【末日】 《末日下的那些人》 世界面臨終結, 我卻沒能登上方舟

普通, 這細佬還真是謙虛。

隨他所指的方向我們一直走, 很快就走出了滿是樹木的發射站附近,果然於路口一個人影站在那兒等待我們。

「三號~!! 我地返黎啦!」

「貝兒, 你頭先又唔按計劃行事!」

「咩啫,個女仔會死架我唔出手既話!」貝兒裝作生氣道。

的確, 她出手的時機再沒有壓後的可能。

「仲駁我!? 今晚差唔多啦, 飲左佢。」他向貝兒扔出一支像口服液的東西。


這時走遠我們才發現所謂三號, 原來一個帶著眼鏡的男人, 髮腳已漸白,但一身橫練的肌肉使人敬而遠之, 站得畢直的背脊滲出紀律部隊的風度。

「你地就係用電台挑釁惡人幫個班傻仔?」

......

言寄葉一臉苦澀的表情, 她還沒開口第N次道歉我就忍不住反駁:「第一次見面就叫人傻仔,咁樣好咩, 阿SIR。」

被我一語道破的三號眉毛一揚:「你又知我係阿SIR?」

「你既姿勢同動作, 再加埋呢兩隻德國狼狗, 太明顯啦。」

再說, 我在先前的日子中,最避忌的就是皇氣。這種感覺, 必須在人群中馬上發現以反制或離開,才使我現在才不是那些逃犯中的一分子。

從剛剛開始, 那兩隻狼狗就神氣地坐在三號腿邊, 雖然沒有命令牠們不會攻擊, 但我還是和二狗互相警覺著。

職業病。

「你地叫咩名。」

「楊子平, 言寄葉。佢係我地朋友肥貓。」

「好啦, 有咩事遲下再講, 你只要相信我地係好人就夠。」

好人? 警察嗎?

不, 我本能還是不能相信他, 這男人一臉老謀深算的樣子, 好像老差骨瞪著夜市中每個過路人的樣子, 如野獸掃視獵物般尋找獵物。

「你地可以叫返我做三號, 呢2隻係我巴打, 佢叫阿巴, 佢叫阿打, 佢地一直都係一齊行動,同埋冇咩人分到佢2隻, 可以一次過叫佢地做巴打。」

三號和巴打開始步行, 果然每一步都威風凜凜,腳下生風。走了一段路後,便是大路, 我們沿馬路向山下進發,回想起來我還是第一次於末日下的香港夜行。

「你地都攰, 我知你地一直試緊跟上我既腳步, 唔使勉強自己。」

不知為何就是不敢叫停三號...

「坐啦, 行動最忌不自量力, 我地可以抖下。」

我們找個視野良好的石地就坐下。

突然我發現除了我外, 言寄葉也一直瞪著巴打看。

「....佢地會唔會咬人?」她不知為何雙眼放光。

「我唔准既情況下唔會, 做咩?」

「我...我想摸下佢地!」

我,三號,巴打:「....」

「Squad - Stand easy! 摸啦, 佢地本身好乖。」

言寄葉試探式地輕觸巴打的頭, 聽到口令後的二狗都輕鬆起來,還把頭磨向言寄葉的掌心。

「你地...係咩人?警察?」

「我地只不過係一群普通既香港人。」

普通....這二字再次被強調。

「如果你見到岩岩貝兒一個打一百個既情況你就唔會話普通....咦, 佢做咩?」

貝兒從剛剛起就不作聲,沉默地坐在一角看著我們,現在於月光下甚至看到她雙頰發青, 粉肌下紫筋正在跳動。

「哦, 無咩, 佢係咁,我地係普通人,但貝兒佢....佢有D唔同。」

「唔同?」

「遲下再同你地分享, 我地算係民兵咁既組織, 末日下,個個都有唔同既選擇--」三號掏出一根煙點火,又遞給我。

「不了。」

「呼.... 有人選擇作惡, 但有D人都想做返D好事。」他舒出一口煙, 「有D野, 總要有人做。呢個係責任, 即使末日, 使命就係使命。你知依加每日都有人自殺架可?」

