【末日】 《末日下的那些人》 世界面臨終結, 我卻沒能登上方舟

寫故好重視畫面

晚飯後,貝兒, 舜兒也來我們的房間找我們。這兒的我們當然是指我, 言寄葉, 和小莉。

「貝兒姐姐!」小莉一看到她就過去跳到她身上。

「小莉~! 哎呀, 咁重既你....」貝兒抱著小莉向沙發走去, 「傷口重痛唔痛呀。」

小莉就是有這種討好任何人的功力, 還記得第一次見到的時候她還叫我全名, 現在這性格才是她的真性情吧。

「家姐, 小心呀...」舜兒連忙跟過去。

「仲有小小痛.....」

「咁要聽齊姑娘話呀!」

「嗯, 知道!」

...........

「阿平, 做咩眼甘甘咁望住?」貝兒回頭和小莉一起看著我。

「...冇野。」我真幼稚。

言寄葉走過來一起坐下, 笑著說:「佢覺得自己都成身傷但係無人理佢呀!!」

「哈哈哈..!」眾人哄堂大笑。

喂, 相比小莉我的傷可能真是沒有致命性, 但我也是重傷好不好, 現在呼吸也會痛呢!

「唔使理佢, 小莉, 我地繼續。」言寄葉無視一臉通紅, 血壓隨時使傷口爆開的我向小莉張開臂道。

「唔該寄葉姐姐~」小莉倒在言寄葉懷中, 把一頭黑髮靠到言寄葉的胸膛。言寄葉也繼續幫她縛著各種不同的馬尾。

「記唔記得我個時講過要同你講故事?」貝兒用微抖的手掏出一本書。

「嗯, 記得呀, 咩故事黎架?!」

我坐到言寄葉身邊把頭倚著她的臂膊, 斜眼一看一看書名---

《阿瑟王傳說: 石中神劍》

不, 不不不, 那成人向的吧?!

「哦..阿...阿.咩王?」小莉識字不多。

「阿失王, 讀失音。」

定眼一看, 原來是迪士尼的那個阿瑟王, 不是那個成人向的。先不提那傳說到最後的超糟糕劇情, 那部書適合小莉讀。

而且她還算和那位王有點緣份呢, 說到這兒我就不禁微微淺笑。當然感覺到我嘴角上揚的也只有我倚著的言寄葉。

小莉被言寄葉抱著梳理著烏黑秀髮, 我倚在言寄葉的香肩上, 貝兒講述流傳千古的英雄事蹟,舜兒帶著不同的玩具和零食。即使窗外秋天正靜靜的來到,涼意四溢, 但我們的房間內總是有著溫馨, 如果以這樣子作為末日, 倒是一個不錯的完結。

幸福的日子在最後的歲月間漫延著,故事於每天的晚上,在貝兒的言葉間上演, 阿瑟王, 雪后, 隊長, 萬事屋......一個又一個的英雄事蹟在我們的房間飄過, 這環節漸漸變成小莉每天最期待的時光, 不太識字的她經歷著前人寫下的每一篇精彩故事, 總是聽得津津有味。

回過頭來, 秋意已濃,按曆法計算中秋馬上要來到。

距離世界末日只有155天。

「孫悟空將手向天舉起, 透過界王既幫助向地球上所有人叫話, 佢話, 地球上既眾生啊! 請你地分少少元氣俾我啦!」

「哦! 要放大絕啦! 之後呢!」

貝兒笑笑道, 蓋上手上的龍珠:「夜啦小莉, 聽日我地再講好唔好?」

「唔呀! 邊有咁架! 明明就黎可以使出元氣彈架嘛!」

我記得不是這樣順利...

「嘻, 乖, 去訓教啦, 女仔要識得訓美顏教。」

「但我重想聽...」她又嘟起小嘴撒嬌。

「你依加去訓, 我地聽日講晒魔人篇好唔好?」

「貝兒姐姐你話架!」

總算說服這小丫頭去睡覺了。

「阿平, 出一出黎。」舜兒向我說道。

「嗯..?」

言寄葉把小莉捉去刷牙後, 我和舜兒, 貝兒走到房間外。漆黑的走廊, 只聽到門入面二人梳洗的水聲。

「其實係齊老大搵你, 我都唔知咩事。」

「嗯, 咁我去搵佢, 我知條老狐狸係邊。」

「咁我同家姐返房先。」

「早抖啦。」

「早抖。」

我沿著有點涼意的走廊走到那個屬於齊老大的辦公室中。

鎖了?

