一陣有野做,早出
12.
七人車駛到和歌山上既一間大宅
呢座大宅為西式風格,仲有一個大花園同游泳池
「終於到啦!!」彌生打開車門伸住懶腰:「揸車揸死我囉!」
訓醒既叢雲望住眼前既大宅:「哦...原來彌生你講果間屋..就係佢...」
「點呀,記得返未呀?」彌生笑道
「緊係記得啦..我地細個住過呢度架嘛,果陣你仲成日屙尿落去個泳池度tim」
「咦...彌生你咁核突架!」智詩露出嫌棄既樣子
「係喎,咁我地今晚食咩呀?」仍然著住婚紗既阿白問
彌生從車尾箱拎出行李箱同一個個膠袋:「放心啦阿嫂,頭先你地仲訓緊果陣,我同智詩bb豬響市中心買左餸..」
「咁今晚我煮丫!就當係...我多謝你地救返我」阿白雀躍道