[阿白與游智詩]英雄系列六：孤獨兄弟

好緊張
加速

好緊張
加速

多謝支持，一陣有新一集

9.

南條勇拔出武士刀，斬向彌生

彌生不慌不忙用槍口擋住:「哦..就係果個玩自爆，炸鳩我間祖屋果條撚樣下話..你阿哥咁都爆我唔死，真係失敗啦！哈哈」



「你收聲！！」南條勇出盡全力，隔開彌生


彌生鬆鬆手腕:「嘩..你條友仔都幾大力架喎...」

「射死佢！！」

南條勇指揮部下舉起步槍，向彌生開出百多發子彈




「砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰砰」


「咁既子彈就想隊冚我..太天真啦！TRANS AM！！！」

彌生發動自己既吸血鬼能力，避過所有既子彈

「哼，以為著到鐵甲人咁就擋到子彈啦？」彌生以毫秒級數對住在場既迪拉斯守衛以double tap射擊



「砰砰砰砰！！！！」


「一秒時間就將十幾個重裝甲守衛解決，呢d...就係吸血鬼既力量..」

「不過...我都可以！」

南條勇加速，持武士刀追住彌生


「咦...你都有d速度喎..」彌生笑道

「我已經裝左最新既納米機械，依家既速度已經可以追得上你地吸血鬼啦！去死啦望月彌生！！！」

南條勇運用純熟既刀法，無間斷追斬彌生


彌生心道:「呢個人既刀法拍得住叢雲...太近距離對用槍既我不利..」

南條勇一刀橫砍，成功劈中彌生上腹


「嘩屌，好撚痛呀」彌生掩住傷口，繼續邊開槍邊退後

南條勇以神速避開所有子彈，衝向彌生


彌生:「傻仔...你中計啦！！」


「咩話？！！」

「你以為我唔擅長近戰所以避開你，其實...我就係特登引你埋身呀！！！」

彌生已經用槍瞄准住南條勇持武士刀既右手

「砰！！！」

南條勇右手手腕中槍，武士刀甩到半空之中

「佢...呢一切就係為左引我入局，我太大意啦！」南條勇為自己既急進感到後悔


「嘿，戰場上最忌就係心急，唔得冷靜」彌生好似一早估到武士刀既動向，跳到半空搶去武士刀


「刷！！」

彌生直接用武士刀，將南條勇既胸膛斬得血流成河！！！！



「呀呀呀呀呀呀呀！！！」

吃了致命一擊既南條勇痛得倒地




「唉，太耐冇用刀，同叢雲比都係差左少少！」

彌生掉開武士刀，用槍指住受重創既南條勇

「點呀？有咩遺言好講定啦...」


「要殺就殺，唔好講咁多廢話」

南條勇依然怒視住彌生

「不過...如果我死唔去..下次死既..就係你！！！！」

「砰！！砰！！砰！！！」


「近排用得太多，槍管似乎都開始老化啦..」彌生吹一吹槍管:「不過...依家最緊要既都係救左阿嫂先！」



彌生利用通話軟件:「叢雲，我搞掂啦，駛唔駛上黎幫你呀？」

「彌生你落去會合智詩，準備接應我地啦」

「哦..」

彌生只好拔足跑出婚禮會場


不過，彌生無注意到，中足三槍既南條勇

並冇化成血水......