那當練習一下吧---我輕輕掏出百合匙, 花了四秒打開鎖頭。

退步了呢。

「阿平, 你黎啦。」

這傢伙坐在陰影下的樣子使我更大戒心。

「搵我黎又鎖門, 算點先。」我轉兩圈百合匙收回暗袋中。

「無, 你係赤柱都辛苦晒啦....」他轉身提起酒杯輕呷一口, 「有冇興趣去個地方放個假當休息下?」

又來啊?!

第十三章- 末日將至, 傾聽著故事的女孩

完

第十四章- 末日將至, 許下了願望的青梅

又放假 上次去赤柱渡假結果變左大戰

屌你今朝十點多點追到而家。餓撚到我頭都暈埋

多謝絲打支持

最佳賣隊友

預告

末日下的最後一個秋天, 天是涼的, 地是涼的, 人心卻未見死寂。

他和她的故事, 要從20年前說起, 但是卻也到此為止。還是說, 即使沒有末日, 也早已完結?

有人幸福, 就有人消愁, 世界上不存在令所有人幸福的放棄。

相違背的願望, 只有一個可以如願, 另一個注定落空。

不論把手掣推向各方, 火車軌上總有人會要死去。

默默守護著的騎士走到了盡頭。

他畢生的願望也是以她為主角。

只是他卻只是另一個故事中的閒角。

愛情沒分對錯, 卻有好與壞的結果。

大學校園內, 一個男人要作出選擇。

「我本來就想自殺。」

有人是連死的勇氣也沒有。

「為左佢, 我先可以生存落去, 大家都笑我傻。」

他的眼神如有深淵潛伏。

「如果我仲有願望, 我大概只有一個。」

守護之路, 可以由惡意鋪成。

天使之路, 也可以通向地獄。

「我希望----世界末日。」

末日下的那些人

秋之願篇

有人幸福, 就有人消愁, 世界上不存在令所有人幸福的方法

而家睇返先發覺自己餓到字都打到亂晒

歡迎加入講故檯 有時係會餓住肚為咗追到live

我食飽飲夠, 結果都係打錯晒D字.....

屌你快啲出文好過啦咁多嗲，我唔想諗聽日晏晝食乜呀

咁惡既 出文

呵返 快啲出文啦，乖

第十四章- 末日將至, 許下了願望的青梅

「哎,屌, 入錯房, Sorry!」我一手摔上大門拔足就跑。

「喂, 阿平!」齊老大的聲音從門後掩至!

「當我冇黎過!當我冇黎過!」

「唔好咁, 今次真係冇事!」

我一拐接一拐地向前逃跑:「你都痴撚線既!上次去渡個假最後變撚左世界大戰, 又黎?! 不了! 不了!」

「你聽埋先啦! 係咪當我次次都陰你先!」

「其實的確係, 你走呀, 咪撚埋黎呀!」我隨手拾起走廊上沙發的咕臣向背後的齊老大扔去。

「今次唔係, 真心唔係!」

「寄葉, 救命呀, 有人又要玩部落戰爭呀!」

身在其他樓層的她當然不會聽到, 身上還負傷的我也馬上被齊老大追上, 他把我一拉就令我失去平衡摔坐到沙發上。我當然不輕易投降, 可是才剛想站起來, 他就一疊文件拍到我胸口把我連人連文件擊落。

「嗚...咳咳! 乜野黎...」

我拿起一看, 標題正是「赤柱光復戰報告書」, 掃視一下目錄, 原來是肥貓那報告的全文。這也太厚了吧。

「想叫你幫我送個信啫, 咁大反應。」

我反一下白眼:「上次去渡個假, 搞到我係鬼門關彈出彈入十幾次又點計先。」

「我事前都...都..都唔知會搞到咁架!」他眼神飄忽。

不, 這老狐狸絕對知道!

「送報告你搵第二個啦, 搵個病人做咩, 咪撚搞我。」

「唔係, 今次呢單野你應該會有興趣。」他故弄玄虛。

「不了, 除左小莉同寄葉我唔會再對其他野有興趣。」

「一講曹操, 肥貓就到。」他向遠方剛登上樓梯的肥貓揮手道。

「肥貓....?」

看著他走過來, 我試探地問道:「單野同佢有關?」

「哎喲, 有興趣啦?」

我搖頭:「當我冇問過, 千其唔好講。」

「哼, 等陣我就要你求我。」

肥貓走到我們旁邊:「遲左少少, Sor.」

「唔緊要, 我岩岩先捉住阿平。」

「捉...?」

我向肥貓求救:「大佬呀, 俾我抖下啦....」

「呢單野唔會有咩事啦。」肥貓取出一部IPAD, 這傢伙從附近的電器店撈到不少好處吧。

他點開一條錄音道:「大約十日前開始, 我地截聽到呢一段無線電。」

錄音播放。

「沙沙沙沙沙沙沙沙沙楊沙沙沙沙沙」

........?