我沉重地點一點頭。

「自殺潮後, 都仲有人尋死。但你係街上,有冇見過大量屍體?」

一兩具總是有, 但的確和死亡數量有出入。

「就係我地去幫佢地收屍,希望死都有D尊嚴, 然後仲有人救火, 有人銷毀危險品, 有人清除危險建築,保護醫院...一開始都係幾條友, 依加就愈做愈多人。大家識做D咩又有心既, 咪去幫手做D野咁。 人,有時就係要D責任寄託下精神, 先可以係世界末日前唔痴線。」

難怪, 原來一直有人還默默地緊守著。

同一個末日, 有人選擇結眾作惡, 有人選擇結伴行善。

「至於我,當過差,守機場既,後來就自己出黎開保安公司, 佢地就想我搵D人去對付個班惡人幫。」

難怪貝兒和她弟弟都一副架輕就熟的樣子。

「頭先, 真係唔該晒你地。」

這是我真心的感謝。

「客咩氣呀, 係貝兒話山上面出左事, 先叫佢細佬同我去幫手,估唔到咁大陣象, 早知叫人黎幫拖。」

「貝兒佢.....」

「你應該見識過佢既本事?」

我怎可能沒見過, 現在我的手還在作痛呢!

「佢既事我唔想由我黎講, 如果佢想, 佢就自然會交代。但..佢係個好女仔黎,我只可以講既係, 佢睇左好多英雄漫畫,動畫, 電影, 小說之類既野, 所以先有時喪左少少, 唔好記係心。」

不不不,太難忘了, 沒可能忘掉!

「好啦, 天光前應該可以到,Squad – Attent - ion !」

口令一出, 巴打二狗馬上把翻出來的肚子收起,變回神氣的德國狼犬 。

「好好好得意呀!」

始終是個女孩呢。

「肥貓同貝兒都要睇醫生, 我地要去既就係個度。」三號站起來, 指向遠處。

在黑暗間,只有一座建築物放出光明, 如漆黑的怒海中一座閃爍著希望的燈塔。建築物四周掛滿了旗幟和直幡, 全部都以紅漆畫上了十字。除了象徵「醫療」的十字外, 還有幾支旗幟, 上面所印的,是獅子山的山脊線,上黃下黑,如雄獅在夕陽下回首咆哮的剪影。

「以前叫嘉諾撒醫院, 依加我地叫港島北基地。 Watch-point Island North, W.I.N。」

今晚冇文, 聽日補返數。

先打下個故既背景補數。



末日下的那些人, 本來打算係用一個短篇既方式連載, 講主角係末日倒數下, 係唔同地方遇上唔同人, 睇到唔同人既處景既故事, 然後又想唔同人原來背後竟然有連結咁。 後來, 發覺第二個部分更好玩, 於是就由分開既唔同短篇, 變成一個有主線故事既故。因為個故係一邊寫一邊諗, 所以你見一開頭主角都冇咩性格可言, 因為想平凡既主角突出到其他人物既故事同末日下既取態。

我一向寫故都係有個大方向, 細節一邊寫一邊諗, 例如太平山篇之中, 一開始腦中就只有 1. 電台令言寄葉舒發感情->2.引致傑少覺得受辱而黎尋仇->3. 帶出言寄葉同許少傑呢2個人物既性格特點->4. 最後而英雄組織/民兵之類既野收尾, 完結太平山篇。

而全故, 將會圍繞「存在意義」而繼續發展。

但係寫到一半, 我發現鍵盤下既角色開始有自己既選擇, 好似活過黎咁, 好似言寄葉舉刀自殺一下, 事實上當我寫既時候, 我自己都未諗過 只係呢一個角色, 一路以黎既塑造, 令佢係呢一個場面會作出呢個選擇, 先係最合理。即係我所謂既角色自行好似活過黎作出決定咁。

我好享受呢一種創作方法, 因為末日下的那些人, 係講人, 講人既行動, 取態, 一D前期冇咩戲份既角色我會俾返機會佢行動, 想佢有血有肉, 而唔只係劇情需要而存在。

末日下的那些人唔多人睇, 但我自己真係好鐘意, 多謝每位巴絲既支持, 留言, 正皮, 希望大家睇得開心, 繼續追POST

呢個係我FB PAGE, 如果有未採用既發展/其他花絮,都會係FB POST返, 多謝大家支持 https://www.facebook.com/lihkgvantablack/

VantaBlack
末日前 220日

push

重新走起後, 我們終於到達了W.I.N, Watch-point Islans North.

