉...雖然見返阿白好開心....但係再咁落去我只會令佢卷入更多危險..」叢雲心想:「一定要盡快交返佢比世伯」



「好好食呀！」阿白食住甜筒雪糕，跟叢雲於涉谷街上行走:「嘻嘻，我仲記得叢雲你唔鐘意食甜野」

「嗯...我唔鐘意起痰既感覺」



「喂呀智也，杯雪糕我架！！」前面正有一對情侶耍住花槍

「邊有分架...rina你d野咪姐係我d野」

「哼，唔睬你呀！」



阿白望住叢雲，心中不悅:「點解人地d情侶可以食雪糕咁開心，叢雲你就咁悶蛋喎...」

「！！」

叢雲感覺到後方有一團殺氣

呢個人唔係尋晚果d垃圾保鏢，佢...係真正想攞自己命


「睇黎係迪拉斯既人...要快d帶阿白走...」

叢雲捉住阿白既玉手:「阿白，快d行」

「...吓..？」阿白被叢雲嚇倒:「叢雲佢...主動捉住我隻手既」


叢雲拉住阿白，在濟逼既涉谷中穿梭

「雖然唔知叢雲做咩事，但係..咁樣都幾好丫..」阿白心裡竟覺得開心






兩人跑到附近既宮下公園



「...阿白...唔好意思，咩都冇解釋就拉住你跑」叢雲道

「嘎...嘎..唔緊要...」阿白抖住氣:「我相信叢雲你做野...一定有自己既原因架」

「阿白佢...竟然咁信任我..」





「望月叢雲...估唔到你會到左日本喎」

背後一把聲音傳來，係一個留鬚既皮褸男子


「可惡，都係比佢跟住黎...」叢雲對阿白道:「阿白，你走先..」

「我唔走」阿白斬釘截鐵道:「以後無論你去邊，我都一定要跟住」

「阿白..你唔好咁任性啦...」

「望月叢雲，你同你果個細佬響香港殺左幫我地洗黑錢既金管局副總裁，搞到我地公司蝕左幾十億，上頭已經落左order點都要殺左你兩個」鬍鬚男道

「...殺..殺左..？」阿白驚訝望住叢雲:「叢雲你..殺左人呀？」


「不過...今次我既目的唔係你」鬍鬚男指住阿白道:「白小姐，老闆吩咐，要帶你返去」

阿白躲在叢雲後面:「你係邊個呀？我都唔識你」

「我係迪拉斯公司既保鏢，中村虎」


「迪拉斯...？咪..咪即係直樹爸爸間公司？！」阿白吃驚

「咩話..？！原來直樹就係日本迪拉斯主席個仔..！」嚇倒既，仲有叢雲


中村虎行近阿白:「白小姐..老闆請你返去同直樹先生舉行婚禮，請你跟我返去啦」

「我唔會應承架！」阿白拉住叢雲:「我呢一世...都只會跟住叢雲架」




「如果係咁既話，就唔好怪我對佢唔客氣啦」中村虎取出脇差:「殺左你，之後再跟白小姐返去」


「阿白..雖然我唔同意你離家出走」叢雲亦拎出袋中既豬肉刀:「不過..我一定會保護你」



「叢雲佢...竟然咁溫柔...」阿白心中卻是暗喜

中村虎以拔刀式飛往叢雲前，揮刀斬向叢雲小腹

叢雲自知對方勢如猛虎，馬上下手以刀背擋下此殺招


「拔刀術..果然好快！」

中村虎既刀勢源源不絕，繼續利用脇差較豬肉刀長既優勢進攻

叢雲暫未能攻破劍圍，只好見招拆招，先擋住攻勢


「呢個人知脇差比較長，特登將攻擊拉到40厘米，等我唔可以入到埋身..」身為吸血鬼既叢雲心中計算:「要破呢種攻勢，一定要比佢快」




叢雲加快速度，反客為主進攻

「就係呢度！！」


「你既脇差長60厘米，但同時因為慢，招與招之間空隙較大，所以佢既劍圍只能以長遮慢」

豬肉刀橫砍揮向中村虎既左胸

依家搞個第一屆我最喜愛女角色選舉

http://7brahimovic.polldaddy.com/s/英雄系列-第一屆我最喜愛女角色


技術所限
同一個排名多過一個角色既話會當廢票

贏出既頭四位會各出2集外傳

push

舊讀者lm

舊讀者lm

hi，你好似係無敵光晨開始睇？

阿白 支持巴打

阿白 支持巴打

其實我鐘意新版阿白既性格多d

好睇既話請留個正評/投票

見到呢個po忍唔住又開翻舊版黎睇

見到呢個po忍唔住又開翻舊版黎睇