「哦, 我好有興趣, 不過玩沙唔岩季節, 早抖。」

「屌, 聽埋先啦!呢段係五日前截到。」肥貓撥到下一條錄音。

錄音播放。

「沙沙沙沙沙沙...楊.....沙沙....子.....沙沙沙沙沙」

喂, 不會吧...

一陣不安的詭異感升起, 手上的汗毛通通指天, 那把連男女也分不到的聲音......

「最後, 尋日截到既錄音。」

「沙......楊子平.......沙沙.....楊子平.....沙沙沙....」

那聲音, 在叫我..

「邊個黎?」我吞一下口水。

「問題係, 我地無人知道。呢班聲生硬, 比較似係電腦合成, 再透過無線電向四方八面廣播。你..識唔識D咩變型金剛之類?奧創? 初音? 」肥貓收起IPAD。

「唔識呀, 乜撚野黎架...」超怪異的感覺。

「點都好。」齊老大說道, 「我地已經追蹤到信號既來源, 而來源就咁岩係你要去送信既地址。」

巧合?! 繼續吹!

他把赤柱光復戰報告書塞到一個牛皮紙袋中, 上面寫著「香港大學 港大同盟營地 馬教授收 星之曙光計畫」, 然後塞到我懷中。

「呢個馬教授, 搞緊D野, 需要呢一份報告書, 而佢都係無線電通訊同電腦科學既專家, 佢可以幫到你。」

我看著紙袋, 心中卻動搖起來:「唔得, 你最好交代埋佢搞緊咩。等陣又有個痴線宗教點算。」

無線電通訊, 電腦科學, 這傢伙要上方舟絕對不是問題, 理應是在優先登上方舟的名單上。可是卻在這兒「搞緊D野」?! 絕對有可疑!

齊老大笑道:「你呢...疑心真係重到。佢地依加搞搞緊既係一個叫做星之曙光計畫既野。」

星之曙光計畫....?我望向肥貓, 他搖頭表示這名字不是他起的。

接下來, 齊老大為了哄我中計而向我簡介了星之曙光計畫的詳細。

星之曙光計畫由香港的大學眾教授共同發起。因為是方舟計劃的最後一部分, 直到這計劃完成整個人類應對末日的計劃才算是完結。

於方舟起飛後, 我們的活動, 行為, 社會, 文化, 甚至宗教等等都處於無法觀測的狀態, 因為即使觀測了, 觀測的記錄也會因小行星的滅世一擊而燒成飛灰。但,末日下的人類是一個重要的觀測對象。

所以一群自願留下的科學家會留於這死亡前夕的行星上, 收集著人類於末日下的不同記錄, 例如相片, 文字, 影片等等, 把這些記錄數碼化, 帶上一部分的物證一起被塞到一支小型火箭上。收集的工作會持續到末日前的五日左右。

於末日前五日, 這些火箭會被發射出去, 以更快的速度追上方舟, 並被方舟回收, 再由所有方舟共享, 以確保那一艘方舟能到達適居星球, 在這末日前的記錄也能被保存下來。

以上, 為之「星之曙光計畫」。

「哦.....」聽完後我的確是感到驚喜。

「因為獅子十字會算係...正派少少既角色, 星之曙光計劃香港負責人, 馬教授搵左我幫手。所以, 呢份赤柱光復戰既報告書係為左星之曙光計畫而交俾佢, 冇陰謀, 冇大戰, 冇邪教, 冇女神, 放心未?」

我斜眼看著他:「搵我去真係因為段無線電, 我順路咁簡單?」

「係呀,婆媽! 你都屈左係WIN好耐啦, 出去行下唔好?」

和言寄葉在一起, 我窩在這兒多久也行。

「我同言寄葉商量下先。」

「都岩既。 你決定左就黎搵我。」

這傢伙一臉信心滿滿的樣子特別叫我不爽。

但星之曙光計畫的確有意思。

言寄葉, 她...她會同意嗎?

同言寄葉商量下先

屌你而家出面就真係好似末日咁。打風打到亂晒龍

座樓搖緊

隔黎屋做緊愛姐