路況隨著我們漸步近而變亮, 不同的旗幟因風而吹得「伏伏」生響, 但四周出期地寧靜。

今天我實在經歷了太多生死關頭, 現在已經是草木皆兵,正當我神經再次緊張起來的時候--

「靜D, 佢地全部都訓緊教。」

佢地..?

這時我才看到, 在WIN附近的馬路上, 有著不同大大小小的帳篷, 看鞋子和雜物, 目測有上百人住在這邊。於末日下, 全無資訊流動可言, 沒有了網絡,我們根本一無所知。所以即使是在中上環附近活動的我也從來不知道這兒有一個這樣大的聚落。

我們點點頭, 靜靜地穿過帳篷,到達了WIN的入口。

「三號。」那名身穿迷信戰衣的男人已經在等待我們, 他正經地向三號點點頭。

和他姐姐真是相反呢。不過現在貝兒也很安靜。

「舜兒。 你地見過面?」

「見過。岩岩辛苦晒兩位。」他輕輕躬身。

我連忙揮手:「點會, 係你地救左我地先岩。」

「真係, 好唔好意思..」言寄葉罕有地低頭認錯。

我笑笑看著她, 她又馬上生氣地踢我一腳, 害我輕呼一聲哎呀。

「係度會嘈到人訓教, 個肥佬呢?」

「羅醫生睇緊佢。」

「好, 我地入去再講, 帶你家姐搵羅醫生。」

我們進入WIN內部後, 發現其中的布置和以前作為醫院沒太大分別。

「呢邊係醫院, 我地仲有戰略室, 會議室, 裝置室.... 你地介唔介意係會議室訓住先, 天光後我再為你地安排。」

「嗯, 唯有係咁。」感覺全身好像快要散架一樣。

到達會議室後, 感覺我和言寄葉好像有無數話要說一樣, 但我們卻沒有說半句話。明明小行星即將滅絕一切, 但我們卻沒有和對方說話。

感覺有點東西, 需要時間沉澱。

一夜無夢。

......

...

有人。

本能中的警覺性使我從睡夢中刺醒,第一時間我就是把手探向槍袋---

「你醒啦咩。哼。」

原來是言寄葉。

看看手錶, 時間是上午八時。賤骨頭就是賤骨頭, 明明快要末日了還是改不了上班培育出的生物鐘時間。

「早晨...」

「等左我成十分鐘..」言寄葉碎碎念。

我苦笑:「你可以叫醒我..」

「我...我未試過叫醒人!唔呀!」

看來回覆精神了呢。

「你....同唔同我去搵下貝兒?」

我想了一想:「佢尋日唔係話要搵醫生咩?」

「係, 依加應該休息緊, 我想同佢講聲..多謝。」

我恥笑道:「你又怕醜?所以要搵我陪你?」

「緊緊緊緊緊係唔係啦!!」

戲弄她實在是一大樂事, 她的笑臉和淚顏同樣動人。

「行啦, 我地的確欠佢一個大人情。」

找貝兒前我們先找上了三號, 地點是在天台。

「一!二! 一!二!啊, 楊子平, 言寄葉, 一唔一齊晨操?」指揮著幾個年輕人步操的三號一副中年的身體但出了汗肌肉緊繃得發亮,言寄葉莫明地吞了一口口水。

絕對不要, 會死。

「唔啦, 仲攰, 尋日太Chur...」

「咁呀, 你地唔訓多陣?」

言寄葉道:「我.我地想搵貝兒。」

「哦, 師姐佢係402號房呀。」一個年輕人說道。

「多事!邊個叫你答, 加操10個圈!GO!」老差骨還是老差骨。

「SORRY SIR! YES SIR!」

我不明白為何有人快要末日還要找這種苦頭來吃, 老實說, 許少傑的說話不時會引發我一連串的思考。

生命意義何在?

盡頭將至的生命, 我們應該盡情放縱, 還是堅守信念?

「佢的確係402, 貝兒,舜兒都係度, 如果佢仲訓緊教就唔好搞佢啦。」

....
..

「嗯, 我地識做。」言寄葉點點頭, 順便用手肘撞撞我的手,使我從思考中回來現實。

「等陣黎搵我地食早餐啦。巴打都係度。」

「好!」言寄葉真的很喜歡那兩隻狗呢...