「踏踏踏踏踏踏踏踏踏」

叢雲跑上梯級，追趕被渡邊雄介捉住既阿白


響叢雲面前，又再出現幾個西裝既迪拉斯人員

「又有守衛..睇黎係想拖延時間」叢雲拔出脇差，將保鏢斬得血肉橫飛

「唔好阻住我！！！」



阿白被渡邊雄介拉到上天台既停機秤

「渡邊先生，放..放開我呀！」阿白想鬆開佢既手


「白小姐，你唔好唔記得，係你話要同直樹結婚架...你想違反婚約呀？」渡邊雄介瞪大雙眼，望住阿白

阿白既爸爸連忙解釋:「唔...唔..唔係..」

「唔係就得啦，白小姐，請上直升機，我地會帶你去個安全地方」

渡邊雄介同阿白既爸爸夾硬將阿白拉上直升機



「阿白！！！！！」

叢雲終於趕到，上到天台


「叢雲！！叢雲！！！」響直升機上既阿白大叫

渡邊雄介指揮機師:「唔好理佢，起機！！！」

「直直直直直直直直直直直直直」
旋翼開始轉動，直升機隨即飛起


「叢雲！！！！！」

「阿白！！！！！」

任叢雲跑得幾快，都冇可能升到上半空中既既直升機



直升機開始向前移動

「白小姐..依家你可以安心，同直樹結婚啦，嘿嘿」渡邊雄介奸笑道




「我...唔會同直樹結婚架！！」

阿白鬆開渡邊雄介既手，退後到未關好既直升機門前


「阿白...你做咩呀？！返入黎先啦！！！」直樹大喊

阿白既爸爸亦嚇倒:「小靈！你做乜野呀？！」




「對唔住呀直樹，你的確對我好好」阿白微笑道:「但係...我最愛既，係叢雲，要嫁比你，我寧願死」

「叢雲..佢一定會救我架」






阿白合起雙眼，向後跳落半空


「阿白！！！！！！」直樹欲想捉住阿白，但不成功，只能眼白白睇住阿白墮向空中

「叢雲...救我....」

從高空墮向地面既阿白，心中祈求







叢雲既吸血鬼神經已經感應到阿白

「阿白...TRANS AM！！！！」


叢雲發動TRANS AM，以三倍速度起跑


「踏！！！！」


叢雲踏住天台邊，跳到半空中

飛往阿白處






叢雲捕捉好時機，伸出右手捉住阿白


叢雲利用自己TRANS AM既三倍速度，成功響半空中接過阿白

叢雲於空中轉身，以免落地時令阿白受傷


「撻撻撻撻撻撻撻！！！」

叢雲以背脊落地，成功著陸對面既商業大廈

同時，叢雲既背部亦因落地撞擊而受傷




「阿白...你無事丫嘛..」一臉汗既叢雲對眼前既阿白問

「叢...叢雲！」阿白見到面前既叢雲，立刻擁抱住佢


叢雲並跟阿白相擁:「你知唔知咁樣跳落黎...好危險架！」

「因為我知道，叢雲你一定會救我架！」阿白微笑道

「....阿白...」直升機上既直樹眼見此場面，整個人崩潰

「你寧願死...都唔願意嫁比我....」



「死八婆...」渡邊雄介嘆一口氣，拎起機內既一支火箭炮

阿白既爸爸心知不妙:「渡邊先生..你.你想點呀？」

「你個女咁樣落我同直樹面...」渡邊雄介瞄准住天台:「唔殺佢..難泄我心頭之恨」



「砰！！！」

火箭炮直射向天台上既兩人


「阿白，走呀！」

叢雲拉住阿白撲入逃生出口，及時避開爆炸


「咳咳咳...」阿白被爆風弄得一面灰:「呢個渡邊先生，竟然仲想殺我地」

「阿白...依家我地已經得罪哂成個迪拉斯，往後既日子可能好危險，你...仲願意跟住我嗎？」叢雲扶起阿白

阿白笑道:「只要可以同叢雲你一齊，我咩都唔怕架」







「渡邊先生，你想殺死我個女呀？」阿白既爸爸生氣問

「你收聲呀！！！」渡邊雄介一巴打落去:「唔係你間公司賣d稀土比我地迪拉斯，我會比直樹同你果個女結婚？你省d啦！」



渡邊雄介拎起對講機

「各單位注意，果對狗男女去左對面大廈，一定要搵到佢地，格殺勿論！」

第9集完

英雄救美
我估直樹之後會仲癲過佢老豆

三倍速之後會唔會有新技？

英雄救美
我估直樹之後會仲癲過佢老豆

唔講得

三倍速之後會唔會有新技？

冇啦，trans am夠哂屈

你地鐘意彌生定叢雲多d？

今個故既阿白定智詩多d？

投票
http://7brahimovic.polldaddy.com/s/英雄系列-第一屆我最喜愛女角色


facebook page，用黎9up
https://www.facebook.com/hkgnanase

點解可以錦好睇 啱啱睇番曬西野兄/妹既 英雄系列 不過孤獨兄弟今次會唔會有機會得到IID 既幫忙呢 如果石仔光晨出埋黎就好睇啦

推

點解可以錦好睇 啱啱睇番曬西野兄/妹既 英雄系列 不過孤獨兄弟今次會唔會有機會得到IID 既幫忙呢 如果石仔光晨出埋黎就好睇啦

今個故會有一個IID既人物幫手，不過係邊個就。。。。

石仔同阿玲黎緊既一個故會再出，仲好重戲份

光晨佢地就應該要等到the averagers式既大集合先會再出啦

推

你好呀，多謝

點解可以錦好睇 啱啱睇番曬西野兄/妹既 英雄系列 不過孤獨兄弟今次會唔會有機會得到IID 既幫忙呢 如果石仔光晨出埋黎就好睇啦

今個故會有一個IID既人物幫手，不過係邊個就。。。。

石仔同阿玲黎緊既一個故會再出，仲好重戲份

光晨佢地就應該要等到the averagers式既大集合先會再出啦

哇 原來你真係有睇 觀眾既意見 我係投票個到咁啱問幾時有石仔同呀玲 IID好多特工 記唔到咁多 有冇提醒 男定女 好唔好打

點解可以錦好睇 啱啱睇番曬西野兄/妹既 英雄系列 不過孤獨兄弟今次會唔會有機會得到IID 既幫忙呢 如果石仔光晨出埋黎就好睇啦

今個故會有一個IID既人物幫手，不過係邊個就。。。。

石仔同阿玲黎緊既一個故會再出，仲好重戲份

光晨佢地就應該要等到the averagers式既大集合先會再出啦

哇 原來你真係有睇 觀眾既意見 我係投票個到咁啱問幾時有石仔同呀玲 IID好多特工 記唔到咁多 有冇提醒 男定女 好唔好打

讀者意見我點都會睇+覆


唯一提示係





好好打既

各位好快就會知

push