第二章- 末日將至, 選擇了廣播的大叔
一如以往最吸引注意力的是一堆太陽能板和風力發電風車。太平山山頂被人改建成環保農莊一樣。所有電線把它們接起來, 然後駁到在本來的發射站附近一間木屋。
木屋後又有一條「隊道」伸出, 刺穿發射站本來的鐵絲網和入口, 直接連接著發射站。
「我地..係去個度?」
我點點頭:「冇錯, 不過呢個時間---」我看看手錶, 正好是下午一時五十二分, 「食D野先。」
說罷我放下相機, 找個在陰涼位的角落座下, 取出一罐可樂和收音機扭開。
「你個袋到底有幾多野係入面.....同埋呢個時勢收音機一早就......」
我輕輕搖頭, 示意她看看那邊的電力裝置和發電站。
大小姐的頭腦應該不會太差。
果然--
「個度, 係電台?」
「嗯, 每日朝早十點, 下午兩點, 晚上八點, FM85.2會有野聽。」
收音機的沙沙沙沙噪音開始有改變。
「.....喂喂喂?呵呵, 有聲, 歡迎大家收聽 852 末日電台, 我係你地既主持人, 肥貓!」
別說是磁性, 這聲音根本一點也不好聽, 更加連咬字也是懶音連連。
「呀, 好熱呀今日, 大家好呀, 我係肥貓, 今日...今日係世界末日前既212日...呀唔係, 係221日! 係!今日係末日前221日, 中午既廣播, 大家好嗎!」
內容重覆, 資料念錯, 咬字不清, 看來我絕對沒較錯頻道, 不過反正只剩這頻道可以聽。
「今日要聞!!」
太做作了。
「地球上所有既無線電發燒友, 今日都收到來自太空方舟044號既通訊, 船上既人工智能表示, 已經對曲速引....引驚, 既開發取得重大取展, 而且已經透過通訊同其他人工智能共享左, 人類可以到達適居星球既機會, 第一次突破50%!」
連字也不會, 是引「鯨」, 不是引驚.....
「第二單! 飛緊黎地球既小行星, 哥白尼Y-2AB9S目前按軌道前進, 亦未有任何跡象會改變軌道, 大家可以話係死硬既, 咁有冇死軟呢, 哈哈哈哈!!」
......
感覺我不應該給言寄葉聽這種爛廣播。
「哈哈...死軟~!哈哈....」她抱腹大笑。
....
不是吧?!突然她在我眼中的印象有了某種改變。
「末日天文台天氣報告, 夏日熱辣辣, 最高氣溫係31度.......」
我們就這樣坐著把852末日電台的午間廣播聽完。
「.....我地夜晚八點再見! 為大家送上一首E神既陀飛輪!」
末日聽陀飛輪真的好嗎?!
眼見言寄葉聽得津津有味, 我也等到廣播把歌放完才關上收音機。
「點..點睇?」
「好好玩Wor! 你識個DJ?」
他算是DJ嗎?
「叫做識。」
「佢依加係入面?」
「係...」
「黎啦, 我地去見下佢!」
別這樣, 言寄葉...
你絕對會失望的。