找到了402的病房後, 由言寄葉輕輕叩門。

「係?」房內傳來女生的聲音。

「貝兒....啊, 唔好意思。搵錯。」

病床上的是一個斯文的少女,連應門聲也溫柔嬌弱,樣子大約20歲,應該比言寄葉小幾年,床邊全是書本和花草, 不會是她。

走出病床,我回頭看看。

402

歐貝兒

.......嗄?

「我咪係歐貝兒囉..?」

「家姐, 有人搵你?」歐舜兒從洗手間走出來。

....

...

嗄?!?!

那個會雙手握拳用力到自己手掌也刺出血,雙眼紅筋暴沖的,咆吼著「SMAAAAASH!!!!!」沖向敵陣的歐貝兒!!

是!這!女!生?!

你誰啊你!

「貝兒...係你?」言寄葉試探聲地問道。

「係呀, 咁快唔認得我?」她淺淺一笑,笑容如照射她的陽光般燦爛。

....我還是沒法相信自己的眼睛。

舜兒托托眼鏡:「睇黎只係記住左尋晚既你。」

貝兒苦笑道:「睇黎係。」

言寄葉走向她:「尋晚既傷, 你冇事呀嘛?」

為甚麼言寄葉只對我不會用這種態度....

貝兒輕輕搖頭:「無事, 我身體好捱得。」

我沉聲道:「係同個支口服液有關,係咪?」我尾隨言寄葉, 順手帶上大門。

「我.....」

看來有難言之隱呢。

我抓抓頭:「你絕對可以唔講, 我會尊重, 只係你救左我地, 我地都好想幫返你做D野。」我向言寄葉示意, 她也點點頭,捉著貝兒的手。

「其實, 都唔係咩唔可以講既事。細佬, 我講唔講好?」

拜託, 我很想知道啊, 別吊我胃口!

「我無意見。再者, 我家姐識多2個朋友都係好事黎。」

其實他很關心自己的姊姊吧。

貝兒溫柔地坐直身子, 仰頭瞇眼道:「我啊, 自細就仰望住唔同既英雄。」

第四章- 末日將至, 選擇了戰鬥的英雄

完

第四章- 末日將至, 仍仰望英雄的弱者

第四章- 末日將至, 仍仰望英雄的弱者

這是一段往事。

歐太氣急敗壞地查看還在念初中的歐貝兒的傷勢, 幸好除了一些擦傷外沒甚麼重創。

「講左幾多次!」她仔細地幫女兒消毒傷口, 「你身體比其他人弱, 絕對唔可以打交!」

貝兒不憤地道:「佢地郁手先既!佢地笑晴晴係鴉烏婆呀!D英雄話過, 見到弱者求救就應該幫手!」

晴晴是歐貝兒班上的同學, 因為臉上有一塊胎記而常常成為人家的欺負對象。

「就算係咁, 都唔可以打交, 可以搵大人架嘛!」

「附近都冇人!如果唔係佢地有三個高中生幫手, 我一定打得贏!再者, 細佬佢用彈弓都打....」

「你...你打架會死架!」

歐太情緒失控, 說出不應該說的事,雙湧出淚水。

即使是只有13歲的歐貝兒也知道媽媽是認真的。

「...媽咪你..話咩...」

「你...冇野啦,你當冇聽過啦。」歐太別過頭去不說話。

「我..我會死?」

那天終於來到。

歐貝兒知道了自己末日的降臨。

再強大的正義感, 再堅韌的意志也沒法扭轉的結局。和小行星的末日一樣----

只是有些人的末日, 會被其他人來得更早一點。

歐貝兒患上的是一種遺傳病, 四肢肌肉會漸漸失去活動能力,隨她漸漸長大病情就會隨著惡化, 最終失去所有行動能力,器官衰竭而死。

醫生的判斷是歐貝兒活不過23歲。

然後就在她19歲開始發病的時候, 小行星被發現,並幾乎可以肯定會撞向地球, 人類文明終結。

-----------

聽後, 言寄葉和我都沒法說話。

眼前這女孩,她的短暫人生竟然經過了兩次的末日宣告。

「我自細就好鐘意睇英雄片, 仲成日俾媽咪話點解我明明係女仔, 反而鐘意睇呢D。」她指向那些書, 現在我們才看到全是漫畫和輕小說,講的都是不同英雄的故事傳奇。

「所以.....想係自己死之前, 想係呢個世界大結局之前,做下英雄。」她坐於床上握緊了微抖的拳頭。

「外面既人都被人遺棄係地球上, 雖然無英雄會救我, 但我想成為保護佢地既一份力量..」

說到這兒, 貝兒取出兩支注射器:「呢個就係我既力量來源,由羅醫生研發既特殊藥劑,作用類似係運動員既禁藥咁, 但效果超級強,令我係短時間內獲得巨大既力量,速度, 抗擊同反應力, 但副作用就係會亢奮, 情緒失控等等....」

「未經過實驗?安唔安全?成分係咩?」我取起仔細查看,感覺像是興奮劑之類的東西。

「就黎死既人, 生效就夠。」

「......咁個支口服液...」

舜兒代答:「解藥, 成分似係鎮靜劑咁。家姐, 你既壽命本身已經唔長, 你再咁用呢D藥....」

「如果我呢副就黎死既身體, 可以用黎救多一個人, 一條命, 又算得係咩呢。」

「救黎都冇意思, 200幾日後佢地全部都會死架啦!」

貝兒虛弱地說:「即使係咁, 有人需要我, 我..就要去幫佢地!」

「唉......」舜兒搖搖頭。

言寄葉雙眼淚光閃爍:「你用個D藥, 會傷到你?」

「嗯, 或多或少, 但反正我本身都活唔長, 只要幫到人....」

「以後, 唔好再用呢D藥。」 言寄葉一下子沒收掉注射器。

「下?!但係...」

「同我好好珍惜自己先! 每個人條命都有價值, 無得話你短命D就可以用你黎犧牲品!」

言寄葉說中了。貝兒除了英雄情意結外,還有一種情意結, 就是自我傷害, 自我犧牲, 沉醉於自己的悲劇浪漫之中。

「但..但係, 反正要有人受傷, 我就係最好既選擇。」

「一個唔珍惜自己既人, 唔算得上係英雄。」

「.....好啦, 反正我短時間內都用唔到。」

「點解?」我提出疑問。

「藥效期間, 我家姐都係會受傷, 只係麻醉效果令佢唔會痛而,可以作出反擊同繼續戰鬥。實質上傷害都係度。」

簡直是自毀式的行動!

「我仰望英雄,但世界既然無英雄, 就等我黎.....」

「唔得呀, 咁你會死架。」

感覺對話可以在死胡同中纏繞了。

我浮誇地咳嗽一聲打斷二人的無限輪迴對話:「總之, 貝兒未休息返之前, 都唔好準用注射器, 舜兒, 你唔好俾佢用。至於佢好返後, 我地會成為W.I.N既人, 務求以後貝兒都唔使用注射器。好, 搞掂, 食早餐。」

餓死了。

貝兒苦笑道:「唯有係咁先, 反正我依加再用注射器, 身體都會受唔住。係呢, 你地見過羅醫生未?」

沒記錯的話, 這個羅醫生就是製作注射器, 鎮靜劑, 治療肥貓和貝兒的人, 竟然不理會貝兒的自毀行為, 我對這人的印象已經很差, 即使還沒見過一面。

言寄葉道:「未呀。」

「佢係WIN入面算係同三號一樣既中流砥柱, 你地可以見下佢。重有.....言寄葉..」

她笑道:「你都叫我寄葉啦。」

「嗯, 寄葉, 我地..算唔算朋友?」

她一定一直也沒甚麼朋友吧。這病一定需要接受不同的治療和療程, 醫院裡的人來了又去, 我能感受到那種感覺。

「咁梗係啦!」言寄葉一把抱住她。

「嗯, 多謝你!」貝兒高興地抱回去。

走出房間後, 言寄葉臉上的表情, 馬上消散得一乾二淨, 連我也意想不到。

一臉認真的她, 也是我第一次看到。

「我要去搵三號。」

「.....下?」

「唔可以再俾貝兒用個D藥, 更加唔想要俾人救, 我要有自己既力量。」

「嗯, 加油。」我向她揮揮手, 走向餐廳。

「你係咪人黎架, 一齊啦!」

「唔呀!最憎做運動!」這次我斷然拒絕。

concept幾正，正皮

幾好睇
新讀者留名

睇晒，好有現場感
再入嚟推post
期待下一話